Pwärätä 1:17 - Chuukese Bible

¹⁷ Iwe, lupwen üa küna i, üa chapetiu arun pechen, nge üa usun chök eman aramas mi mäla. Mürin a wätä pöüifichin woi o apasa, “Kosap niuokus! Ngang ewe Aemanün me ewe Amüchülan.

Pwärätä 1:17 Iomraidhean Croise

Keneses 15:1

Iwe, wesin ewe maun ewe Samol mi Lapalap a kapas ngeni Apram lon künaan, “Kosap niuokus Apram. Ngang tittum, nge liwinum epwe fokun watte.”

Kölfel 139:5

Ka pweliei me lükisöküri pwal fän mesei, ka pwal iseis poum woi.

Ekistos 14:13

Nge Moses a üreni ekewe aramas, “Ousap niuokus, oupwe üpos o nengeni usun än ewe Samol mi Lapalap amanauakemi ikenai. Pun ekewe re Isip oua küneer ikenai, ousap chüen künasefäliir.

Ekistos 20:20

Mürin, Moses a üreni ekewe aramas, “Ousap niuokus. Pun Kot a feito pwe epwe sotunikemi, pwe oupwe sopwela le niueiti Kot, nge ousap föri tipis.”

Ekistos 3:6

A pwal apasa, “Ngang än om kewe lewo Apraham, Isaak me Jakop we Kot.” Iwe, Moses a pwölü mesan, pun a niuokus an epwe nenengeni Kot.

Aisea 41:10

Iwe, kosap niuokus, pun ngang üa etuk, kosap pwal apilüküngau, pun ngang om Kot. Üpwe apöchökülok, üpwe pwal alisuk. Üpwe fokun tümwünuk o amanauok.

Aisea 41:4

Iö a föri ei föför? Iö a köri ekewe pilon aramas seni lepopun? Ngang, ewe Samol mi Lapalap, üa nom me lepoputan, üpwe pwal nom ren ekewe pilon lesopolan, ngang chök.

Aisea 44:6

Iei alon ewe Samol mi Lapalap, ewe Kingen Israel me an Chon Amanau, ewe Samol mi Unusen Manaman, “Ngang chök Kot ewe Aemanün me Amüchülan, esap wor eman Kot lüki.

Aisea 48:12

Iwe, ewe Samol mi Lapalap a apasa, “Oupwe aüselingaei, ämi chon Israel, ämi ewe mwichen aramas üa körikemi. Ngang chök Kot, ngang Aemanün me Amüchülan.

Kölün kechü 3:57

En ka arap ngeniei, lupwen üa kökköruk, ka apasa, ‘Kosap niuokus.’

Isikiel 1:28

Iwe, usun lapalapen ewe resim a pwä lon kuchu lupwen püngün üt, iei usun lapalapen ewe saram ünükün ewe mi mot. Iei usun lapalapen lingen ewe Samol mi Lapalap. Iwe, lupwen üa küna ei, üa chapetiu lepwül o rongorong mwelien eman mi kapas.

Taniel 10:12

Iwe, a pwal üreniei, “Taniel, kosap niuokus, pun Kot a aüselinga om tüngor seni lon ewe aeuin rän lupwen ka atekisonok fän mesen om we Kot, pun ka fokun mochen weweiti künaom we. Iei üa feito pwe pälüen om iotek.

Taniel 10:15

Iwe, lupwen a üreni ei, üa nenetiu lepwül o fanafanala.

Apakuk 3:16

Üa rongorong usun ekei mettoch, inisi a chechech o awei a sälepwelep ren ai niuokus. Chüi ra kiroula, nge pechei ra täpäp. Üpwe witiwit fän mosonoson fän iten ewe ränin riaföü epwe feito won ekewe aramas mi mauneekem.

Mateus 14:27

Lon ewe chök otun Jesus a kapas ngeniir o üreniir, “Oupwe apilükülük! Ngang ei, ousap niuokus!”

Mateus 28:4

Iwe, ekewe chon mas ra fokun niuokus, pwe ra chechech o ra wewe ngeni aramas mi mäla.

Mateus 28:5

Nge ewe chon läng a üreni ekewe fefin, “Ousap niuokus. Üa silei pwe oua kütta Jesus ewe mi iräpenges.

Johannes 13:23

Eman me lein ekewe chon kaiö, ätewe Jesus a echeni, a mot ünükün Jesus.

Johannes 21:20

Iwe, Petrus a kul o küna ewe eman chon kaiö Jesus a echeni, pwe a tapwela mürir. Iei i ätewe mi roongeni Jesus lupwen ra mongön lekuniol o aisini, “Ai Samol, iö ewe epwe afangamä en?”

Pwärätä 1:11

A apasa, “Kopwe makkeetiu lon toropwe mine ka küna o kopwe tinala ngeni ekewe fisu mwichefel: Efisos, Smirna, Perkamon, Tiatira, Sartis, Filatelfia me Laotisea.”

Pwärätä 1:4

Kapong seni Johannes ngeni ekewe fisu mwichefel lon ewe fanü Asia: Ümöümöch me kinamwe seni Kot epwe nonom remi, ewe Kot mi nom iei, ewe a fen nonom me ewe epwe feito me mürin, pwal seni ekewe füman ngün mi nom mwen an we lenien motun king,

Pwärätä 1:8

“Ngang ewe Aemanün me Amüchülan,” iei alon ewe Samol, ewe Kot mi Unusen Manaman, i ewe a nom iei, ewe a fen nonom me ewe epwe feito me mürin.

Pwärätä 2:8

“Kopwe makkei ngeni ewe chon künöön ewe mwichefel lon Smirna: Iei alon ewe Aemanün me ewe Amüchülan, ewe mi mäla o manausefäl.

Pwärätä 22:13

Ngang ewe Alfa me Omeka, ewe Aemanün me Amüchülan, ewe Popun me ewe Sopolan.”