Pwärätä 1:5 - Chuukese Bible

⁵ pwal seni Jesus Kraist ewe chon pwärätä mi allükülük, ewe mwänichi, Kot a amanauasefäli seni mäla, i ewe mi nemeni ekewe king won fanüfan. I a echenikich o angasakich seni ach tipis ren chaan,

Pwärätä 1:5 Iomraidhean Croise

Kölfel 51:2

Kopwe fokun talü seniei ai föföringau o limetiei seni ai tipis.

Kölfel 72:11

Ekewe king meinisin repwe chapetiu me mwan, nge chon ekewe mwü meinisin repwe angang ngeni.

Kölfel 89:27

Üpwe filätä i pwe epwe nei mwänichi, epwe tekia me lein ekewe kingen fanüfan.

Än Salomon Fos 14:5

Eman chon pwärätä mi allükülük a apasa mine a let, nge eman chon pwärätä mi mwäl a apasawu kapas chofana.

Aisea 55:4

Nengeni, üa awisa pwe epwe souemwen me samolun mwü kana, epwe pwärätä ngeni aramasen fanüfan ai manaman.

Taniel 2:2

Iei mine ewe king a titi ekewe soutipachem me sourong, pwal ekewe soupwe me souürür, pwe repwe feito o awewe ngeni an kewe tan. Iwe, ra tolong o ütä fän mesen ewe king.

Taniel 7:14

Iwe, a angei an nemenem me lingan me mwün, pwe aramasen fanü me mwü, pwal aramas mi eäni sokopaten fos repwe angang ngeni. An nemenem epwe nom tori feilfeilachök, esap tongeni wesila, nge mwün esap tongeni tala.

Lifitikos 13:58

Nge are niwangirin ewe üf ika ewe mangaku ika och pisek mi för seni silin man a mola mürin om sopuni, kopwe chök sopuni fän aruuan. Mürin epwe limöch.”

Sekaraia 13:1

Lon ena fansoun eu puächen koluk epwe puächetä fän iten ekewe mwirimwirin Tafit me chon Jerusalem, pwe epwe limetiir seni ar tipis me limengau.”

Mateus 20:28

usun chök Nöün Aramas esap feito pwe aramas repwe angang ngeni, nge a feito an epwe angang ngeniir o fangala manauan fänäsengesin chomong aramas pwe möön manauer.”

Mateus 28:18

Nge Jesus a kan ngeniir o üreniir, “Nemenem meinisin won läng me fanüfan a toriei.

Johannes 13:1

Iei ewe rän me mwen ewe chulapen Pasofer. Jesus a silei pwe a tori ewe fansoun an epwe towu seni ei fanüfan o feila ren Saman. A echeni nöün kewe mi nom won fanüfan fansoun meinisin, iwe, a echeniir tori sopolan manauan.

Johannes 13:34

Iei üpwe ngenikemi eu allük mi fö: Oupwe echenifengenikemi lefilemi. Usun ngang üa echenikemi, iei usun pwal ämi oupwe echenifengenikemi.

Johannes 15:9

Usun Semei a echeniei, iei usun üa echenikemi, oupwe nonom lon ai chen.

Johannes 18:37

Iei mine Pilatus a aisini, “Iwe, met, en eman king?” Jesus a pölüeni, “En ka fen apasa pwe ngang eman king. Popun ai uputiu o tolong lon ei fanüfan, pwe üpwe pwärätä mine a let. Iö a pop seni let epwe aüselingaei.”

Johannes 3:11

Enlet, üpwe wesewesen ürenuk: Äm aia kapas usun mine aia silei o pwärätä mine aia küna, nge esap wor eman leimi a mochen etiwa mine aia eäni afalafal.

Johannes 3:16

Pun iei usun Kot a echeni chon fanüfan, pwe a fangala Nöün Aleman, pwe meinisin mi lükü i resap pöütmwälila, pwe repwe eäni manau esemüch.

Johannes 3:32

Iwe, a pwärätä usun mine a fen küna o rongorong, nge esap wor eman a etiwa an kapas.

Föför 20:28

Iei mine oupwe mamasakemi me unusen chon ewe mwichefel ewe Ngünmifel a atolongeer fän ämi tümwün. Oupwe chon masen ewe mwichefelin Kot, i a möni ren chaan püsin Nöün we.

Föför 26:23

pwe ewe Kraist epwe fokun riaföü o epwe aemanün mi manausefäl seni mäla an epwe arongafeili ewe saramen manau ngeni ekewe chon Juta me ekewe chon lükün Israel.”

Nöün Paulus Toropwe ngeni ekewe Souläng lon Rom 3:25

Kot a fangala Kraist, pwe ren an mäla a fis amusamusen än aramas tipis ren chaan pokiten ar lükü i. Kot a föri ei an epwe pwärätä pwe i a pwüng, pun lon an mosonotam esap apwüngü än ekewe aramas tipis ra föri me mwan.

Nöün Paulus Toropwe ngeni ekewe Souläng lon Rom 8:37

Apwi, nge lon ekei mettoch meinisin sia fokun pwora ren ewe mi echenikich!

1. Korint 6:11

Iwe, ekoch me leimi ra föri ekei sokun föför me lom. Nge oua fen küna limöch seni ämi tipis, oua küna pin, oua küna pwüng fän iten ach Samol Jesus Kraist, pwal ren ewe Ngünün ach Kot.

