Pwärätä 11:3 - Chuukese Bible

³ Iwe, üpwe tinala nei kewe ruoman chon pwärätä mi üföüf üf seni tuk, repwe arongafeili än Kot kapas lon ekewe engöröü ruopükü wone rän.”

Pwärätä 11:3 Iomraidhean Croise

Keneses 37:34

Mürin, Jakop a kamwei üfan fän an letipeta, a üföüfolong echö üf seni tuk o kechüeiti nöün we lon chomong rän.

2. Samuel 3:31

Mürin, Tafit a üreni Joap me ekewe aramas meinisin mi eti, “Oupwe kamwei üfemi, oupwe üföüf üf seni tuk o kechüeiti Apner.” Nge ewe king Tafit a tapwela mürin ewe pwor ewe somä a nom lon.

1. King 21:27

Nge lupwen Ahap a rong ekei kapas, a kamwei üfan o üföüfolong üf seni tuk, a achüün o kon lon tuk, a pwal fetalfeil fän aiengau.

2. King 19:1

Iwe, lupwen ewe king Hiskia a rong ei pworaus, a pwal kamwei üfan fän an letipeta o üföüfolong üf seni tuk. Mürin a feila lon imwen ewe Samol mi Lapalap.

1. Kronika 21:16

Iwe, Tafit a anetai mesan o küna nöün ewe Samol mi Lapalap we chon läng pwe a ütä lefilen fanüfan me läng, nge a amwöchü lepöün efoch ketilas mi itila won Jerusalem. Mürin, Tafit me ekewe souakom mi üföüf üf seni tuk ra chapetiu lepwül.

Nehemia 9:1

Iwe, lon rüe me rüanün ränin ei chök maram ekewe aramasen Israel ra mwichefengen, ra echikefel o üföüf üf seni tuk, ra pwal tukotuketä pwül won mökürer pwe asisilen ar letipeta pokiten ar tipis.

Hiop 16:15

Üa üföüf üf seni tuk o soretiu chamwei lon pwül moromor.

Kölfel 69:11

Lupwen üa üföüf üf seni tuk, ra chök takiriei.

Aisea 22:12

Lon ewe fansoun Kot ewe Samol mi Unusen Manaman a ürenikemi pwe oupwe kechü o ngüngüres, oupwe pwal fichi möküremi o üföüf üf seni tuk.

Jeremaia 1:10

Lon ei rän üa awisok pwe kopwe nemenem won ekewe fanü me mwü, pwe kopwe üttiretä o kupiretiu, kopwe atarela o atururetiu, kopwe pwal aüretä o fotukiir.”

Kölün kechü 2:10

Ekewe souakomwen Sion ra mot won pwül fän mosonoson. Ra tukotukotä pwül won mökürer o üföüf üf seni tuk, pwe asisilen ar letipeta. Ekewe föpwülün Jerusalem ra rotiu lepwül.

Isikiel 4:6

Nge lupwen ka awesi ekei rän meinisin, kopwe konsefälila won pelifichum, pwe kopwe uwei liwinin tipisin chon Juta. Üpwe awisa ngonuk faik rän, nge eu rän a wewe ngeni eu ierin ar tipis.

Taniel 12:7

Iwe, ewe mwän mi üföüf üf mi pwechepwech o ütä asen ewe chanpupu a aitietä läng pöüifichin me pöüimöngün. Üa rong pwe a akapelü Ewe mi Manau tori feilfeilachök o apasa, “Epwe la ülüngat esop ier, nge lupwen manamanen ewe mi ariaföüü ekewe aramas mi pin epwe wes, ekei mettoch meinisin repwap pwönüetä.”

Taniel 7:25

Iwe, epwe eäni kapasen üpälü ngeni Ewe mi Fokun Tekia, epwe pwal ariaföüü ekewe chon pin nöün Ewe mi Fokun Tekia o ekiekin siwili fansoun me allük. Iwe, ekewe chon pin repwe tolong fän nemenian lon ükükün ülüngat esop ier.

Taniel 8:14

Iwe, a pälüeni, “Epwe ükükün engeröü ipükü lime rän pwe esap fis asor lekuniol me lesosor. Mürin, ewe imw mi pin epwe kaüsefäl o pinsefäl.”

Sowel 1:13

Oupwe üföüf üf seni tuk o kechü, ämi souasor mi angang ngeni ewe rongen asor. Oupwe feito o ngüngüres lon üfemi seni tuk lon unusen pwin, ämi nöün ai we Kot chon angang. Pun asoren mongö me asoren ün esap chüen fis lon imwenfelin ämi we Kot.

Sona 3:5

Iwe, ekewe chon Ninifa ra lükü än Kot we kapas. Ra arongafeili pwe aramas meinisin seni ekewe aramas tekia tori ekewe aramas kis repwe echikefel o üföüf üf seni tuk, pwe asisilen ar ekieksefäl.

Sona 3:8

Nge aramas tori man meinisin repwe üföüf üf seni tuk. Aramas meinisin repwe kechü ngeni Kot fän leüömong. Ewer, eman me eman epwe likitala an lapalap mi ngau me an föför esepwüng.

Numperis 11:26

Nge mi wor ruoman mwän iter Eltat me Metat ra alealaong lein ekewe fik ra chök nom lon ewe ia ra nonom ie, nge resap feila ren ewe imwenfel seni mangaku. Iwe, ewe ngün a feito wor pwe ra pwal osuni me ewe ia ra nonom ie.

Mateus 11:21

“Feiengauom Korasim! Feiengauom Petsaita! Are ekewe manaman mi fen fis me lomi repwe fen fis lon Tirus me Siton, ekewe aramas lon ekei telinimw repwe üföüf üf seni tuk me lomlom o amoratiu falang won mökürer, pwe asisilen ar kul seni tipis!

