Pwärätä 10:3 - Chuukese Bible

³ Iwe, a kökkö ren mwelian mi leüömong mi wewe ngeni wörüwörün eman laion. Mürin an kökkö, fisu chopulap ra leüömong le pölüeni.

Pwärätä 10:3 Iomraidhean Croise

Kölfel 29:3

Aramas ra rongorong möngüngün ewe Samol mi Lapalap won ekewe matau. Ewe Kot mi ling a apüngü chopulap. Möngüngün ewe Samol mi Lapalap a tittiriis me won ekewe matau.

Än Salomon Fos 19:12

Än eman king lingeringer a usun chök wörüwörün eman laion, nge an ümöümöch a usun chök amurenipwin won ekewe fetil.

Aisea 31:4

Iwe, ewe Samol mi Lapalap a kapas ngeniei, “Usun eman laion ika eman nienifön laion a ngüngü won liapan, nge esap niuokus ren mwelien eu mwichen chon mas ra feila ren, esap pwal süla ren aküranger, iei usun ngang ewe Samol mi Unusen Manaman üpwe feitiu pwe üpwe tümwünü ewe chuk Sion seni feiengau, nge esap wor eman epwe pineei.

Aisea 42:13

Ewe Samol mi Lapalap a feito usun eman chon pwora, a fokun tiliken le ekiekin maun usun eman sounfiu. Iwe, a eäni ewe arukaken maun o pwärawu an pwora ngeni ekewe chon oputan.

Aisea 5:29

Iwe, ra wörüwör usun chök laion ika usun apanen laion. Ra ngüngü, lupwen ra turufi liaper o uwala ekis, nge esap wor eman a tongeni amanaua liaper kewe.

Jeremaia 25:30

Iei mine kopwe osuni ngeniir ekei kapas meinisin o üreniir, ‘Ewe Samol mi Lapalap epwe kökkö fän leüömong seni läng, epwe alapatä mwelian seni lenian mi pin. Epwe fokun kökkö fän leüömong ngeni nöün aramas o mweir usun chokewe mi puri föün wain. Epwe apwas ngeni chon fanüfan meinisin.

Isikiel 10:5

Iwe, mwaataaten pöükässin ekewe kerop a tori ewe leni lükün ewe imwenfel, a usun chök mwelien ewe Kot mi Unusen Manaman, lupwen a kapas.

Osea 11:10

Iwe, nei aramas repwe tapweto müri, lupwen üpwe wörüwör ngeni chon oputeer usun eman laion. Iwe, repwe müttir feito rei seni lotou.

Sowel 3:16

Iwe, ewe Samol mi Lapalap a leüömong le kökkö seni Sion, mwelian a towu seni Jerusalem, iwe, läng me fanüfan ra chechech ren. Nge ewe Samol mi Lapalap epwe eu lenien op fän iten nöün aramas, pwal eu imwen maun mi pöchökül fän iten chon Israel.

Amos 1:2

Iwe, Am a üra, “Ewe Samol mi Lapalap a leüömong le kökkö seni ewe chuk Sion o aronga mwelian seni Jerusalem. Ekewe lenien enen sip ra pwasala, ewe fetil won ewe chuk Karmel a aiolol.”

Amos 3:8

Are eman laion a wörüwör, iö esap niuokus? Are Kot ewe Samol mi Lapalap a kapas, iö esap asilefeili an kapas?”

Pwärätä 14:2

Iwe, üa rongorong eu möngüngü seni läng a wewe ngeni ngüngün chomong koluk, a pwal wewe ngeni chopun chopulap mi leüömong. Ei möngüngü üa rongorong a usun chök ngingiin kitar lupwen ekewe chon ettik kitar ra ettiki.

Pwärätä 15:1

Mürin üa küna lon läng eu watten asisil mi monomon o amwarar. A wor füman chon läng mi wor rer fisu amüchülan feiengau, pun än Kot lingeringer epwe müchüla ren ekei feiengau.

Pwärätä 15:7

Mürin eman me lein ekewe föman mönümanau a ngeni ekewe füman chon läng fisu sepi seni kolt mi ur ren än Kot lingeringer, i ewe Kot mi manau tori feilfeilachök.

Pwärätä 4:5

Seni ewe lenien motun king a towu inefi, ngüngü me chopun chopulap. Me mwen ewe lenien motun king a wor füfoch töl mi tin, ir ekewe füman Ngünün Kot.

Pwärätä 8:5

Mürin ewe chon läng a angei ewe sepi fän iten apach mi pwokus, a amasoua ren ekewe molien ekkei mi nom won ewe rongen asor o a monetiu won fanüfan. Iwe, a fis ngüngü, chopun chopulap, fifi me chechechin fanü.