Pwärätä 1:13 - Chuukese Bible

¹³ nge lukalapen ekewe fisu lenien atittin a wor eman a usun chök lapalapen eman nöün aramas, a üföüf echö üf mi tametiu tori apachapachan o a riri ngeni fän mwärin efoch riri seni kolt.

Pwärätä 1:13 Iomraidhean Croise

Ekistos 39:5

Iwe, kiren ewe riri mi nom won ewe efot a usun chök kiren ewe üf, pun a för seni terech kolt me mangaku mi arauarau me parachol me parapar, pwal mangaku mi pwechepwech, usun ewe Samol mi Lapalap a fen allük ngeni Moses.

Aisea 11:5

Epwe nemeni nöün aramas fän pwüng me allükülük.

Taniel 10:16

Mürin, ewe chon läng mi lapalapeni lapalapen eman aramas a atapa tinawei pwe üa tufichin fos. Iwe, üa üreni ätewe mi ütä mwei, “Ai samol, künaei we a fokun ariaföüüei, üa pwal fokun apwangapwang ren.

Taniel 7:13

Mürin üa küna me lon künaei lepwin eman a feito me lon kuchun läng, a usun chök lapalapen eman nöün aramas. Iwe, ra emwenato ren Kot ewe mi nom seni me lomlom, pwe epwe nom fän mesan.

Taniel 7:9

Iwe, üa nengeni o küna pwe ra amolätä lenien motun king, nge Kot ewe mi nom seni me lomlom a mottiu won eu. Iwe, üfan a pwechepwech usun snow, möküran a üwan usun chök ülen sip mi pwechepwech, nge an lenien mot me willan kewe ra usun chök pulopulen ekkei.

Lifitikos 8:7

A aüföüfa ngeni Aaron ewe söch o peliti ngeni ewe pelit, a pwal aüföüfa ngeni ewe owokot me ewe üf itan efot o ri ngeni ririn ewe efot mi türmürina.

Ipru 4:15

Pun ach we Souasor mi Lap esap eman mi tongomang ngeni ach apwangapwang. Nge a nom rech eman Souasor mi Lap mi tolong lon sokopaten sosot usun chök kich, nge esap tipis.

Pwärätä 14:14

Mürin üa nenengeni o üa küna pwe a wor eu kuchu mi pwech, nge eman a mot won ewe kuchu usun itä nge eman nöün aramas, a mwärämwär epa mwärämwär seni kolt won möküran, a pwal amwöchü lepöün efoch kama mi ken.

Pwärätä 15:6

Iwe, ekewe füman chon läng mi wor rer ekewe fisu feiengau ra towu seni lon ewe imwenfel, ra üföüf üf mi pwechepwech o molupolup, ra pwal riri ngeni fän mwäriir efoch riri seni kolt.

Pwärätä 2:1

“Kopwe makkei ngeni ewe chon künöön ewe mwichefel lon Efisos: Iei alon ewe eman mi amwöchü ekewe füföü fü lon pöüifichin, ewe mi fetal lein ekewe fisu lenien atittin seni kolt.