Kalatia 2:20

iei mine sap ngang üa chüen manau, nge Kraist a manau loi. Ei manau üa manaueni iei üa manau ren ai lükü ewe Nöün Kot mi echeniei o fangala manauan fän itei.

Efisos 2:4

Nge pokiten än Kot ümöümöch a fokun somwosomwola o an echenikich a fokun lapalap,

Efisos 5:2

Chen epwe nemeni manauemi, usun Kraist a echenikich o fangala manauan fän itach pwe epwe eu asor mi pwoöch me eu lifang mi apwapwai Kot.

Tuteronomi 18:2

Esap wor wiser fanü me lein pwir kewe chon Israel. Ewe Samol mi Lapalap i wiser, usun a fen pwon ngeniir.

Tuteronomi 23:5

Nge ewe Samol mi Lapalap ämi we Kot esap rongorong ngeni Palam, pwe a fen sorei ewe anümamau ngeni feiöch fän itemi, pun a tongeekemi.

Tuteronomi 7:8

Nge ei a fis pokiten ewe Samol mi Lapalap a tongeekemi o amwöchü an pwon a pwon fän akapel ngeni ämi kewe lewo. Iei mine ewe Samol mi Lapalap a emwenikemiiwu ren pöün mi manaman o angasakemi seni ewe leni ia ra nöünikemi amanau ie, seni fän nemenien Farao ewe kingen Isip.

Kolose 1:18

I möküren inisin we, iei ewe mwichefel. I popun pwe ewe inis a manau. I Nöün Kot, ewe mwänichi, Kot a amanauasefäli seni mäla, pwe i chök epwe tekia mwen mettoch meinisin.

1. Timoty 6:13

Üa allük ngonuk mwen mesen Kot mi fang manau ngeni mettoch meinisin, pwal mwen mesen Kraist Jesus mi pwora le pwärätä an lükülük mwen mesen Pontius Pilatus,

1. Timoty 6:15

An wareto epwe fis lon ewe otun Kot a filätä. Kot i ewe eman chök Sounemenem sipwe mwareiti, i ewe King mi lapalap seni king meinisin, pwal i ewe Samol mi lapalap seni samol meinisin.

Ipru 10:29

Oupwe ekieki epwe ifan me watten liwinin tipisin eman aramas mi aitengaua ewe Nöün Kot o aüongaua pinin chaan än Kot we pwon a küna pin ren, a pwal turunufasei ewe Ngünün ümöümöch.

Ipru 9:14

Pokiten ei a pwüng, epwe le ifan me ükükün aüchean ewe chaan Kraist. Ren ewe Ngün esemüch a asor ngeni Kot püsin inisin pwe eu asor mi unusöch. Chaan Kraist epwe limeti mwelien letipach seni sokun föför mi lomotongau, pwe sipwe tongeni angang ngeni ewe Kot mi manau.

1. Petrus 1:19

nge oua mö ren chaan Kraist mi aüchea, i eman lam esap wor terin are lapalapangauan.

1. Johannes 1:7

Nge are sia nonom lon ewe saram usun i a nonom lon saram, iwe, sia chiechifengen lefilach, nge chaan Jesus Nöün we a limetikich seni ach tipis meinisin.

1. Johannes 4:10

Iei wewen chen: Esap pwe kich sia echeni Kot, nge i a echenikich o tinato Nöün we pwe i popun pwe ach tipis kana ra musala.

Pwärätä 11:15

Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”

Pwärätä 11:3

Iwe, üpwe tinala nei kewe ruoman chon pwärätä mi üföüf üf seni tuk, repwe arongafeili än Kot kapas lon ekewe engöröü ruopükü wone rän.”

Pwärätä 17:14

Repwe maun ngeni ewe Lam, nge ewe Lam epwe akufuur, pun i ewe Samol mi lap seni ekewe samol meinisin, pwal i ewe King mi tekia seni ekewe king meinisin. Nge chokewe mi tapwela mürin ir chon kö, chon fil me chon allükülük ngeni.”

Pwärätä 19:11

Mürin üa küna pwe läng a suk, iwe, a wor eman oris mi pwechepwech. Ewe chon wawa a iteni Allükülük me Let, a eäni kapüng fän wenechar o maun fän pwüng.

Pwärätä 19:16

Won üfan pwal won wilan a mak ewe it, “Ewe King mi tekia seni ekewe king meinisin, me ewe Samol mi lap seni ekewe samol meinisin.”

Pwärätä 2:13

Üa silei ia ka nom ie, lon ewe leni ia än Satan lenien motun king a pwal nom ie. Ka allükülük ngeniei o kosap likitala om lüküei, inamwo ika lon ewe fansoun Antipas, nei chon pwärätä mi allükülük, a ninnila lon ewe leni ia Satan a nom ie.

Pwärätä 3:14

“Kopwe makkei ngeni ewe chon künöön ewe mwichefel lon Laotisea: Iei alon ewe eman mi iteni Amen, ewe Chon Pwärätä mi allükülük o let, i popun förien Kot meinisin.

Pwärätä 7:14

Üa pölüeni, “Ai samol, üsap silei, en mi silei.” Iwe, a üreniei, “Ekei aramas, ir chokewe mi towu seni ewe riaföü mi lapalap. Ra limeti üfer o apwecher lon chaan ewe Lam.