Osea 4:3 - Chuukese Bible

³ Iei mine ewe fanü a pwasapwas, nge meinisin mi nonom won ra mäla fiti ekewe mönün lemäl me ekewe machang. Pwal ekewe ikenen leset ra mäla.

Osea 4:3 Iomraidhean Croise

Aisea 33:9

Ewe fanü a aiolol o pwasapwas, ewe wöllapen Lepanon a pwasala. Ewe lemolun Saron mi pwülüöch a usun chök eu fanüapö, nge ekewe irä won Pasan me Karmel ra amworala chör.

Jeremaia 12:4

Ifa ükükün fansoun än ewe fanü epwe pwasapwas, nge fetilin lon iteiten mälämäl epwe pwasala? Ekewe man me mansüsü ra ärela pokiten ekewe aramas mi nom lon ewe fanü ra föföringau, ir ekewe aramas mi apasa, “Kot esap küna mine sa föri.”

Jeremaia 23:10

Ewe fanü a ur ren chon lisowu. Ekewe soufos ra chök föri föför mi ngau o aeangauei ar manaman. Pokiten ewe anümamau ewe fanü a sangang, nge än ekewe man lenien mongö fetil ra pwasala.

Jeremaia 4:25

Üa küna pwe esap wor eman aramas, pwal ekewe machang meinisin ra süla.

Jeremaia 9:10

Nge ngang üa apasa, “Üpwe ngüngüres fän iten ekewe chuk o kechüeiti ekewe lenien fetil me lon ewe fanüapö, pun ra pwasala. Iei mine esap wor eman a pwerela lor, esap pwal wor eman a rongorong wörüwörün kow me ie. Ekewe machang me ekewe manmwacho ra sü seniir.”

Jeremaia 9:9

Ifa usun, üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför? Ngang ewe Samol mi Lapalap üa kapas.”

Isikiel 38:20

Ekewe ikenen leset, ekewe machang, ekewe man mi watte me kükün meinisin, pwal aramasen won fanüfan meinisin repwe chechech me mwei. Chuk kana repwe turula, achau repwe mökküla, nge tit kana meinisin repwe turutiu won pwül.

Sowel 1:18

Iwe, ekewe kow ra wörüwör ren ar echik, pun esap chüen wor ener fetil, ekewe pwiin sip ra pwal riaföü.

Amos 1:2

Iwe, Am a üra, “Ewe Samol mi Lapalap a leüömong le kökkö seni ewe chuk Sion o aronga mwelian seni Jerusalem. Ekewe lenien enen sip ra pwasala, ewe fetil won ewe chuk Karmel a aiolol.”

Amos 5:16

Nge pokiten ämi tipis, Kot ewe Samol mi Unusen Manaman a apasa, “Epwe wor ngüngüres lon ekewe lenien chulap me lon ewe telinimw me puchörün riaföü me lon ekewe al meinisin. Repwe köri ekewe chon angang lon tanipi pwe repwe feila o ngüngüres, fiti chokewe mi angei liwinir le eäni ekewe kölün kechü.

Amos 8:8

Ifa usun, ewe fanü esap chechech pokiten ei föför, nge chokewe meinisin mi nom lon resap letipeta? Ewer, unusen ewe fanü epwe chechech, epwe pwotä o morotiu usun kolukun ewe chanpupu Nil lon Isip.”

Nahum 1:4

A apwüngü ewe matau o apwasapwasatä, a akotätä ekewe chanpupu meinisin. Ekewe tanipi lon Pasan ra aiolol, irän won ewe chuk Karmel ra oleol lechör, nge ekewe pön irän Lepanon ra aiemämä.

Sefanaia 1:3

Üpwe niela aramas me man, ekewe mansüsü me ekewe ikenen leset. Üpwe asapwilätiu ekewe aramasangau o ärala aramas meinisin seni won fanüfan. Ngang ewe Samol mi Lapalap üa kapas.

Sekaraia 5:4

Ewe Samol mi Unusen Manaman a apasa pwe epwe tinato ewe anümamau. Epwe tolong lon imwen ewe chon solä, pwal lon imwen ätewe mi akapelmwäl fän itan. Iwe, epwe nonom lon imwer o ataretiu, epwe ataela ekewe irä me fau.”