Osea 4:4 - Chuukese Bible

⁴ Esap wor eman epwe chüen anini ngeni eman ika apwüngü eman. Pun ren ämi föri ekei föför oua usun chök chokewe mi anini ngeni eman souasor.

Osea 4:4 Iomraidhean Croise

Jeremaia 18:18

Mürin, ekewe aramas ra apasa, “Ousipwe rawangauei Jeremaia. Pun a chüen wor ekewe souasor mi aiti ngenikich ekewe allük, ika ekewe soutipachem mi öüröürakich, ika ekewe soufos mi afalafalakich. Ousipwe atipisi, nge sisap afäli mine a apasa.”

Isikiel 3:26

Iwe, üpwe föri pwe awom epwe mwöch, pwe kosap chüen tongeni fos ngeniir o fönöü ei täppin aramas mi lükümach o ü ngeniei.

Osea 4:17

Chon Israel ra oo ren ekewe uluulun anümwäl. Oupwe chök likitirela.

Amos 5:10

Ämi oua oput ätewe mi pälüeni mine a pwüngingau lon kapwüng, oua pwal oput ätewe mi eäni kapas mi let.

Amos 5:13

Iei mine ekewe mi mirit repwe fanafanala lon ena fansoun, pun ena fansoun a ngau.

Amos 6:10

Mürin, märärin ewe aramas mi mäla, ätewe mi wisen föri angangen peias, epwe uwawu ewe somä seni lon ewe imw. Iwe, epwe kökkölong ren ewe mi chüen manau lon ewe imw, “Ifa usun, mi chüen wor eman a nom reöm?” Nge ätewe epwe pälüeni, “Apwi.” Mürin epwe üralong ren, “Kopwe fanafanala. Pun sisap fokun föüni iten ewe Samol mi Lapalap.”

Tuteronomi 17:12

Nge are eman a aücho pwe esap aleasochis ngeni mine a kapwüngüla me ren ewe soukapwüng ika souasor mi angang ngeni ewe Samol mi Lapalap ämi we Kot, ewe aramas epwe fokun ninnila. Iei usun oupwe limetawu mine a ngau seni lon Israel.