Osea 4:2 - Chuukese Bible

² Ra chök ottek, chofana, ninni, solä o föri angangen lisowu. Angangen mwänewüs a wattela, nimanawei aramas a chök likatatap mürin eu.

Osea 4:2 Iomraidhean Croise

Keneses 4:8

Iwe, Kain a kapas ngeni Epel pwin we, “Sipwe feila lemäl.” Nge lupwen ar nonomfengen ikenan, Kain a ü ngeni pwin, a turufi o niela.

Aisea 24:5

Fanüfan a limengau ren chon, pun ra puri än Kot kewe allük o aücheangaua an kewe pwüüng, ra pwal ataela an we pwon mi nom tori feilfeilachök.

Aisea 48:1

Oupwe aüselinga ei kapas, ämi chon Israel, ämi mwirimwirin Juta. Oupwe aüseling, ämi mi akapelü iten ewe Samol mi Lapalap o köri iten ewe Koten Israel, nge sap fän let me pwüng.

Jeremaia 51:5

Ngang Kot ewe Samol mi Unusen Manaman, üsap pöütala chon Israel me chon Juta, inamwo ika ra tipis ngeniei, ngang ewe mi Pin me lon Israel.”

Jeremaia 6:7

Usun eu chönüttu a awora koluk mi fö, iei usun ewe telinimw a awora föföringau mi fö iteiten rän. Üa rongorong usun angangen mwäneson me kata a fis lon, üa chök küna chon samau me chon kinas.

Kölün kechü 4:13

Ei a fis pokiten än nöün Jerusalem kewe soufos tipis, pwal pokiten än nöün kewe souasor föföringau. Ir chokewe mi niela ekewe chon pwüng.

Isikiel 7:23

Kopwe amolätä selimächä, pun ewe fanü a uren föförün nimanau, nge ewe telinimw a uren föförün mwänewüs.

Osea 10:13

Nge ämi oua fotuki föföringau o kini föföringau. Oua mongö uän ämi chofana. Pokiten oua eäni apilükülük wämi woken me chomongun nöümi sounfiu,

Osea 10:4

Ra chök fos pön o föri pwonen atipeeu fän akapelmwäl. Iei mine pwüng a wiliti pwüngingau, a märitä usun fetil mi poison lon eu mälämäl mi tu.

Osea 11:12

Iwe, ewe Samol mi Lapalap a apasa, “Chon Israel ra pwelifeiliei fän chofana me atuputup, nge chon Juta ra ü ngeniei, ngang ewe Kot mi Pin o allükülük.

Osea 12:14

Nge chon Israel ra fokun asongongauei ar we Samol mi Lapalap. Iei mine epwe ukun ngeniir liwinin ar nimanau o aliwini ngeniir ar aitengaua.

Osea 5:2

pwal eu pwang mi alolol lon Sitim. Nge ngang üpwe apwüngükemi meinisin.

Osea 6:8

Kiliat eu telinimwen aramas mi föföringau, ra pwal ni aramas.

Osea 6:9

Ekewe souasor ra usun chök eu mwichen chon solä mi operi eman aramas. Won mwo ewe al mi ale ngeni ewe leni mi pin lon Sikem, nge ra ni aramas, ewer, ra chök föri föförün mwänewüs.

Osea 7:1

Iwe, ewe Samol mi Lapalap a apasa, “Iteiten fansoun, lupwen üa mochen apöchöküla nei kewe aramasen Israel o afefeitäsefäliir, üa chök küna ar föföringau me tipis. Pun ra föri föförün atuputup lefileer, ra ataelong imw o solä, ra pwal angei pisekin aramas fän pöchökül me won ekewe al.

Osea 7:3

Ra apwapwai ewe king ren ar föför mi ngau, ra pwal apwapwai ekewe samol ren ar kapas chofana.

Osea 7:4

Ir meinisin ra kirikiringau ngeniei usun eman mwän a kirikiringau ngeni pwülüan. Ra pwichikar lon ar mocheisou usun pwichin eu um ewe chon um esap chüen soni seni ewe fansoun a aüwa ewe pilawa tori a pwotä.

Mika 3:2

Nge ämi oua oput mine a mürina o efich mine a ngau. Ämi oua äsera ünüchen nei aramas o etti fituker seni chür.

Mika 3:9

Oupwe rongorong, ämi kewe mi emweni ekewe mwirimwirin Jakop pwal ämi mi nemeni ekewe chon Israel, ämi chokewe mi oput pwüng o atoka meinisin mine a wenechar,

Mika 6:10

Lon imwen ekewe aramasangau a wor pisek aüchea ra angei fän rikirik. Ra aea kilo mi solä, eu föför üa oput.

Mika 7:2

Esap chüen wor eman aramas mi pwüng lon ewe fanü, esap pwal chüen wor eman mi wenechar me lein ekewe aramas. Meinisin ra op pwe repwe ni aramas, ra en me chei pwin pwe repwe likatupur.

Sefanaia 3:1

Feiengauen Jerusalem, ewe telinimw mi ngau o ü ngeni Kot, a ariaföüü püsin nöün aramas.

Sekaraia 5:3

Mürin, a üreniei, “Iei ewe anümamau epwe feitiu won unusen ewe fanü a mak lon ei toropwe. A mak won ewe epek pwe meinisin mi solä repwe kärila, nge pwal won ewe epek a mak pwe meinisin mi akapelmwäl repwe kärila.

Sekaraia 7:9

“Me lom üa allük ngeni nei aramas, ‘Oupwe eäni kapwüng fän let, oupwe kirikiröch o ümöümöch ngeni en me pwin.

Mateus 23:35

Iei mine epwe feitiu womi ewe apwüng fän iten ninnilan ekewe aramas mi pwüng meinisin, seni ninnilan ewe chon pwüng Epel tori ninnilan Sekaraia nöün Perekia, ätewe oua niela lefilen ewe imwenfel me ewe rongen asor.

Föför 7:52

Ifa usun, mi wor eman soufos ämi kewe lewo resap ariaföüü? Ra niela nöün Kot kewe chon künö, chokewe ra arongato me lom usun waren nöün Kot we Chon Angang mi pwüng. Iwe, iei ämi oua afangamä i o niela.

Tuteronomi 5:11

Kosap föünimwäli itei ngang ewe Samol mi Lapalap om Kot. Pun ngang ewe Samol mi Lapalap üpwe ngeni eman me eman chappen tipisin an föünimwäli itei.

Tuteronomi 5:18

Kosap lisowu.

Tuteronomi 5:19

Kosap solä.

1. Tesalonika 2:15

ir chokewe mi niela ach Samol Jesus me ekewe soufos, ra pwal ariaföüükem. Ifan me ar asonga Kot! Ifan me ar oput aramas meinisin.

Pwärätä 17:6

Üa küna ewe fefin pwe a puchula ren chaan ekewe chon pin me chaan chokewe mi ninnila pokiten ar allükülük ngeni Jesus. Lupwen üa küna neminewe, üa fokun mairü.