Pwärätä 1:1 - Chuukese Bible

¹ Iei ewe kapasen pwärätä seni Jesus Kraist, Kot a ngeni an epwe pwäri ngeni nöün kewe chon angang usun met epwe müttir fis. Kraist a asile ngeni nöün we chon angang Johannes ekei mettoch ren an tinala nöün chon läng ren.

Pwärätä 1:1 Iomraidhean Croise

Kölfel 25:14

Ewe Samol mi Lapalap a chiechifengen me chokewe mi niuokusiti i. A asile ngeniir an we pwon.

Taniel 8:16

Iwe, üa rong mwelien eman aramas a kö seni epekin ewe chanpupu Ulai o apasa, “Kapriel, kopwe awewe ngeni ätei wewen künan we.”

Taniel 9:21

Iwe, lupwen üa chüen iotek, ewe mwän Kapriel, üa fen küna lon künaei me mwan, a müttir ässito rei lupwen fansoun a fis asoren lekuniol.

Taniel 9:23

Lupwen ka popuetä le iotekin tüngor, Kot a pälüeni om iotek. Iei üa feito pwe üpwe asile ngonuk pälüan, pun ka fokun chen me ren. Iei mine kopwe ekieki ekewe kapas pwe kopwe weweiti künaom we.

Amos 3:7

Ellet, Kot ewe Samol mi Lapalap esap föri och ika esap pwäri mwo mine a ekiekietä ngeni nöün chon angang ekewe soufos.

Johannes 12:49

Pun ngang üsap kapas fän itei, nge Semei mi tinieito a allük ngeniei met üpwe apasatä, pwal met ititin fos üpwe nöünöü.

Johannes 15:15

Üsap chüen aita ngenikemi nei chon angang, pun eman chon angang esap silei mine an samol a föri. Nge üa aita ngenikemi chiechiei, pun üa asile ngenikemi meinisin mine üa rongorong me ren Semei.

Johannes 17:8

Pun üa ngeniir ekewe kapas en ka fen ngeniei o ir ra etiweer. Iwe, ra silei pwe a let pwe üa feito senuk o ir ra lükü, pwe ka tinieito.

Johannes 3:32

Iwe, a pwärätä usun mine a fen küna o rongorong, nge esap wor eman a etiwa an kapas.

Johannes 8:26

Mi wor chomong mettoch üpwe apasa usumi, pwal chomong kapasen atipisi fän itemi. Nge ätewe mi tinieito a wenechar. Iwe, ngang üa chök asile ngeni fanüfan mine üa rong seni i.”

Nöün Paulus Toropwe ngeni ekewe Souläng lon Rom 16:25

Ousipwe mwareiti Kot! I a tongeni anükücharakemi lon ämi lükülük ren ewe Pworausen Manau üa afalafala, ewe pworaus usun Jesus Kraist, pwal ren pwälan ewe monomon mi let a monomonola me lom lon chomong, chomong fansoun.

Kalatia 1:12

Üsap angei seni eman aramas, esap pwal wor eman a aiti ngeniei. Püsin Kraist a pwäri ngeniei.

Efisos 3:3

Kot a pwäri ngeniei an we ekiek mi monomon o a aiti ngeniei wewen, usun üa manlapei le makkei me mwan.

Titus 1:1

Kapong seni ngang Paulus, eman nöün Kot chon angang me eman nöün Jesus Kraist soukünö. Kot a filiei o tinieila, pwe üpwe alisi nöün Kot kewe mi fil lon ar lükülük o emweniir ngeni ar repwe silei ewe let sia kaiö seni ach lamalam.

Pwärätä 1:19

Iei kopwe makkei ekewe mettoch ka küna, ekewe mettoch a wor iei, pwal ekewe mettoch repwe fis me mürin.

