Pwärätä 11:8 - Chuukese Bible

⁸ nge somäär repwe nom won alen ewe telinimw watte, ia ar we Samol a iräpenges ie. Iten ei telinimw lon kapasen awewe Sotom me Isip.

Pwärätä 11:8 Iomraidhean Croise

Keneses 13:13

Nge ekewe re Sotom ra fokun föföringau o tipis ngeni ewe Samol mi Lapalap.

Keneses 19:24

Mürin, ewe Samol mi Lapalap a apüngätiu seni läng ütten primston me ekkei won Sotom me Komora.

Ekistos 20:2

“Ngang ewe Samol mi Lapalap om Kot, üa emwenukowu seni ewe fanü Isip, ewe leni ia ra nöünuk amanau ie.

Ekistos 3:7

Mürin, ewe Samol mi Lapalap a apasa, “Üa küna riaföün nei aramas mi nonom Isip o rongorong ar siö pokiten än chon Isip nemenemengau ngeniir, üa pwal silei ar weires meinisin.

Aisea 3:9

Wowon won meser a pwärätä ar lapalapangau, ra tipis usun chon Sotom, nge resap aopala. Feiengauer! Pun ra püsin atoto feiengau wor.

Jeremaia 23:14

Nge üa küna ekewe soufosun Jerusalem, pwe ra fen ngau seniir. Ra föri föförün lisowu o eäni kapas chofana. Ra alisätä ekewe aramas lon ar föföringau, iei mine esap wor eman a kul seni an föför mi ngau. Ir meinisin ra ngau ngeniei usun chök ekewe aramasen Sotom me Komora.

Jeremaia 26:23

Iwe, ra turufi Uria me lon Isip o emwenala ren ewe king Jehoiakim. Ätei a niela Uria o moneela somän lon lenien peiasen ekewe aramas kis.)

Isikiel 16:46

Pwiüm we watte a iteni Samaria, a nom efeng me wisoposopun kewe. Nge pwiüm we kükün a iteni Sotom, a nom ör me wisoposopun kewe.

Isikiel 16:49

Iei tipisin pwiüm we Sotom: I me wisoposopun kewe ra lamalamtekia, ra mongömong, ra pwal nonomöch fän kinamwe, nge resap alisi chon wöüngau me mwelele.

Isikiel 23:19

Nge a chök alapala an amömö inisin fän iten lisowu, pun a chechemeni fansoun an föpwül, lupwen a amömö inisin lon ewe fanü Isip.

Isikiel 23:27

Iei usun üpwe aükätiu om mocheisou me om angangen lisowu, ka popuetä le föri me lon Isip. Kosap chüen nenengeni ekewe uluulun anümwäl ika chechemeni Isip.

Isikiel 23:3

Ra amömö inisir fän iten lisowu lon Isip, lupwen ra chüen föpwül. Ikenan mwän ra atapa oupwur o urumwotiti.

Isikiel 23:8

Esap likitala an amömö inisin fän iten lisowu, a fen föri lon Isip, lupwen mwän ra kon ren lon fansoun an föpwül, lupwen ra urumwotiti oupwun o awesi ar mocheisou ngeni.

Isikiel 37:11

Mürin, Kot a üreniei, “Nöün aramas, wewen ekei chü ekewe aramasen Israel meinisin. Nengeni, ra apasa, ‘Chüch kewe ra pwasapwas, ach apilükülük a morola, sa fokun ärela.’

Amos 4:11

Üa niela ekoch me leimi usun üa niela ekewe chon Sotom me Komora. Nge chokewe mi chüen manau me leimi ra usun esop mwüch a katowu seni ekkei. Iei mwo nge ämi ousap liwinto rei.” Iei usun mine ewe Samol mi Lapalap a apasa.

Mateus 10:15

Enlet üpwe ürenikemi, pwe än Kot apwüngü ekewe aramasen Sotom me Komora lon ewe ränin apwüng epwe kisikis seni an apwüngü aramasen ei telinimw.

Föför 9:4

Iwe, a turutiu le pwül, nge a rongorong eu möngüngü mi üreni, “Saul, Saul, pwota ka ariaföüüei?”

Ipru 13:12

Iei popun Jesus a pwal mäla lükün ewe telinimw, pwe epwe apini ekewe aramas ren püsin chaan.

