Pwärätä 10:4 - Chuukese Bible

⁴ Lupwen ekewe fisu chopulap ra kapas, üa mochen makkei met ra apasa. Nge üa rongorong mwelien eman mi kapas seni läng, “Kopwe amonomonala mine ekewe fisu chopulap ra apasa. Kosap makkeetiu!”

Pwärätä 10:4 Iomraidhean Croise

Aisea 29:11

Iwe, ekei kapasen osuni meinisin ra usun chök kapas monomon ngenikemi mi mak lon eu puk mi pwau. Lupwen ra ngeni eman mi sile alea o üreni pwe epwe aleani, epwe apasa, “Üsap tongeni, pun ei puk a pwau.”

Aisea 8:1

Mürin, ewe Samol mi Lapalap a üreniei, “Kopwe angei epek fau mi chöpöp o makei won ren itechik aramas ra tongeni aleani ‘Maher-salal-haspas.’

Aisea 8:16

Kopwe rifengeni ei kapasen pwärätä o anükü ekei allük lon leluken nei chon kaiö.

Taniel 12:4

Nge en Taniel, kopwe tukumala ekei kapas, kopwe numala ewe puk o fötala tori fansoun sopolan fanüfan. Iwe, chomong aramas repwe sotun kütta wewen, nge ar weweiti epwe lapala.”

Taniel 12:9

Nge ewe mwän a pälüeni, “Taniel, kopwe feila, pun wewen ekei kapas epwe monomon o kaopola tori fansoun sopolan.

Taniel 8:26

Iwe, künaom we usun ekewe asor mi fis lekuniol me lesosor, eman a fen awewe ngonuk, epwe fokun fisitä. Nge kopwe amonomonala künaom ei, pun pworausen eu fansoun epwe feito.”

Tuteronomi 29:29

Iwe, ekewe mettoch mi monomon än ewe Samol mi Lapalap ach we Kot. Nge ekewe mettoch mi pwäpwäla kapasen ei allük meinisin ach me än nöüch kana tori feilfeilachök, pwe sipwe aleasochisiir.”

Pwärätä 1:11

A apasa, “Kopwe makkeetiu lon toropwe mine ka küna o kopwe tinala ngeni ekewe fisu mwichefel: Efisos, Smirna, Perkamon, Tiatira, Sartis, Filatelfia me Laotisea.”

Pwärätä 1:19

Iei kopwe makkei ekewe mettoch ka küna, ekewe mettoch a wor iei, pwal ekewe mettoch repwe fis me mürin.

Pwärätä 10:8

Mürin ewe möngüngü üa fen rongorong seni läng a kapassefäl ngeniei, “Kopwe feila o angei ewe toropwe mi suk seni lepöün ewe chon läng mi ipw won matau pwal won fanü.”

Pwärätä 22:10

Iwe, a üreniei, “Kosap pwauni ekewe kapasen osuni mi mak lon ei puk, pun a arapoto ewe fansoun lupwen ekei mettoch meinisin repwe fisitä.