Pwärätä 10:5 - Chuukese Bible

⁵ Mürin ewe chon läng, ewe üa küna pwe a ipw won matau ren efoch pechen, nge ren efoch a ipw won fanü a aitietä pöüifichin läng

Pwärätä 10:5 Iomraidhean Croise

Keneses 14:22

Nge Apram a üreni ewe kingen Sotom, “Üa akapel ngeni ewe Samol mi Lapalap, ewe Kot mi Unusen Tekia, a föri läng me fanüfan,

Nehemia 9:6

Mürin, ekewe aramasen Israel ra eäni ei iotek, “En Kot, en chök ewe Samol mi Lapalap. Ka föri läng, ekewe sässärin läng mi fokun tekia, pwal mettochun lon meinisin. Ka föri fanüfan me meinisin mine a nom won, ekewe matau me masouen lor meinisin. En ka pwal ngeniir meinisin ar manau. Iwe, ekewe chon läng meinisin ra fel ngonuk.

Kölfel 146:5

A feiöch ewe aramas a eäni än Jakop we Kot soualilis, a anomu an apilükülük won ewe Samol mi Lapalap an we Kot,

Ekistos 20:11

Pun lon wonu rän ngang ewe Samol mi Lapalap üa föri läng me fanüfan, pwal matau me meinisin mine a wor lor. Nge lon afisuen rän üa asösö. Iei mine üa afeiöchü ewe ränin sapat o apini.

Ekistos 6:8

Üpwe pwal emwenikemiilong lon ewe fanü, üa pwon ngeni Apraham, Isaak me Jakop pwe üpwe ngenikemi pwe fanüemi. Ngang ewe Samol mi Lapalap.’”

Isikiel 20:15

Nge lon ewe fanüapö üa pwon fän akapel ngeniir pwe üsap emwenirelong lon ewe fanü üa fen ngeniir, eu fanü mi mürina seni meinisin, eu fanü mi pwülüöch o fanüeräs,

Isikiel 20:23

Iwe, lon ewe fanüapö üa pwal pwon fän akapel ngeniir, pwe üpwe atoropaseer lein chon ekewe mwü won fanüfan,

Isikiel 20:28

Iwe, üa emwenirelong lon ewe fanü, üa pwon fän akapel ngeniir me mwan pwe üpwe ngeniir. Nge lupwen ra küna ekewe chukutekia, ra föri ar asor won, pwal fän ekewe irä mi mwuresires. Ikenan ra asongaei ren ar kewe asor ra keni, pwal ren ar ninala ar kewe lö mi pwokus me ar asoren ün.

Isikiel 20:42

Iwe, lupwen üpwe aliwinikemiila lon ewe fanü Israel, ewe fanü üa pwon fän akapel ngeni ämi kewe lewo pwe üpwe ngeniir, mürin oupwe silei pwe ngang ewe Samol mi Lapalap.

Isikiel 20:5

o üreniir, ‘Iei alon Kot ewe Samol mi Lapalap: Lon ewe rän, lupwen üa fili Israel, üa pwon fän akapel ngeni ekewe mwirimwirin Jakop, üa pwal pwärätä ngeniir usi me lon ewe fanü Isip. Iwe, üa pwon fän akapel ngeniir o apasa: Ngang ewe Samol mi Lapalap ämi we Kot.

Isikiel 36:7

Iei mine ngang Kot ewe Samol mi Lapalap üa pwon fän akapel pwe ekewe mwü mi nom ünükümi repwe pwal püsin riaföü ren ar küna turunufas.

Isikiel 47:14

Iwe, oupwe kinikinöchfengen won ei fanü. Pun üa pwon fän akapel ngeni ämi kewe lewo pwe üpwe ngeniir ei fanü, iei mine ämi oupwe faffanü seni.

Taniel 12:7

Iwe, ewe mwän mi üföüf üf mi pwechepwech o ütä asen ewe chanpupu a aitietä läng pöüifichin me pöüimöngün. Üa rong pwe a akapelü Ewe mi Manau tori feilfeilachök o apasa, “Epwe la ülüngat esop ier, nge lupwen manamanen ewe mi ariaföüü ekewe aramas mi pin epwe wes, ekei mettoch meinisin repwap pwönüetä.”

Föför 14:15

“Pwota oua föri ei sokun lapalap? Äm aramas chök usun chök ämi! Äm aia nom ikei, pwe aipwe aronga ngenikemi ewe Pworausen Manau, pwe oupwe kul seni ämi fel ngeni ekei kot mi lomotongau o fel ngeni ewe Kot mi manau, ewe mi föri läng me fanüfan me matau me meinisin mine a nom lor.

Föför 17:23

Pun lupwen üa fetalfeil lon ämi ei telinimw üa küna ekewe leni ia oua fel ngeni ekewe kot ie, üa pwal küna eu rongen asor a mak ekei kapas won, ‘Fän iten ewe Kot esap wor eman a silei.’ Ewe oua fel ngeni nge ouse fen mwo silei, iei i ewe üa aronga ngenikemi.

Nöün Paulus Toropwe ngeni ekewe Souläng lon Rom 1:20

Esap wor eman aramas a tongeni küna Kot. Nge aramas ra tongeni silei usun Kot ren ekewe mettoch i a föri. Pun seni ewe fansoun Kot a föri fanüfan ra fokun tongeni weweiti pwe an manaman a nom tori feilfeilachök, pwe i wesewesen Kot. Iei mine esap wor än aramas künetipingen.

Tuteronomi 32:40

Pun üa aitietä pei läng o pwon fän akapel: Mwo manauei mi nom rei tori feilfeilachök,

Ipru 6:13

Iwe, lupwen Kot a pwon ngeni Apraham, a pwon fän akapel pwe epwe apwönüetä. Pokiten esap wor eman mi tekia seni püsin i, a akapelü püsin itan.

Pwärätä 1:18

Ngang ewe mi manau! Üa mäla, nge iei üa manau tori feilfeilachök. A wor ai nemenem won mäla me ewe lenien sotup.

Pwärätä 10:2

A amwöchü lon pöün echö kükün toropwe mi suk. Iwe, a ipwetiu won matau ren pelifichin pechen, nge a ipwetiu won fanü ren pelimöngün pechen.

Pwärätä 14:7

A apasa ren mwelian mi leüömong, “Oupwe asamolu Kot o mwareiti an tekia! Pun a war ewe fansoun pwe epwe apwüngü chon fanüfan. Oupwe fel ngeni ewe mi föri läng me fanüfan, matau me ekewe lenien puächen koluk!”

Pwärätä 16:17

Mürin ewe afümanün chon läng a ninätiu masouen sepian we lon asepwäl. Iwe, mwelien eman mi leüömong a towu seni lon ewe lenien motun king me lon ewe imwenfel, a apasa, “A fisila!”

Pwärätä 4:11

“Ach Samol me ach Kot, en ka fich ngeni om kopwe angei ling me iteüöch me manaman. Pun ka föri mettoch meinisin, nge ren letipom ra fis o manau.”

Pwärätä 4:9

Iwe, ekewe föman mönümanau ra köl kölün ling me iteüöch me kilisou ngeni ewe eman mi mot won ewe lenien motun king, ewe mi manau tori feilfeilachök. Lupwen ra föri iei usun,