Ipru 6:6

Nge mürin ra pöütala ar lükü! Ese fokun tufich ach sipwe aliwinisefäliir pwe repwe aiersefäl, pun ra iräpengesisefäli ewe Nöün Kot o asäwa i me mwen mesen aramas.

2. Petrus 2:6

Kot a apwüngü ekewe telinimw Sotom me Komora o atarela ren ekkei. A föri pwe ir eu lenien eniweniw ngeni chokewe resap meniniti Kot.

Jutas 1:7

Oupwe chechemeni Sotom me Komora me ekewe telinimw mi nom ünükür, aramasen lor ra föri sokun föför usun chök ekewe chon läng. Ra föri sokun föförün lisowu mi ngau o lapalapangau. Ra nom lon riaföün ewe ekkei esekun pwe ina liwinin ar tipis. Iei eu kapasen fön mi fatöch ngeni aramas meinisin.

Pwärätä 11:13

Lon ewe chök otun a wor eu chechechin fanü mi pöchökül o eu leengolun ewe telinimw a tala. Iwe, fisungeröü aramas ra mäla ren, nge ekewe lusun aramas mi chüen manau ra fokun rükö o mwareiti manamanen ewe Kot mi nom läng.

Pwärätä 11:9

Iwe, lon ükükün ülüngat esop rän aramasen ekewe mwü me ainang me kapas me mwich repwe nenengeni ekewe somä, nge resap mwütätä pwe repwe peias.

Pwärätä 14:20

Ekewe umwun uän wain ra üchüch lon ewe lenien üchüch lükün ewe telinimw. Iwe, cha a towu seni ewe lenien üchüch föün wain, o pupuun a pula ina epwe ükükün ruwopükü mail, nge alololun ina epwe ükükün limu fiit.

Pwärätä 14:8

Ewe aruomanün chon läng a tapweto me mürin ewe aemanün o a apasa, “A tala, a tala, Papilon mi lapalap! A aünü ngeni chon ekewe mwü meinisin ünüman wain mi pwichikar, ewe wainen an mocheisou!”

Pwärätä 16:19

Ewe telinimw watte a kinikin lon ülüngat kinikin, nge telinimwen ekewe fanü meinisin ra tala. Iwe, Kot esap manlükala Papilon, ewe telinimw mi lapalap, a aünü ngeni ewe wain seni an kap, iei ewe wainen an lingeringer mi fokun afeiengau.

Pwärätä 17:1

Mürin eman me lein ekewe füman chon läng mi amwöchü ekewe fisu sepi a feito rei o üreniei, “Kopwe etto, üpwe aiti ngonuk usun än ewe fin lisowu mi iteföüla epwe küna apwüng, wewen, iei ewe telinimw watte mi kaütä arun chomong chanpupu.

Pwärätä 17:18

Ewe fefin ka küna, iei ewe telinimw mi lapalap a nemenem won ekewe kingen fanüfan.”

Pwärätä 17:5

A mak eu it won chamwan a monomon wewen: Papilon mi lapalap, inelapen ekewe fin lisowu meinisin me ekewe föför mi anioput won fanüfan.

Pwärätä 18:10

Ra ütä me toau, pun ra niuokus ar repwe eti lon an riaföü. Ra apasa, “A ifan me watten feiengauom! A ifan me amairün feiengauom! En telinimw Papilon mi watte o pöchökül. Lon eu chök awa ka küna apwüng!”

Pwärätä 18:18

o pupuchör lupwen ra küna ötüötün ewe ekkei mi kenala ewe telinimw. Ra apasa, “Esap fokun wor pwal eu telinimw mi wewe ngeni ei telinimw mi watte!”

Pwärätä 18:2

A kökkö ren mwelian mi leüömong, “A tala, a tala Papilon mi lapalap. Iei a wiliti eu lenien anün rochopwak me ngün mi limengau. Sokopaten machang mi limengau me anioput ra nonom lon.

Pwärätä 18:21

Mürin eman chon läng mi pöchökül a ekietä eföü fau mi wewe ngeni eföü föün föir mi watte, a aturätiu lon ewe matau o apasa, “Iei usun en Papilon, ewe telinimw mi watte, kopwe fokun koturfochofochotiu fän pöchökül, o kosap chüen pwäsefäl.

Pwärätä 18:24

Papilon a küna kapwüng pokiten chaan ekewe soufos me ekewe chon pin a ninnila lon, ewer, chaan chokewe meinisin mi ninnila won fanüfan.