Pwärätä 11:5 - Chuukese Bible

⁵ Ika chon oputer ra mochen afeiengauer, ekkei epwe ngetewu seni lon awer o keniirela. Iei usun, ika eman a mochen afeiengauer epwe ninnila.

Pwärätä 11:5 Iomraidhean Croise

Kölfel 18:8

Ötüöt a ötüwu seni lon pwötün, nge ekkei lapalap a ngetewu seni lon awan, pwal mooch mi sarara a küwu seni.

Aisea 11:4

Nge epwe apwüngü chon wöüngau fän pwüng, epwe pwal peni chon tipetekison won fanüfan, nge esap lifilifil. Iwe, epwe afeiengaua fanüfan ren an kapas usun sa afeiengaua eman ren efoch wok, epwe pwal niela chon föföringau ren enienin ngasangasan.

Jeremaia 1:10

Lon ei rän üa awisok pwe kopwe nemenem won ekewe fanü me mwü, pwe kopwe üttiretä o kupiretiu, kopwe atarela o atururetiu, kopwe pwal aüretä o fotukiir.”

Jeremaia 5:14

Iei popun ewe Samol mi Lapalap ewe Kot mi Unusen Manaman a apasa, “Pokiten ekewe aramas ra apasa ekei kapas, ngang üpwe föri pwe ai kewe kapas repwe usun chök ekkei me lon awom, nge ir repwe usun chök mwüch. Iwe, ewe ekkei epwe kenirela.”

Isikiel 43:3

Iwe, künaei ei me ren Kot a usun chök künaei we üa küna, lupwen Kot a feito pwe epwe ataela ewe telinimw Jerusalem, pwal usun chök künaei we üa küna me arun ewe chanpupu Kepar. Iwe, üa chapetiu lepwül.

Osea 6:5

Iei mine üa atatakisikemi o niikemi ren ai kewe kapas üa tini ngeni ekewe soufos, ai apwüng a fiitikemi usun inefi.

Sekaraia 1:6

Ifa usun, ai kewe kapas me ai kewe allük üa allük ngeni nei kewe chon angang ekewe soufos resap küw ämi kewe lewo? Iei mine ra ekieksefäl o üra: Usun mine ewe Samol mi Unusen Manaman a ekiekietä pwe epwe föri ngenikem fän iten äm kewe lapalap me föför, iei usun a föri ngenikem.”

Sekaraia 2:8

Iwe, iei alon ewe Samol mi Unusen Manaman, a tiniei ren an ling ngeni chon ekewe mwü mi angei pisekimi fän pöchökül, pun chokewe mi atapakemi ra atapa fituken lon mesan,

Pwärätä 13:13

Ei aruomanün manmwacho a afisätä manaman mi lapalap. A pwal tongeni awora ekkei mi feitiu seni läng won fanüfan mwen mesen aramas meinisin.

Pwärätä 9:17

Iwe, lon künaei we üa küna ekewe oris me ekewe chon wawa, a iei usur: a wor chechen leupwer mi parapar usun ekkei, a arauarau usun ewe fau aüchea itan safaia, a pwal oleol usun primston, nge mökürer ra wewe ngeni möküren laion. Iwe, seni lon awer a towu ekkei, ötüöt me primston.