Pwärätä 10:10 - Chuukese Bible

¹⁰ Mürin üa angei ewe kükün toropwe seni lon pöün o äni. Iwe, nennan me lon awei a arar usun chönün chunen. Nge me mürin ai orumala a maras me lon lukei.

Pwärätä 10:10 Iomraidhean Croise

Kölfel 104:34

Amwo ai ekinlon epwe apwapwai letipen ewe Samol mi Lapalap, pun üa meseikeiti i.

Kölfel 119:103

Om kewe kapasen pwon ra fokun arar me rei, ra arar seni chönün chunen me lon awei.

Kölfel 19:10

Ra aüchea lap seni kolt, ewer, lap seni chomong kolt mi mürina. Ra pwal arar seni chönün chunen, pwal seni sürün ewe fasen chunen.

Än Salomon Fos 16:24

Kapas pwetete ra usun chök chönün chunen, ra arar ngeni eman aramas o apöchöküla inisin.

Isikiel 2:10

Mürin, Kot a ameresala ewe toropwe fän mesei. A wor mesen mak lon me lükün, nge mine a mak won pworausen ngüngüres me kechü me feiengau.

Isikiel 3:14

Mürin, Ngünün Kot a ekieitä o uweeila. Üa feila fän ai weires me letipechou, nge än ewe Samol mi Lapalap manaman mi pöchökül a toriei.

Isikiel 3:3

Iwe, a pwal üreniei, “Nöün aramas, kopwe eni ei toropwe üpwe ngonuk, pwe lukom epwe masou ren.” Mürin üa eni, nge nennen ewe toropwe me lon awei a arar usun chönün chunen.

Pwärätä 10:11

Iwe, eman a üreniei, “Kopwe fokun osunisefäli usun chomong mwü, ainang, kapas me king kana.”

Pwärätä 10:9

Iei mine üa feila ren ewe chon läng o tüngor ngeni, pwe epwe ngeniei ewe kükün toropwe. Iwe, a üreniei, “Kopwe angei o äni. Epwe maras me lon lukom, nge epwe arar me lon awom usun chönün chunen.”