Pwärätä 1:9

Ngang Johannes, pwiimi we lon Jesus, üa chienenikemi lon ämi likitü fän mosonotam lon ewe riaföü mi tori chokewe ir chon mwün Kraist. Ra anomuei won ewe fanü Patmos pokiten üa arongafeili än Kot kapas me ewe let Jesus a pwärätä.

Pwärätä 17:1

Mürin eman me lein ekewe füman chon läng mi amwöchü ekewe fisu sepi a feito rei o üreniei, “Kopwe etto, üpwe aiti ngonuk usun än ewe fin lisowu mi iteföüla epwe küna apwüng, wewen, iei ewe telinimw watte mi kaütä arun chomong chanpupu.

Pwärätä 19:10

Iwe, üa chapetiu arun pechen ewe chon läng pwe üpwe fel ngeni, nge i a üreniei, “Kosap föri iei usun! Ngang eman chiechiom chon angang me chiechien pwiüm kewe, chokewe meinisin mi kamwöchünük won ewe let Jesus a pwärätä. Kopwe fel ngeni Kot!” Pun ewe let Jesus a pwärätä, iei met a amwelielia ekewe soufos.

Pwärätä 19:9

Mürin ewe chon läng a üreniei, “Kopwe makkeetiu ekei kapas: Ra feiöch chokewe mi kö ngeni kametipen apwüpwülüen ewe Lam.” Iwe, ewe chon läng a pwal apasa, “Ikkei ekewe kapas mi let seni Kot.”

Pwärätä 21:2

Iwe, üa küna ewe Telinimw mi Pin, ewe Jerusalem mi fö, a feitiu me läng seni Kot, a molotä usun eman fin apwüpwülü söfö a tolong lon foutan pwe epwe apwüpwülü ngeni pwülüan.

Pwärätä 21:9

Mürin eman me lein ekewe füman chon läng mi fen wor rer ekewe fisu sepi mi ur ren ekewe fisu amüchülan feiengau a feito rei o a apasa, “Kopwe etto pwe üpwe aküna ngonuk ewe Fin apwüpwülü söfö, iei i pwülüen ewe Lam.”

Pwärätä 22:1

Mürin ewe chon läng a pwal aküna ngeniei ewe chanpupun kolukun manau, a kurufat usun ewe fau itan kristal, a pupu seni fän än Kot me än ewe Lam lenien motun king

Pwärätä 22:16

“Ngang Jesus, üa tinato nei chon läng, pwe epwe asile ngenikemi ekei mettoch lon ekewe mwichefel. Ngang eman mwirimwirin ewe ainangen Tafit, Ngang ewe füün rän mi saramaram.”

Pwärätä 22:6

Mürin ewe chon läng a üreniei, “Ekei kapas ra let o allükülük. Ewe Samol Kot, ewe Kot mi fang ngeni ekewe soufos Ngünün, a tinala nöün chon läng pwe epwe pwäri ngeni nöün kewe chon angang mine epwe fisikai.”

Pwärätä 22:8

Ngang Johannes üa rongorong o küna ekei mettoch meinisin. Iwe, wesin ai rongorong o küna ekei mettoch, üa chapetiu arun pechen ewe chon läng mi aküna ngeniei ekei mettoch, pwe üpwe fel ngeni.

Pwärätä 22:9

Nge i a üreniei, “Kosap föri iei usun! Ngang eman chiechiom chon angang me chiechien pwiüm kewe soufos, pwal chiechien chokewe meinisin mi aleasochisi ekewe kapas mi mak lon ei puk. Kopwe fel ngeni Kot!”

Pwärätä 4:1

Mürin ei a pwal wor künaei, üa küna eu asam mi suk lon läng. Iwe, mwelien eman mi wewe ngeni tikin efoch rappwa, üa fen rongorong me mwan, a üreniei, “Kopwe feito ikei, pwe üpwe aiti ngonuk met epwe fokun fis mürin ei.”

Pwärätä 5:7

Iwe, ewe Lam a feila o a angei ewe toropwe seni pöüifichin ewe mi mot won ewe lenien motun king.