Pwärätä 1:11 - Chuukese Bible

¹¹ A apasa, “Kopwe makkeetiu lon toropwe mine ka küna o kopwe tinala ngeni ekewe fisu mwichefel: Efisos, Smirna, Perkamon, Tiatira, Sartis, Filatelfia me Laotisea.”

Pwärätä 1:11 Iomraidhean Croise

Aisea 30:8

Iwe, Kot a üreniei, “Iei kopwe makeetiu lon eu puk ei pworaus usur, pwe epwe eu puken pwärätä lon kan fansoun repwe feito.

Jeremaia 30:2

“Kopwe makei lon eu puk ekewe kapas meinisin üa ürenuk.

Apakuk 2:2

Mürin ewe Samol mi Lapalap a pälüeniei o apasa, “Kopwe makeetiu mine üpwe pwäri ngonuk won och lenien mak, nge epwe fokun fat, pwe chokewe mi sä repwe mecheres le aleani.

Föför 16:14

Iwe, eman me lein ekewe fefin mi aüselingakem Litia seni ewe telinimw Tiatira. Neminei eman chon amömö mangaku mi parachol, nge ra fokun mömong. Ei fefin a fel ngeni Kot, nge ewe Samol a suki lelukan pwe epwe rongosochis ngeni än Paulus afalafal.

Föför 18:24

Lon ewe fansoun eman chon Juta itan Apollos, i a uputiu lon Aleksantria, a tori Efisos. Ätei eman mi silelap le afalafal, a pwal silefichi kapasen lon ekewe Toropwe mi Pin.

Föför 20:17

Iwe, seni Miletus Paulus a tinala echö toropwe Efisos o tüngor ngeni ekewe souakomwen mwichefel pwe repwe feito o chufengen.

1. Korint 15:32

Are ngang üa fiu ngeni ekewe manmwacho lon Efisos fänäsengesin ekoch popun mi fis seni ekiekin aramas, met lomotan ngeniei? Nge are ekewe mi mäla resap manausefäl, pwota sisap chök föri usun met ekewe ekoch ra apasa, “Ousipwe momongö o ükün, pun lesor sipwe mäla”?

1. Korint 16:8

Üpwe nonom ikei lon Efisos tori ewe ränin Pentikost,

Efisos 1:1

Ngang Paulus eman nöün Kraist Jesus soukünö fän letipen Kot, üa kapong ngeni ekewe chon pin lon Efisos mi allükülük lon manauer lon Kraist Jesus:

Tuteronomi 31:19

Iei mine kopwe makei ei köl o aiti ngeni ekewe aramasen Israel, pwe repwe kökölü. Pun ei köl epwe wisen pwärätä fän itei o ü ngeni ekewe aramasen Israel.

Kolose 2:1

Üa mochen asile ngenikemi usun ai weires le angang fän itemi, fän iten ekewe souläng lon Laotisea, pwal fän iten ekewe ekoch aramas resap sisileei.

1. Timoty 1:3

Üa mochen pwe kopwe nonometiu lon Efisos, usun üa fen tüngor ngonuk lupwen üa saila Masetonia. Mi wor ekoch aramas ikenan ra afalafalafeili sokun afalafal chofona usun ewe lükülükün souläng. Iwe, kopwe allük ngeniir, pwe repwe ükütiu.

Pwärätä 1:17

Iwe, lupwen üa küna i, üa chapetiu arun pechen, nge üa usun chök eman aramas mi mäla. Mürin a wätä pöüifichin woi o apasa, “Kosap niuokus! Ngang ewe Aemanün me ewe Amüchülan.

Pwärätä 1:19

Iei kopwe makkei ekewe mettoch ka küna, ekewe mettoch a wor iei, pwal ekewe mettoch repwe fis me mürin.

Pwärätä 1:2

Iwe, Johannes a pwärätä meinisin mine a küna, iei än Kot kapas me ewe let Jesus Kraist a pwärätä.

Pwärätä 1:20

Iei wewen ewe monomonen ekewe füföü fü ka küna me lon pöüifichi, pwal wewen ekewe fisu lenien atittin seni kolt: ekewe füföü fü, ir ekewe chon künöön ekewe fisu mwichefel, nge ekewe fisu lenien atittin, ir ekewe fisu mwichefel.

