Pwärätä 11:6 - Chuukese Bible

⁶ A wor ar manaman ar repwe pinei läng pwe esap püngütiu üt lon ükükün ewe fansoun ra arongafeili än Kot kapas. A wor ar manaman won ekewe puächen koluk ar repwe awili ngeni cha. A pwal wor ar manaman ar repwe afeiengaua fanüfan ren sokopaten feiengau fansoun inet chök ra mochen.

Pwärätä 11:6 Iomraidhean Croise

1. King 17:1

Iwe, eman sofos itan Elias seni Tispe lon Kiliat a üreni Ahap, “Mwo manauen ewe Samol mi Lapalap ewe Koten Israel, ewe Kot üa angang ngeni, esap püngütiu amurenipwin ika üt lon kei ier tori üpwe kapasefäl.”

Lukas 4:25

Oupwe aüselingaei: A wor chomong fefin mi mä pwülüer lon Israel lon fansoun Elias, lupwen a wor mailengita lon unusen ewe fanü pokiten esap püng üt lon ükükün ülüngat esop ier.

Pwärätä 11:3

Iwe, üpwe tinala nei kewe ruoman chon pwärätä mi üföüf üf seni tuk, repwe arongafeili än Kot kapas lon ekewe engöröü ruopükü wone rän.”

Pwärätä 16:3

Mürin ewe aruomanün chon läng a ninätiu masouen sepian we lon matau. Iwe, ewe matau a wiliti cha usun chök chaan eman aramas mi mäla o iteiten mönümanau meinisin lon matau ra mäla.

Pwärätä 16:4

Mürin ewe aülümanün chon läng a ninätiu masouen sepian we lon ekewe chanpupu me ekewe puächen koluk pwe ra wiliti cha.

Pwärätä 8:8

Mürin ewe aruomanün chon läng a ettiki nöün rappwa. Iwe, och mi wewe ngeni eu chuk mi watte mi ngetenget ren ekkei a turutiu le matau. Iwe, eu leülüngatin ewe matau a wiliti cha,

1. Samuel 4:8

Sipwe feiengau. Iö a tongeni angasakich seni manamanen ekei kot mi pöchökül? Ikkei ir ekewe kot mi afeiengaua ekewe chon Isip ren sokopaten feiengau me lon ewe fanüapö.