Pwärätä 1:7 - Chuukese Bible

⁷ Nengeni, epwe feito won ekewe kuchu! Aramas meinisin repwe küna i, pwal chokewe mi posu. Iwe, aramas meinisin won fanüfan repwe ngüngüres ren met ra föri ngeni. Epwe iei usun met epwe fis. Amen.

Pwärätä 1:7 Iomraidhean Croise

Hiop 33:26

Mürin, ewe aramas epwe iotek ngeni Kot, nge i epwe etiwa. Epwe feito fän mesen Kot fän pwapwa, nge Kot epwe ngenisefäli an pwüng.

Kölfel 22:16

Eu mwichen aramasangau a pwelifeiliei, ra rongeeila usun epwi pwiin kolak. Ra posu pei me pechei.

Kölfel 68:1

Kot epwe ütä o atoropasafeili chon oputan, chokewe mi oputa i repwe sü me mwan.

Kölfel 97:2

Kuchu me rochokich ra pweli ünükün Kot, pwüng me apwüng longolongun an nemenem.

Aisea 19:1

Iei än Kot kapas usun Isip: Ewe Samol mi Lapalap a wawa eu kuchu mi müttir le äs, pwe epwe tori Isip. Iwe, ekewe anümwälin Isip repwe chechech me mwan, nge letipen chon Isip epwe kisikisila.

Taniel 7:13

Mürin üa küna me lon künaei lepwin eman a feito me lon kuchun läng, a usun chök lapalapen eman nöün aramas. Iwe, ra emwenato ren Kot ewe mi nom seni me lomlom, pwe epwe nom fän mesan.

Nahum 1:3

Ewe Samol mi Lapalap a mang le song, nge a fokun manaman, esap likitala an epwe apwüngü ewe chon tipis. Ia ewe Samol mi Lapalap a fetal ie, a fis mölümöl, nge ekewe kuchu pipisüsün fän pechen.

Sekaraia 12:10

Üpwe tinato won ekewe mwirimwirin Tafit me chon Jerusalem eman ngün mi amefi ngeni aramas usun ewe ümöümöchün Kot me eman ngün mi atufichiir lon ar iotek. Iwe, repwe nenengeni ätewe ra posu o ngüngüres won, usun eman a ngüngüres won nöün aleman, repwe kechüengau won, usun eman a kechüengau won nöün mwänichi.

Sekaraia 12:11

Lon ena fansoun ewe ngüngüres lon Jerusalem epwe watte usun ewe ngüngüres fän iten Hatat-rimon me lon ewe maasiesin Mekito.

Numperis 24:17

Üa küna i, nge esap iei, üa nenengeni, nge esap kanoto. Eföü fü epwe tötä seni Israel, eman king epwe ütä seni lon Israel pwe epwe nemenem. Epwe amökü möküren ekewe chon Moap o niela ekewe mwirimwirin Set meinisin.

Mateus 16:27

Pun Nöün Aramas epwe war lon lingen Saman fiti nöün kewe chon läng. Mürin epwe liwini ngeni iteiten eman me eman aramas usun ar föför.

Mateus 16:28

Enlet, üpwe ürenikemi pwe mi wor ekoch aramas ikei resap mäla, pwe repwe mwo küna Nöün Aramas epwe war lon wisan wisen king o nemenem.”

Mateus 24:30

Mürin asisilen Nöün Aramas epwe pwäla fän läng, nge aramas meinisin won fanüfan repwe kechü, lupwen repwe küna Nöün Aramas epwe feito won kuchu fän manaman me ling mi lapalap.

Mateus 25:31

“Iwe, lupwen Nöün Aramas epwe war lon lingan o chon läng meinisin repwe eti, epwe mot won an lenien motun king mi ling.

Mateus 26:64

Jesus a pölüeni, “Ewer, usun om apasa. Nge üpwe ürenikemi meinisin: Seni ei fansoun oupwe küna Nöün Aramas a mot lepelifichin Ewe mi unusen Manaman, epwe war won kuchun läng.”

Markus 13:26

Lon ena fansoun aramas repwe küna Nöün Aramas epwe feito won kuchu ren manaman me ling mi lapalap.

Markus 14:62

Jesus a pölüeni, “Ewer, ngang ätewe. Ämi oupwe küna Nöün Aramas epwe mot lepelifichin ewe mi Unusen Manaman, epwe feito won ekewe kuchun läng.”

Lukas 21:27

Lon ena fansoun repwe küna Nöün Aramas, epwe feito won kuchu fän manaman me ling mi lapalap.

Johannes 19:34

Nge eman ekewe sounfiu a angei wokun siles o posu ngeni lepekin Jesus. Iwe, lon chök ewe otun cha me koluk ra puwu seni.

Johannes 19:37

Mi pwal wor eu fos a mak lon ekewe Toropwe mi Pin, “Aramas repwe nenengeni ätewe ra posu.”

1. Tesalonika 1:10

pwal usun ämi witiwiti nöün we epwe feito seni läng. Iei i Jesus nöün we i a amanauasefäli seni mäla, epwe angasakich seni än Kot song epwe feito.

1. Tesalonika 4:17

Mürin kich mi chüen manau ngeni ena fansoun sipwe etekitä o chufengen me ir lon kuchu, pwe sipwe churi ach Samol lon längin asepwäl. Iei usun sipwe nonomfengen me ach Samol fansoun meinisin.

Ipru 10:29

Oupwe ekieki epwe ifan me watten liwinin tipisin eman aramas mi aitengaua ewe Nöün Kot o aüongaua pinin chaan än Kot we pwon a küna pin ren, a pwal turunufasei ewe Ngünün ümöümöch.

Ipru 6:6

Nge mürin ra pöütala ar lükü! Ese fokun tufich ach sipwe aliwinisefäliir pwe repwe aiersefäl, pun ra iräpengesisefäli ewe Nöün Kot o asäwa i me mwen mesen aramas.

1. Johannes 3:2

Ämi chiechiei kana mi achengicheng, ikenai kich nöün Kot, nge esamwo pwä mine sipwe usuni me mürin. Nge sia silei pwe lupwen Kraist epwe wareto sipwe wewe ngeni i, pun sipwe küna i lon wesewesen lapalapan.

Jutas 1:14

Iwe, Enok ewe afümanün täppin aramas seni Atam a osuni usur me lomlom, “Ewe Samol epwe feito fiti ngeröün chon läng mi pin

Pwärätä 22:20

Ewe eman mi pwärätä ekei mettoch a apasa, “Ewer, ngang üpwe warekai.” Amen! Kopwe etto äm Samol Jesus!

Pwärätä 22:4

Repwe küna won mesen Kot, nge itan epwe mak won chamwer.

Soukapwüng 5:31

Ai Samol mi Lapalap, iei usun repwe rosola chon oputom meinisin. Nge chokewe mi echenuk repwe usun chök akkar, lupwen a tötä fän lingan.” Iwe, a wor kinamwe lon ewe fanü lon ükükün faik ier.