Pwärätä 1:16 - Chuukese Bible

¹⁶ A amwöchü füföü fü lon pöüifichin, nge efoch ketilas mi seisei me ruupekin a itiwu seni lon awan. Won mesan a saramaram usun saramen akkaren leoloas.

Pwärätä 1:16 Iomraidhean Croise

Hiop 38:7

lupwen ekewe fün lesosor ra kölfengen, nge nöün Kot kewe chon läng meinisin ra mweireir fän pwapwa?

Kölfel 45:3

En ewe mi pwora, kopwe rietä noum ketilas won wänükum, ka ling o manaman.

Än Salomon Köl 6:10

Iö we a ling usun chök mallen rän, a tinöch usun maram o saramaram usun akkar, nge a pwal eniwokus usun eu mwichen sounfiu fän ar filäik?

Aisea 11:4

Nge epwe apwüngü chon wöüngau fän pwüng, epwe pwal peni chon tipetekison won fanüfan, nge esap lifilifil. Iwe, epwe afeiengaua fanüfan ren an kapas usun sa afeiengaua eman ren efoch wok, epwe pwal niela chon föföringau ren enienin ngasangasan.

Aisea 24:23

Mürin, maram me akkar repwe tinengauala ren ar säw, pun ewe Samol mi Unusen Manaman epwe nemenem won ewe chuk Sion, pwal lon Jerusalem. Iwe, ekewe souakomwen lon ewe telinimw repwe küna an ling.

Aisea 49:2

Iwe, Kot a akeni kapasen awei pwe ra ken usun efoch ketilas o aopaei fän nürün pöün. A amisiei usun efoch föün likapich, a iseniei o aopaei lon an lenien föün likapich.

Taniel 12:3

Iwe, ekewe chon mirit repwe meriweriw usun meriweriwen läng, nge chokewe mi aiti ngeni chomong aramas usun ar repwe föri mine a pwüng repwe titin usun fü kana tori feilfeilachök.

Taniel 8:10

Iwe, ewe mächä a fokun pöchökülela pwe a fiu ngeni ewe mwich seni läng. A aturätiu won fanüfan ekoch me leir, pwal ekoch fü, o ipweriretiu.

Malakai 4:2

Nge usun akkar a asarama fanü, iei usun pwüng epwe uwato manau ngenikemi mi aleasochisiei. Ämi oupwe towu o mwetemwet usun chök ekewe nienifön kow ra mwetemwet lupwen ra towu seni lenier.

Mateus 17:2

Lupwen ar nenengeni Jesus, a wilila inisin: won mesan a saramaram usun akkar, nge üfan kana ra fokun pwechela o molupolup.

Föför 26:13

Ämäfen king, lupwen üa fetal won ewe al leoloas, üa küna eu saram seni läng mi saramaram seni akkar a sarametiu ünüki me chiechiei kewe mi etiei.

Efisos 6:17

Oupwe angei ewe Manau pwe ina imwemi akau, pwal ewe kapasen Kot pwe ina nöümi ketilas ewe Ngünmifel a ngenikemi.

Ipru 4:12

Pun än Kot kapas a manau o manaman, a ken seni efoch ketilas mi seisei me rüepek. A tililong lon manauach o aimwüfeseni letipach me ngünüch, pwal lekupukupun lon chü me fituken lon chü. A pwal apwüngü mochen me ekiekin letipen aramas.

Pwärätä 1:20

Iei wewen ewe monomonen ekewe füföü fü ka küna me lon pöüifichi, pwal wewen ekewe fisu lenien atittin seni kolt: ekewe füföü fü, ir ekewe chon künöön ekewe fisu mwichefel, nge ekewe fisu lenien atittin, ir ekewe fisu mwichefel.

Pwärätä 10:1

Mürin üa küna pwal eman chon läng mi pöchökül, a feitiu seni läng. A pwölüpwölüla ren eu kuchu o eu resim a pwäli won möküran. Won mesan a usun chök akkar, nge pechen kana ra usun chök üreekkei.

Pwärätä 12:1

Mürin eu watten asisil mi monomon a pwä me lon läng. A wor eman fefin mi üföüf ewe akkar o ewe maram a nom fän pechen, nge won möküran a nom epa mwärämwär mi wor engol me ruoföü fü won.

Pwärätä 19:15

Seni lon awan a itiwu efoch ketilas mi ken, pwe epwe nöünöü le akufu chon ekewe mwü. Epwe nemeniir ren efoch wokomächä, epwe puri ekewe uän wain lon ewe lenien üchüch, wewen ei, än Kot, ewe mi Unusen Manaman, lingeringer mi fokun afeiengau.

Pwärätä 19:21

Nge nöür kewe sounfiu ra ninnila ren ewe ketilas mi itiwu seni lon awen ewe eman mi wawa ewe oris. Iwe, ekewe machang meinisin ra ocheela fituker tori ra mötüla.

Pwärätä 2:1

“Kopwe makkei ngeni ewe chon künöön ewe mwichefel lon Efisos: Iei alon ewe eman mi amwöchü ekewe füföü fü lon pöüifichin, ewe mi fetal lein ekewe fisu lenien atittin seni kolt.

Pwärätä 2:12

“Kopwe makkei ngeni ewe chon künöön ewe mwichefel lon Perkamon: Iei alon ewe mi wor ren ewe ketilas mi seisei me ruupekin.

Pwärätä 2:16

Iei kopwe aier seni om tipis! Are kosap aier üpwe müttir feito reöm o fiu ngeni ekewe aramas ren ewe ketilas mi itiwu seni lon awei.

Pwärätä 3:1

“Kopwe makkei ngeni ewe chon künöön ewe mwichefel lon Sartis: Iei alon ewe eman mi eäni ekewe füman ngünün Kot me ekewe füföü fü. Üa silei om kewe föför, pwe mi wor itom itä ka manau, nge ka mä.

Soukapwüng 3:16

Nge Ehut a föri fän itan efoch ketilas mi ken me rüepek ükükün langataman eu esop fiit o rietä won pelifichin wänükün me fän üfan.

Soukapwüng 5:31

Ai Samol mi Lapalap, iei usun repwe rosola chon oputom meinisin. Nge chokewe mi echenuk repwe usun chök akkar, lupwen a tötä fän lingan.” Iwe, a wor kinamwe lon ewe fanü lon ükükün faik ier.