Pwärätä 1:4

Kapong seni Johannes ngeni ekewe fisu mwichefel lon ewe fanü Asia: Ümöümöch me kinamwe seni Kot epwe nonom remi, ewe Kot mi nom iei, ewe a fen nonom me ewe epwe feito me mürin, pwal seni ekewe füman ngün mi nom mwen an we lenien motun king,

Pwärätä 1:8

“Ngang ewe Aemanün me Amüchülan,” iei alon ewe Samol, ewe Kot mi Unusen Manaman, i ewe a nom iei, ewe a fen nonom me ewe epwe feito me mürin.

Pwärätä 10:4

Lupwen ekewe fisu chopulap ra kapas, üa mochen makkei met ra apasa. Nge üa rongorong mwelien eman mi kapas seni läng, “Kopwe amonomonala mine ekewe fisu chopulap ra apasa. Kosap makkeetiu!”

Pwärätä 14:13

Mürin üa rongorong eu möngüngü seni läng a apasa, “Kopwe makkei ei: Ra feiöch chokewe mi mäla lon ar lükü ach Samol seni ikenai!” Ewe Ngünmifel a pölüeni, “Ewer, repwe asösö seni ar angang weires, pun ar föför mürina a etiir.”

Pwärätä 19:9

Mürin ewe chon läng a üreniei, “Kopwe makkeetiu ekei kapas: Ra feiöch chokewe mi kö ngeni kametipen apwüpwülüen ewe Lam.” Iwe, ewe chon läng a pwal apasa, “Ikkei ekewe kapas mi let seni Kot.”

Pwärätä 2:1

“Kopwe makkei ngeni ewe chon künöön ewe mwichefel lon Efisos: Iei alon ewe eman mi amwöchü ekewe füföü fü lon pöüifichin, ewe mi fetal lein ekewe fisu lenien atittin seni kolt.

Pwärätä 2:12

“Kopwe makkei ngeni ewe chon künöön ewe mwichefel lon Perkamon: Iei alon ewe mi wor ren ewe ketilas mi seisei me ruupekin.

Pwärätä 2:18

“Kopwe makkei ngeni ewe chon künöön ewe mwichefel lon Tiatira: Iei alon ewe Nöün Kot, mesan ra wewe ngeni pulopulen ekkei, pachapachan ra meriweriw usun piras mi amis.

Pwärätä 2:24

Nge ekewe ekoch me leimi lon Tiatira ousap aleasochisi ei sokun kait mi ngau, ämi ousap kaiö met ekewe ekoch ra aita ngeni ‘alololun monomonen ekiekin Satan’, üpwe ürenikemi pwe üsap anomu womi och chou.

Pwärätä 2:8

“Kopwe makkei ngeni ewe chon künöön ewe mwichefel lon Smirna: Iei alon ewe Aemanün me ewe Amüchülan, ewe mi mäla o manausefäl.

Pwärätä 21:5

Mürin ewe mi mot won ewe lenien motun king a apasa, “Nengeni, üpwe asöfösefäli mettoch meinisin.” A pwal üreniei, “Kopwe makkeetiu ekei kapas, pun ra let o allükülük.”

Pwärätä 22:10

Iwe, a üreniei, “Kosap pwauni ekewe kapasen osuni mi mak lon ei puk, pun a arapoto ewe fansoun lupwen ekei mettoch meinisin repwe fisitä.

Pwärätä 22:16

“Ngang Jesus, üa tinato nei chon läng, pwe epwe asile ngenikemi ekei mettoch lon ekewe mwichefel. Ngang eman mwirimwirin ewe ainangen Tafit, Ngang ewe füün rän mi saramaram.”

Pwärätä 3:1

“Kopwe makkei ngeni ewe chon künöön ewe mwichefel lon Sartis: Iei alon ewe eman mi eäni ekewe füman ngünün Kot me ekewe füföü fü. Üa silei om kewe föför, pwe mi wor itom itä ka manau, nge ka mä.

Pwärätä 3:14

“Kopwe makkei ngeni ewe chon künöön ewe mwichefel lon Laotisea: Iei alon ewe eman mi iteni Amen, ewe Chon Pwärätä mi allükülük o let, i popun förien Kot meinisin.

Pwärätä 3:4

Nge mi wor ekoch me leimi lon Sartis, ir resap alimengaua üfer. Iwe, repwe chiechi ngeniei fän üfer mi pwechepwech, pun ra fich ngeni.

Pwärätä 3:7

“Kopwe makkei ngeni ewe chon künöön ewe mwichefel lon Filatelfia: Iei alon ewe eman mi pin o let, ewe mi amwöchü ewe ki än Tafit. Iwe, met a suki ngeni ewe ki esap wor eman a tongeni öpüngala, nge met a öpüngala esap wor eman a tongeni suki.