Pwärätä 1:3 - Chuukese Bible

³ A feiöch eman mi aleani ei puk, ra pwal feiöch chokewe mi rongorong ngeni ekei kapasen pwärätä o aleasochis ngeni mine a mak lon. Pun ewe fansoun a arap än ekei mettoch meinisin repwe fisitä.

Pwärätä 1:3 Iomraidhean Croise

Än Salomon Fos 8:34

A feiöch ewe aramas mi aüselingaei, ätewe mi mamasa ai kewe asamalap iteiten rän o witiwit ünükün ai kewe asam.

Jeremaia 51:61

Iwe, Jeremaia a üreni Seraia, “Lupwen kopwe tori Papilon, kopwe pi pwe kopwe aleani ngeni ekewe aramas ekei kapas meinisin mi mak lon ei toropwe.

Mateus 24:15

“Iwe, ämi oupwe küna ewe ‘Mettoch mi Eniweniw’, ewe soufos Taniel a kapas usun. Epwe nom lon ewe leni mi pin. (Ewe chon aleani epwe weweiti met wewen ei.)

Lukas 11:28

Nge Jesus a pölüeni, “Ewer, nge ra feiöch chokewe mi rong kapasen Kot o aleasochis ngeni.”

Nöün Paulus Toropwe ngeni ekewe Souläng lon Rom 13:11

Oupwe fokun föri iei usun, pun oua silei pwe ewe fansoun a arapoto, pwe ämi oupwe pwätä seni möür. Pun ewe ränin än Kot amanauakich a kaneto iei lap seni ewe fansoun sia popuetä le lükü Jesus Kraist.

Nöün Paulus Toropwe ngeni ekewe Souläng lon Rom 13:12

Pwin a arap ngeni chök epwe le la, nge rän epwe le war. Iei mine ousipwe ükütiu le föri föförün rochopwak, nge sipwe angei ekewe pisekin maun pwe sipwe maun lon saram.

1. Petrus 4:7

Iwe, a arapoto sopolan mettoch meinisin. Iei mine oupwe püsin nemeni letipemi o mamasakemi, pwe epwe tongeni fis ämi iotek.

2. Petrus 3:8

Ämi chiechiei mi achengicheng, ousap manlükala ei mettoch! Esap wor sokofesenin eu rän me engeröü ier me ren ewe Samol, eu rän me engeröü ier ra wewefengen me ren.

Pwärätä 22:10

Iwe, a üreniei, “Kosap pwauni ekewe kapasen osuni mi mak lon ei puk, pun a arapoto ewe fansoun lupwen ekei mettoch meinisin repwe fisitä.

Pwärätä 22:12

Iei alon Jesus, “Nengeni, üpwe warekai! Iwe, üpwe uwei ai kewe liwin, pwe üpwe ngeni eman me eman liwinin an föför.

Pwärätä 22:20

Ewe eman mi pwärätä ekei mettoch a apasa, “Ewer, ngang üpwe warekai.” Amen! Kopwe etto äm Samol Jesus!

Pwärätä 3:11

Üpwe warekai. Kopwe kamwöchünük won mine ka eäni, pwe esap wor eman epwe angei senuk mwärum.