Pwärätä 11:2 - Chuukese Bible

² Nge kosap aükü ekewe leni lükün ewe imwenfel, pun Kot a ngeni ekewe chon lükün Israel ar repwe puri ewe Telinimw mi Pin lon ükükün faik me ruu maram.

Pwärätä 11:2 Iomraidhean Croise

Kölfel 79:1

Ai Kot, chon ekewe mwü ra tolong lon fanüom. Ra apiningaua pinin imwom we mi pin o atatakisi Jerusalem.

Aisea 48:2

Iwe, oua püsin aita ngenikemi chon ewe telinimw mi pin o apilükülükü ewe Koten Israel, itan ewe Samol mi Unusen Manaman.

Aisea 5:5

Iwe, iei üpwe asile ngenikemi mine üpwe föri ngeni ai tanipi. Üpwe ütti ekewe irä mi tii ünükün ewe tanipi o ataela ewe tit pwe ekewe manmwacho repwe tolong. Repwe eni ekewe irän wain o puriretiu.

Aisea 52:1

Kopwe pwätä, kopwe pwätä, Jerusalem, kopwe angei pöchökül pwe kopwe pöchökülsefäl. Kopwe pwilitalong womw ufom mi ling, en Jerusalem ewe telinimw mi pin. Iwe, chokewe resap sirkomsais pwal chokewe mi limengau resap chüen tolong lomw.

Kölün kechü 1:10

Ekewe chon oputan ra angeala än Jerusalem pisek mi aüchea meinisin. Ewer, a küna pwe chon ekewe mwü ra ipwelong lon ewe Imwenfel, ir chokewe ewe Samol mi Lapalap esap mwüt ngeniir pwe repwe nonom lon an mwich.

Isikiel 4:6

Nge lupwen ka awesi ekei rän meinisin, kopwe konsefälila won pelifichum, pwe kopwe uwei liwinin tipisin chon Juta. Üpwe awisa ngonuk faik rän, nge eu rän a wewe ngeni eu ierin ar tipis.

Isikiel 42:20

Ina usun a aükü ewe leni lepelian me rüanü. Iwe, a wor eu tit pwelin ünükün, langatamen lepekin me rüanü ükükün walüpükü faik fiit. Iwe, ewe tit a refiela lefilen ewe leni mi pin me ewe leni esap pin.

Taniel 12:7

Iwe, ewe mwän mi üföüf üf mi pwechepwech o ütä asen ewe chanpupu a aitietä läng pöüifichin me pöüimöngün. Üa rong pwe a akapelü Ewe mi Manau tori feilfeilachök o apasa, “Epwe la ülüngat esop ier, nge lupwen manamanen ewe mi ariaföüü ekewe aramas mi pin epwe wes, ekei mettoch meinisin repwap pwönüetä.”

Taniel 7:19

Mürin üa mochen silei usun pwüngün me wewen ewe afömanün mönümanau a sokola seni ekewe lusun. A fokun eniweniw, ngiin ra usun chök mächä, ükkün ra usun piras, a ochei o atatakisi liapan, a pwal purätiu meinisin mine a lusun.

Taniel 7:25

Iwe, epwe eäni kapasen üpälü ngeni Ewe mi Fokun Tekia, epwe pwal ariaföüü ekewe chon pin nöün Ewe mi Fokun Tekia o ekiekin siwili fansoun me allük. Iwe, ekewe chon pin repwe tolong fän nemenian lon ükükün ülüngat esop ier.

Taniel 8:10

Iwe, ewe mächä a fokun pöchökülela pwe a fiu ngeni ewe mwich seni läng. A aturätiu won fanüfan ekoch me leir, pwal ekoch fü, o ipweriretiu.

Taniel 8:13

Mürin üa rongorong pwe eman chon pin a aisini pwal eman chon pin, “Ifa ükükün fansoun än ekewe mettoch mi pwä repwe fis? Ifa ükükün fansoun an epwe ouwongaua pinin ewe asoren kek mi fis iteiten rän? Nge ifa ükükün fansoun än ewe mächä purätiu ewe imw mi pin me ewe mwich?”

Taniel 8:14

Iwe, a pälüeni, “Epwe ükükün engeröü ipükü lime rän pwe esap fis asor lekuniol me lesosor. Mürin, ewe imw mi pin epwe kaüsefäl o pinsefäl.”

Numperis 14:34

Ükükün iteiten ekewe faik rän oua operi ewe fanü, iei ükükün ierin ämi oupwe uwei liwinin ämi föföringau. Pun eu ier epwe fän iten eu rän. Iei usun oupwe mefi weiresin ai ü ngenikemi lon ükükün faik ier.’

Mateus 27:53

Ra towu seni ekewe peias mürin än Jesus manausefäl seni mäla o feila lon ewe Telinimw mi Pin ia chomong aramas ra küneer me ie.

Mateus 4:5

Mürin ewe Tefil a panala Jesus Jerusalem, ewe telinimw mi pin o aütai won ungen ewe imwenfel.

Mateus 5:13

“Ämi oua usun chök salt fän iten aramas meinisin. Nge are ewe salt a nepatapatala, esap wor och mine sipwe enekeniken ngeni. Esap chüen lomot ngeni och, sipwe chök pöütala nge aramas repwe puri.

Lukas 21:24

Ekoch repwe ninnila ren ketilas, nge pwal ekoch repwe oola lon ekewe fanü meinisin. Iwe, ekewe chon lükün Israel repwe purätiu Jerusalem tori fansoun än chon lükün Israel nemenem a wes.

Ipru 10:29

Oupwe ekieki epwe ifan me watten liwinin tipisin eman aramas mi aitengaua ewe Nöün Kot o aüongaua pinin chaan än Kot we pwon a küna pin ren, a pwal turunufasei ewe Ngünün ümöümöch.

Pwärätä 11:11

Nge mürin ülüngat esop rän eu ngasangasen manau seni Kot a tolong lor, iwe, ra ütä o chokewe meinisin mi küneer ra fokun rükö.

Pwärätä 11:3

Iwe, üpwe tinala nei kewe ruoman chon pwärätä mi üföüf üf seni tuk, repwe arongafeili än Kot kapas lon ekewe engöröü ruopükü wone rän.”

Pwärätä 12:6

Iwe, ewe fefin a süla lon ewe fanüapö ia a wor ie eu leni Kot a amolätä fän itan. Ikenan epwe tümwün lon ükükün engeröü rüwopükü wone rän.

Pwärätä 21:10

Iwe, lupwen ai nom lon ngün, ewe chon läng a uweieila won ungen eu chuk mi fokun tekia o a aküna ngeniei Jerusalem, ewe Telinimw mi Pin, a feitiu me läng seni Kot,

Pwärätä 21:2

Iwe, üa küna ewe Telinimw mi Pin, ewe Jerusalem mi fö, a feitiu me läng seni Kot, a molotä usun eman fin apwüpwülü söfö a tolong lon foutan pwe epwe apwüpwülü ngeni pwülüan.

Pwärätä 22:19

Nge are eman epwe angei och seni ekewe kapasen osuni mi mak lon ei puk, Kot epwe angei seni wisan me won ewe irän manau pwal wisan me won ewe Telinimw mi Pin usun a mak lon ei puk.