Osea 4:1 - Chuukese Bible

¹ Ämi chon Israel, oupwe rongorong än ewe Samol mi Lapalap kapas. Pun iei an kapasen atipisi chon ewe fanü: Esap wor allükülük ika tong me lon ewe fanü, esap pwal wor ar silei pwe ngang ar Kot.

Osea 4:1 Iomraidhean Croise

1. King 22:19

Mikaia a sopwela le kapas, “Iei kopwe aüselinga alon ewe Samol mi Lapalap: Üa küna ewe Samol mi Lapalap pwe a mot won an lenien motun king, nge unusen ewe mwichen chon läng ra ütä ünükün.

Kölfel 81:9

Esap tufich pwe oupwe eäni eman kot än chon ekewe mwü, ousap fel ngeni eman koten ekis.

Aisea 1:10

Jerusalem, om kewe samol me aramasom kewe ra usun chök chon Sotom me chon Komora. Oupwe rongorong alon ewe Samol mi Lapalap. Oupwe aüselinga mine ach we Kot a mochen aiti ngenikemi.

Aisea 1:18

Iei alon ewe Samol mi Lapalap, “Ou etto, ousipwe pwüngüpwüngfengen. Oua limengau ren tipis usun eman a limengau ren cha. Nge ngang üpwe limetikemi pwe oupwe limöch usun pwechepwechen sno. Inamwo are oua limengau usun mangaku mi fötöpwül, oupwe fokun limöch.

Aisea 28:14

Iei mine oupwe rongorong alon ewe Samol mi Lapalap, ämi chon turunufas, ämi mi nemeni ekei aramasen Jerusalem.

Aisea 34:1

Oupwe arapoto, ämi chon ekewe mwün fanüfan, pwe oupwe rongorong. Oupwe aüseling, ämi mwichen aramas. Fanüfan epwe aüseling, pwal aramasen won meinisin.

Aisea 34:8

Pun iei fansoun än ewe Samol mi Lapalap epwe amanaua Sion o ngeni chon oputan chappen ar föför.

Aisea 5:3

Iei mine chienei a apasa: Ämi chon Jerusalem me chon Juta, üa tüngor ngenikemi pwe oupwe filätä iö leim a mwäl, ngang ika ai tanipi.

Aisea 59:4

Esap wor eman a kapwüng ngeni aramas fän pwüng me wenechar. Iwe, ra lükülük won kapas mi lomotongau, ra chofana, ra pwal ekiekin fitikoko o föföringau.

Aisea 59:8

Iwe, resap silei ewe alen kinamwe. Meinisin mine ra föri esap pwüng. Ra püsin föri aler mi pwor, nge ir mi fetal won resap sile kinamwe.

Aisea 66:5

Oupwe rongorong alon ewe Samol mi Lapalap, ämi mi niuokusiti o aleasochisi an kapas, “Pokiten ämi allükülük ngeniei, ekoch lein pwimi ra oputakemi o asükemiila. Ra esitakemi o apasa, ‘Ewe Samol mi Lapalap epwe fokun pwärawu an ling o amanauakemi pwe aipwe küna ämi pwapwa.’ Nge fokun ir repwe küna säw.”

Jeremaia 11:7

Seni ewe fansoun üa emwenawu ämi kewe lewo seni ewe fanü Isip tori ikenai üa fönökisiir o üreniir pwe repwe aleasochisiei.

Jeremaia 19:3

Kopwe apasa, ‘Oupwe rongorong, ämi kingen Juta me ämi chon Jerusalem, usun mine ngang ewe Samol mi Unusen Manaman ewe Koten Israel üa apasa: Üpwe awarato eu sokun feiengau won ei leni, pwe iteiten eman me eman mi rongorong usun epwe mairü ren.

Jeremaia 2:4

Oupwe aüseling alon ewe Samol mi Lapalap, ämi mwirimwirin Jakop, ämi chon ekewe ainangen Israel meinisin.

Jeremaia 2:9

Iei mine ngang ewe Samol mi Lapalap üpwe atipisi nei kewe aramas, üpwe pwal atipisi mwirimwirir kewe.

Jeremaia 25:31

Ewe apwas epwe tori lesopun fanüfan. Pun ewe Samol mi Lapalap a atipisi chon ekewe mwü meinisin. Epwe eäni kapwüng ngeni aramas meinisin, nge epwe niela ekewe aramasangau.’ Iei alon ewe Samol mi Lapalap.”

Jeremaia 34:4

Nge en Setekia kingen Juta, kopwe rong aloi fänäsengesum, ‘Kosap mäla ren ketilas,

Jeremaia 4:22

Ewe Samol mi Lapalap a apasa, “Nei aramas ra umwes, resap sileei. Ra usun chök semirit mi tiparoch, resap mirit. Ra sipeöch le föri mine a ngau, nge resap silei ar repwe föri föför mi öch.”

Jeremaia 4:28

Ren ei fanüfan epwe letipeta, nge läng epwe cholola. Pun ngang üa kapas, nge üsap siwili ai ekiek, üa apwüngala mine üpwe föri, nge üsap akasiwili.”

