Pwärätä 10:11 - Chuukese Bible

¹¹ Iwe, eman a üreniei, “Kopwe fokun osunisefäli usun chomong mwü, ainang, kapas me king kana.”

Pwärätä 10:11 Iomraidhean Croise

Jeremaia 25:13

Üpwe atoto won Papilon ekewe feiengau meinisin üa fen apasa fän itan, meinisin mine a mak lon ei puk, ekewe kapasen feiengau Jeremaia a osuni fän iten ekewe mwü meinisin.

Isikiel 37:4

Mürin a pwal kapassefäl ngeniei, “Kopwe osuni usun ekei chü. Kopwe üreni ekei chü mi pwasapwas, pwe repwe rongorong alon ewe Samol mi Lapalap.

Isikiel 37:9

Mürin, Kot a üreniei, “Nöün aramas, kopwe osuni ngeni ewe enienin ngasangas , kopwe osuni ngeni o üreni pwe iei aloi ngang Kot ewe Samol mi Lapalap: En enienin ngasangas, kopwe enito seni lepelien fanüfan me rüanü o eniti ekei somä, pwe repwe manausefäl.”

Pwärätä 10:10

Mürin üa angei ewe kükün toropwe seni lon pöün o äni. Iwe, nennan me lon awei a arar usun chönün chunen. Nge me mürin ai orumala a maras me lon lukei.

Pwärätä 11:1

Mürin eman a ngeniei efoch wok mi wewe ngeni efoch wok minen aükük. Iwe, a üreniei, “Kopwe feila o aükü än Kot we imwenfel me ewe rongen asor, kopwe pwal aleani chokewe mi fel lon.

Pwärätä 11:9

Iwe, lon ükükün ülüngat esop rän aramasen ekewe mwü me ainang me kapas me mwich repwe nenengeni ekewe somä, nge resap mwütätä pwe repwe peias.

Pwärätä 14:6

Mürin üa küna pwal eman chon läng mi äkkäs fän läng, a uwei ewe Pworausen Manau esemüch pwe epwe arongafeili ngeni chon fanüfan, ngeni sokun mwich me ainang, kapas me mwü meinisin.

Pwärätä 17:10

Ra pwal wewe ngeni füman king. Limman leir ra fen mäla, eman a chüen nemenem, nge ewe eman esamwo war. Iwe, lupwen epwe war, epwe chök nemenem lon fansoun mochomoch.

Pwärätä 17:12

“Ekewe engol mächä ka küna, ir engol king resamwo popuetä le nemenem, nge epwe toriir ewe pwüüng pwe repwe nemenem lon wisen king fiti ewe manmwacho lon ükükün eu awa chök.

Pwärätä 17:15

Mürin ewe chon läng a pwal üreniei, “Ekewe koluk ka küna, ewe fin lisowu a mot arur, wewen mwü, mwichen aramas, ainang me kapas.

Pwärätä 5:9

Iwe, ra kölü echö köl mi fö: “En ka fich ngeni om kopwe angei ewe toropwe mi numunumula, ka pwal fich ngeni om kopwe ülei pwaun kewe. Pun en ka ninnila, nge ren chaom ka möni aramas fän iten Kot, ekewe aramas seni ekewe ainang me kapas me mwü me sokopaten aramas meinisin.