Pwärätä 1:15 - Chuukese Bible

¹⁵ pachapachan ra meriweriw usun chök piras mi limelim me amis, nge möngüngün a usun chök ngüngün noon won woch.

Pwärätä 1:15 Iomraidhean Croise

Kölfel 93:4

Ewe Samol mi Lapalap mi nom pekitä a fokun manaman, a pöchökül seni püngümongun chomong koluk, a pöchökül seni nonon lematau.

Aisea 17:13

Chon ekewe mwü ra wörüwör usun üngüngün chomong koluk, nge Kot a apwüngüür pwe ra süla toau. Ra usun chök pön wiich won ekewe chuk asepwäl a ässirela, pwal usun chök pipi ra ässitä ren mölümöl.

Isikiel 1:24

Lupwen ra fetal, üa rong üngüngün pöükässir mi wewe ngeni ngüngün watten no, a pwal wewe ngeni mwelien ewe Kot mi Manaman me akürangen eu mwichemongun sounfiu mi mwökütüküt. Iwe, lupwen ra üla, ra aitietiu pöükässir.

Isikiel 1:7

Iwe, pecher ra wenewenetiu, nge apachapacher ra usun chök apachapachen nienifön kow o molupolup usun piras mi misimis.

Isikiel 40:3

Lupwen a uweeila ikenan, üa küna eman mwän, inisin a usun chök molupolupen piras. Iwe, a ütä lükün ewe asamalap o amwöchü lepöün eu selippich mi pwech, pwal efoch wokun aükük.

Isikiel 43:2

Ikenan üa küna lingen ewe Koten Israel, a feito seni ötiu. Iwe, üngüngün an feito a usun chök üngüngün nonoon lematau, nge won fanü a saramaram ren lingan.

Taniel 10:6

Inisin a usun chök ewe fau aüchea itan kirisolait, won mesan a usun chök fifi, lon mesan a usun chök pulopulen töl, pöün me pechen ra usun chök piras mi meriweriw, nge mwelian a usun chök leüömongun eu mwicheichen aramas.

Pwärätä 10:1

Mürin üa küna pwal eman chon läng mi pöchökül, a feitiu seni läng. A pwölüpwölüla ren eu kuchu o eu resim a pwäli won möküran. Won mesan a usun chök akkar, nge pechen kana ra usun chök üreekkei.

Pwärätä 14:2

Iwe, üa rongorong eu möngüngü seni läng a wewe ngeni ngüngün chomong koluk, a pwal wewe ngeni chopun chopulap mi leüömong. Ei möngüngü üa rongorong a usun chök ngingiin kitar lupwen ekewe chon ettik kitar ra ettiki.

Pwärätä 19:6

Mürin üa rongorong eu möngüngü mi wewe ngeni möngüngün eu mwichen aramas mi fokun watte, a pwal wewe ngeni ngüngün chomong koluk me chopun chopulap mi leüömong a apasa, “Ousipwe mwareiti Kot! Pun ach Samol, ewe Kot mi Unusen Manaman a nemenem.

Pwärätä 2:18

“Kopwe makkei ngeni ewe chon künöön ewe mwichefel lon Tiatira: Iei alon ewe Nöün Kot, mesan ra wewe ngeni pulopulen ekkei, pachapachan ra meriweriw usun piras mi amis.