Jeremaia 5:4

Mürin üa ekieki, “Ir chök aramas mi kis, esap wor ar mirit, pun resap silei letipen ewe Samol mi Lapalap ika än ar we Kot allük.

Jeremaia 51:5

Ngang Kot ewe Samol mi Unusen Manaman, üsap pöütala chon Israel me chon Juta, inamwo ika ra tipis ngeniei, ngang ewe mi Pin me lon Israel.”

Jeremaia 6:13

Pun seni ekewe mi kis tori ekewe mi lap ir meinisin ra kütta ar win fän pwüngingau. Pwal seni ekewe soufos tori ekewe souasor ir meinisin ra atupu aramas.

Jeremaia 7:28

Kopwe üreniir, ‘Ämi chon eu mwü ousap aleasochisi ewe Samol mi Lapalap ämi we Kot, ousap etiwa an emirit. Kapas mi let ra morola, ra ükütiu seni lon awemi.

Jeremaia 9:20

Iwe, üa üra, “Ämi kana fefin, oupwe rongorong alon ewe Samol mi Lapalap, oupwe aüselinga an kewe kapas. Oupwe aiti ngeni nöümi kewe föpwül usun ar repwe ngüngüres, nge iteiten eman me eman epwe aiti ngeni chon arun echö kölün kechü.

Jeremaia 9:3

Iei alon ewe Samol mi Lapalap, “Iteiten fansoun nei aramas ra chök kapas chofana. Chofana a chöchöla lon ewe fanü, nge sap let. Nei aramas ra chök föri föför mi ngau, nge resap alletä pwe ngang ar Kot.”

Jeremaia 9:7

Iei mine ewe Samol mi Unusen Manaman a apasa, “Nengeni, üpwe limeti nei aramas usun eman chon ketel a limeti mächä, üpwe sotuniir. Pun met echök üpwe tongeni föri ren nei aramas mi föri mine a ngau.

Isikiel 16:35

Iei mine Jerusalem, en eman fin lisowu, kopwe rongorong mine ewe Samol mi Lapalap a apasa.

Osea 12:2

A wor än ewe Samol mi Lapalap kapasen atipisi chon Juta, epwe pwal apwüngü chon Israel pokiten lapalaper o ngeniir liwinin ar kewe föför.

Osea 12:3

Lupwen Jakop ar we lewo a nonom lon letipen inan, a amwöchü apilipilin pechen pwin we, nge lupwen a mwän, a aülap ngeni Kot.

Osea 5:1

“Ämi souasor, oupwe aüseling, ämi chon Israel, oupwe aü selingemi, nge ämi chon leimwen king, oupwe rongorong. Pun ewe apwüng epwe weneitikemi pokiten oua wewe ngeni eu likatup lon Mispa me eu cheew mi meresila won ewe chuk Tapor,

Osea 5:4

Ar kewe föför mi ngau a epeti ar repwe liwiniti ar we Kot. Pun ekiekin angangen fel ngeni anümwäl a nom lor, nge resap silei ewe Samol mi Lapalap.

Sowel 1:2

Oupwe rongorong, ämi ätemirit, oupwe aü selingemi, ämi meinisin mi nonom lon ei fanü Juta. Ifa usun, ei sokun mettoch a fen fis lon fansoun manauemi ika lon fansoun manauen semelapemi kewe?

Amos 3:1

Ämi chon Israel, oupwe rongorong ekei kapas ewe Samol mi Lapalap a apasa usumi, ämi chon ewe mwü meinisin i a emwenawu seni ewe fanü Isip.

Amos 7:16

Iei kopwe rongorong mine ewe Samol mi Lapalap a üra. En ka apasa pwe üpwe ükütiu le osuni mine a ngau fän iten chon Israel, üsap pwal afalafala mine a ngau ngeniir.

Mika 6:2

Ämi ekewe chuk me en longolongun fanüfan mi nükünük, oupwe rongorong än ewe Samol mi Lapalap kapasen änini, pun a änini ngeni nöün kewe aramas, epwe atipisi chon Israel.

Johannes 8:55

Ämi ousap fokun silei Kot, nge ngang üa silei i. Are üpwe apasa pwe üsap silei i, üpwe eman chon chofona usun chök ämi. Nge ngang üa silei i o aleasochisi an kapas.

Nöün Paulus Toropwe ngeni ekewe Souläng lon Rom 1:28

Pokiten ekei aramas resap fokun mochen amwöchü lon letiper mine ra silei usun Kot, i a asechiirela lon ngauen letiper, pwe ra föri sokun föför esap pwüng.

1. Korint 15:34

Oupwe miritila, iwe, oupwe ükütiu le föri tipis. Pun ekoch me leimi resap silei Kot, üa pwärätä ei pwe oupwe säw ren.

Pwärätä 2:11

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau esap küna feiengau ren ewe aruen mäla.”

Pwärätä 2:29

Are a wor selingen eman epwe rongorong mine Ngünmifel a üreni ekewe mwichefel!”