Mateus 18:16

Nge are esap aüseling ngonuk, kopwe nuki eman ika ruoman chienom pwe repwe etuk, pun ‘ren pwärien ruoman ika ülüman chon pwärätä a tongeni fat pwüngün och föför’, usun a mak lon ekewe Toropwe mi Pin.

Lukas 10:13

“Feiengauom Korasim, feiengauom Petsaita! Pun are ekewe manaman mi fen fis lomi ra fis lon Tirus me Siton, ekewe aramas lon ekei telinimw repwe mottiu me lomlom fän üfer seni tuk o amworatiu falang won mökürer pwe asisilen ar aier seni tipis.

Lukas 24:48

Ämi oua chon pwärätä ekei mettoch.

Johannes 15:27

Pwal ämi oupwe pwärätä usi, pun ämi oua nonom rei seni lepopun.

Johannes 3:27

Johannes a pölüeni, “Esap wor eman a tongeni angei och are Kot esap ngeni.

Föför 1:8

Nge ämi oupwe angei ewe manaman lupwen Ngünmifel epwe feitiu womi, iwe, oupwe pwäriei lon Jerusalem, lon unusen Jutea me Samaria tori lon unusen fanüfan.”

Föför 13:31

Iwe, lon chomong rän a pwä ngeni chokewe mi eti i lon an saifetal seni Kalilea tori Jerusalem. Iei ir ra chon pwärätä i ngeni ekewe aramasen Israel.

Föför 2:32

Iwe, Kot a amanauasefäli ätei Jesus seni mäla, nge äm meinisin aia chon pwärätä pwe a wesewesen fis ei.

Föför 3:15

Ämi oua niela ätewe mi emweni aramas ngeni manau. Nge Kot a amanauasefäli seni mäla o äm aia chon pwärätä pwe a fis ei.

1. Korint 12:28

Iwe, Kot a awiser meinisin lon en me lenian lon imwenfel: Akomwan ekewe soukünö, aruan ekewe soufos, nge aülüngatin ekewe sense. Mürin chokewe mi föri manaman, pwal chokewe mi wor ar tufichin apöchöküla aramas, chokewe mi alisi aramas, chokewe ir souemwen, pwal chokewe mi fos lon kapasen ekis.

2. Korint 13:1

Iwe, iei aülüngatin fansoun ai üpwe feila churikemi. Usun a mak lon ekewe Toropwe mi Pin, “A chök fis allükülükün tipisin eman are a wor ruoman ika ülüman chon pwärätä.”

Efisos 4:11

I ewe mi “ngeni aramas lifanger”. A filätä ekoch pwe repwe soukünö, pwal ekoch repwe soufos, pwal ekoch repwe chon asoulängala aramas, nge pwal ekoch repwe soumas me sense.

Tuteronomi 17:6

Nge epwe chök ninnila, are a wor ruoman ika ülüman chon pwärätä an tipis. Esap wor eman epwe ninnila are a wor eman chök chon pwärätä.

Tuteronomi 19:15

“Iwe, eman chök chon pwärätä esap naf an epwe tongeni atipisi eman mwän pwe a föri föförün mwäneson ika sokun föför mi ngau. Nge ren pwärien ruoman ika ülüman chon pwärätä a tongeni fis pwüngün ar atipisi.

Pwärätä 1:5

pwal seni Jesus Kraist ewe chon pwärätä mi allükülük, ewe mwänichi, Kot a amanauasefäli seni mäla, i ewe mi nemeni ekewe king won fanüfan. I a echenikich o angasakich seni ach tipis ren chaan,

Pwärätä 11:2

Nge kosap aükü ekewe leni lükün ewe imwenfel, pun Kot a ngeni ekewe chon lükün Israel ar repwe puri ewe Telinimw mi Pin lon ükükün faik me ruu maram.

Pwärätä 11:6

A wor ar manaman ar repwe pinei läng pwe esap püngütiu üt lon ükükün ewe fansoun ra arongafeili än Kot kapas. A wor ar manaman won ekewe puächen koluk ar repwe awili ngeni cha. A pwal wor ar manaman ar repwe afeiengaua fanüfan ren sokopaten feiengau fansoun inet chök ra mochen.

Pwärätä 12:6

Iwe, ewe fefin a süla lon ewe fanüapö ia a wor ie eu leni Kot a amolätä fän itan. Ikenan epwe tümwün lon ükükün engeröü rüwopükü wone rän.

Pwärätä 13:5

A mwümwü ngeni ewe manmwacho pwe epwe eäni kapasen lamalamtekia mi turunufasei Kot, a pwal mwümwü ngeni pwe epwe nemenem lon ükükün faik me ruu maram.

Pwärätä 19:10

Iwe, üa chapetiu arun pechen ewe chon läng pwe üpwe fel ngeni, nge i a üreniei, “Kosap föri iei usun! Ngang eman chiechiom chon angang me chiechien pwiüm kewe, chokewe meinisin mi kamwöchünük won ewe let Jesus a pwärätä. Kopwe fel ngeni Kot!” Pun ewe let Jesus a pwärätä, iei met a amwelielia ekewe soufos.

Pwärätä 20:4

Mürin üa küna ekoch lenien motun king, nge chokewe mi mot wor ra angei ewe pöchökül pwe repwe tongeni eäni kapwüng. Üa pwal küna ngünün chokewe mi ninnila pokiten ar arongafeili ewe let Jesus a pwärätä me än Kot kapas. Ir chokewe resap fel ngeni ewe manmwacho ika uluulun we, resap pwal angei asisilen ewe manmwacho won chamwer ika won pöür. Ra manausefäl o eti Jesus le nemenem lon ükükün engeröü ier.