Osea 7:3 - Chuukese Bible

³ Ra apwapwai ewe king ren ar föför mi ngau, ra pwal apwapwai ekewe samol ren ar kapas chofana.

Osea 7:3 Iomraidhean Croise

1. King 22:13

Iwe, ewe chon künö mi feila köri Mikaia a üreni, “Nengeni, ekewe soufos ra alonipökü chök eu mine a mürina ngeni ewe king. Kopwe pwal apasa mine a mürina usun chök ir.”

1. King 22:6

Iei mine ewe kingen Israel a amwichafengeni ekewe soufos, ina epwe ükükün föpükü mwän, o aisiniir, “Ifa usun, üpwe feila maun ngeni Ramot-kiliat, ika üsap?” Nge ir ra üra, “Kopwe feila o maun ngeni ewe telinimw, ewe Samol epwe ewinnok.”

Jeremaia 37:19

Ikafair nöümi kewe soufos ra osuni ngenikemi o üra, ‘Ewe kingen Papilon esap feito pwe epwe maun ngenikemi me ei fanü?’

Jeremaia 5:31

Än ekewe soufos osuni a chofana, nge ekewe souasor ra nemenem fän püsin ar mochen. Nei aramas ra sani an epwe iei usun. Nge met repwe föri lon ewe fansoun sopolan?”

Jeremaia 9:2

Amwo epwe wor imwei likachoch lon ewe fanüapö, pwe üpwe likitala nei aramas o feila toau seniir. Pun ir meinisin ra chon lisowu, ra eu mwichen aramas resap allükülük.

Osea 10:13

Nge ämi oua fotuki föföringau o kini föföringau. Oua mongö uän ämi chofana. Pokiten oua eäni apilükülük wämi woken me chomongun nöümi sounfiu,

Osea 11:12

Iwe, ewe Samol mi Lapalap a apasa, “Chon Israel ra pwelifeiliei fän chofana me atuputup, nge chon Juta ra ü ngeniei, ngang ewe Kot mi Pin o allükülük.

Osea 4:2

Ra chök ottek, chofana, ninni, solä o föri angangen lisowu. Angangen mwänewüs a wattela, nimanawei aramas a chök likatatap mürin eu.

Osea 5:11

Israel a riaföü o tatakis lon apwüng, pun a fokun pöchökül le ekiekin angang ngeni uluulun anümwäl.

Osea 7:5

Lon ränin än ewe king kametip ekewe samol ra puchula ren pwichin ewe wain. Iwe, ewe king a tipeeu ngeni ekewe chon turunufas.

Mika 6:16

Ei epwe fis, pokiten oua apirü än Omri me chon leimwen Ahap föför mi ngau. Oua pwal sopwela le eäni örünier kewe. Iei mine üpwe ataala fanüemi, nge ekewe aramasen lon repwe och minen turunufas. Oupwe mwärelong fän itengau me ren chon ekewe mwü.”

Mika 7:3

Ra fokun sipeöch le föri mine a ngau. Ekewe nöüwis me soukapwüng ra angei lifangen amichimich. Ekewe aramas tekia ra apasawu mochenin letiper, ir meinisin ra rawangaufengen.

Nöün Paulus Toropwe ngeni ekewe Souläng lon Rom 1:32

Ra silei pwe Kot a apwüngala, pwe ekewe aramas mi föri ekei sokun föför repwe mäla. Iwe, resap chök sopwela le föri ekei sokun föför, nge ra pwal tipeeu ngeni ekewe aramas ra föri iei usun.

1. Johannes 4:5

Ekei sokun soufos chofona ra kapas usun mettochun fanüfan, iwe, chon fanüfan ra aüseling ngeniir, pun ir ra pop seni fanüfan.