Osea 5:3 - Chuukese Bible

³ Üa silei usun Israel, an föför esap monola seniei. Israel a kirikiringau ngeniei, chon ra püsin alimengaueer.”

Osea 5:3 Iomraidhean Croise

Aisea 7:16

Nge mwen ewe ät epwe sile pälüeni mine a ngau o filätä mine a öch, fanüen ekewe ruoman king en ka niueitiir epwe tala.

Aisea 7:17

Ewe Samol mi Lapalap epwe atoto womw pwal won noum aramas me chon leimwen semom eu fansoun riaföü ousamwo küna seni ewe fansoun Israel a imwü seni Juta, pun epwe awarato ewe kingen Asiria.

Aisea 7:5

Iwe, Siria fiti Israel me nöün Remalia we ra amolätä ar repwe rawangaueek. Ra apasa,

Osea 1:2

Iwe, lupwen ewe Samol mi Lapalap a popuetä le fos ngeni Osea fän iten chon Israel, a üreni, “Kopwe feila o angei eman fin lisowu pwe pwülüom, epwe pwal nöünöü me womw, nge nöün kana repwe kirikiringau usun chök i. Pun iei usun aramasen ei fanü ra föri angangen lisowu ren ar likitieila ngang ewe Samol mi Lapalap.”

Osea 12:1

Chon Israel ra chök föri mine a lomotongau o afeiengau iteiten rän. Ra achomonga ar chofana me ar angangen mwänewüs. Ra föri eu pwonen atipeeu ngeni Asiria o tinala apüra seni föün olif ngeni Isip.

Osea 13:1

Me lom, lupwen chon ewe ainangen Efraim ra kapas, chon ekewe lusun ainang ra niuokus, pun chon ewe ainangen Efraim ra fokun tekia me lon Israel. Nge ra tipis ren ar fel ngeni ewe anü Paal, iei mine repwe mäla.

Osea 13:5

Ngang ewe mi tümwünükemi lon ewe fanüapö, lon ewe fanü mi pwasapwas.

Osea 5:11

Israel a riaföü o tatakis lon apwüng, pun a fokun pöchökül le ekiekin angang ngeni uluulun anümwäl.

Osea 5:13

Iwe, lupwen Israel a küna an samau o Juta a küna kinasan, mürin Israel a feila Asiria o tüngor än ewe king mi lap alilis. Nge i esap tongeni alisiir ika amoela kinaser.

Osea 5:9

Lon ewe ränin apwüng Israel epwe tala. Üa asilefeili lein ekewe ainangen Israel usun ewe feiengau epwe fokun fis ngeniir.

Osea 6:10

Üa küna eu mettoch mi anioput me lon Israel. Nei aramasen Israel ra püsin alimengaueer ren ar fel ngeni uluulun anümwäl.

Osea 6:4

Nge ewe Samol mi Lapalap a apasa, “Met üpwe föri ngenikemi, Israel me Juta? Ämi tong a usun chök eu kuchun lesosor, usun chök ewe amurenipwin a müttir morola lesosorusich.

Osea 8:11

Chon Israel ra senätä chomong rongen asor pwe repwe eäni asoren tipis wor, nge ekei rongen asor ra wiliti lenien tipis ngeniir.

Amos 3:2

“Ämi chök üa filikemiitä seni lein chon ekewe mwü meinisin won fanüfan. Nge pokiten ämi kewe tipis ra kon fokun ngau, iei mine üpwe fokun apwüngükemi.”

Amos 5:12

Pun üa silei pwe ämi kewe föföringau ra chomong, nge ämi kewe tipis ra watte. Ämi oua ariaföüü ekewe chon pwüng o angei lifangen amichimich, oua pwal epeti ekewe chon mwelele pwe resap angei ar pwüng me lon kapwüng.

Tuteronomi 33:17

Iwe, lingen Josef a usun chök lingen mweinöün ätemwänin kow, nge mächän ra usun chök mächän eman ätemwänin kow mi mwacho. Ren mächän kewe epwe purei ekewe aramas meinisin tori lesopun fanüfan. Iei usun lapalapen ekewe engol ngeröün aramas seni ewe ainangen Efraim, pwal ekewe ngeröün seni ewe ainangen Manasa.”

Ipru 4:13

Esap fokun wor och epwe tongeni monola seni Kot. Förian kana meinisin ra säretä o pwäpwäla mwen mesan. Iwe, kich meinisin sipwe fokun pwärätä ngeni i ach föför meinisin.

Pwärätä 3:15

Üa silei om kewe föför, üa silei pwe kosap pat, kosap pwal pwiich. Amwo kopwe pat ika pwiich.