Pwärätä 10:9 - Chuukese Bible

⁹ Iei mine üa feila ren ewe chon läng o tüngor ngeni, pwe epwe ngeniei ewe kükün toropwe. Iwe, a üreniei, “Kopwe angei o äni. Epwe maras me lon lukom, nge epwe arar me lon awom usun chönün chunen.”

Pwärätä 10:9 Iomraidhean Croise

Hiop 23:12

Üa apwönüetä än Kot kewe allük, üa iseis an kewe kapas lon letipei.

Jeremaia 15:16

Üa iseis lon lelukei om kewe kapas, lupwen ra toriei. Om kapas a fis pwe ai pwapwa, lelukei a meseik ren, pun itom a föü woi, ai Kot Samol mi Unusen Manaman.

Isikiel 2:8

Nge en nöün aramas, kopwe rongorong mine üpwe ürenuk, nge kosap lükümach o ü ngeniei usun ei täppin aramas. Kopwe amasala awom o mongö mine üpwe ngonuk.”

Isikiel 3:14

Mürin, Ngünün Kot a ekieitä o uweeila. Üa feila fän ai weires me letipechou, nge än ewe Samol mi Lapalap manaman mi pöchökül a toriei.

Kolose 3:6

Pun pokiten ekei mettoch än Kot song epwe tori chokewe resap aleasochis ngeni.

Pwärätä 10:10

Mürin üa angei ewe kükün toropwe seni lon pöün o äni. Iwe, nennan me lon awei a arar usun chönün chunen. Nge me mürin ai orumala a maras me lon lukei.