Osea 3:1 - Chuukese Bible

¹ Iwe, ewe Samol mi Lapalap a üreniei, “Kopwe feila o tongesefäli pwülüom we, inamwo ika a lisowu ngeni eman nöün kamwet. Kopwe tongei usun chök ngang üa tongei ekewe aramasen Israel, inamwo ika ir ra kul ngeni pwal ekoch kot o efich ar eäni asor ngeniir föün wain mi apwas.”

Osea 3:1 Iomraidhean Croise

2. Samuel 6:19

Iwe, a aineti efoch pilawa, eu kinikinin fituk me echö nokop seni föün wain mi apwas ngeni eman me eman mwän me fefin me lein ewe mwicheichen aramasen Israel. Mürin, ekewe aramas meinisin ra liwiniti en me imwan.

2. King 13:23

Nge ewe Samol mi Lapalap a ümöümöch ngeni chon Israel, a tongeer o echeniir, pokiten an pwon ngeni Apraham, Isaak me Jakop. Iwe, esap mochen aroserela, esap pwal atoauerela seni fän mesan tori ikenai.

1. Kronika 16:3

Tafit a pwal aineti mongö ngeni chon Israel meinisin. A ngeni eman me eman mwän me fefin efoch pilawa, eu kinikinin fituk me echö nokop seni föün wain mi apwas.

Nehemia 9:31

Iei mwo nge lon om ümöümöch mi lapalap kosap likitirela ika aroserela. Pun en eman Kot mi kirikiröch o ümöümöch.

Kölfel 123:2

Usun mesen ekewe chon angang mwän ra netä ren ar samol, pwal usun mesen eman chon angang fefin a netä ren an samol fefin, iei usun mesach ra netä ren ewe Samol mi Lapalap ach we Kot, tori epwe ümöümöch ngenikich.

Ekistos 32:6

Iwe, ekewe aramas ra pwätä lesosorusich o eäni asoren kek me asoren kinamwe. Nge wesin ar asor ra mottiu pwe repwe momongö o ükün. Mürin ra ütä o urumwotongau.

Än Salomon Köl 2:5

Kopwe aochocha ngeniei uän irän wain mi pwas, pwe üpwe pöchökülsefäl, kopwe pwal apöchöküleitä ren uän apel, pun üa apwangapwang ren ai tongeek.

Aisea 45:22

Oupwe kulitiei, ämi aramasen fanüfan meinisin, pwe oupwe küna manau. Pun ngang Kot, esap pwal wor eman lüki.

Jeremaia 3:20

Ellet, ämi chon Israel oua kirikiringau ngeniei, usun eman fefin a kirikiringau ngeni pwülüan o likitala. Ngang ewe Samol mi Lapalap üa kapas.”

Jeremaia 31:20

Ifa usun, Israel esap nei mwän mi achengicheng? Ifa usun, sap i nei üa pwapwa ren? Inamwo ika üa kulu söküri ngeni, nge üa chüen chechemeni. Iei mine lelukei a positi i, üpwe fokun eäni ümöümöch ngeni. Ngang ewe Samol mi Lapalap üa kapas.

Osea 11:8

Ifa usun ai üpwe tongeni fangatä, en Israel? Ifa usun ai üpwe tongeni likitukela? Ifa usun ai üpwe ataakela usun ai ataela Atma? Ifa usun ai üpwe tongeni föri ngonuk usun mine üa föri ngeni Sepoim? Letipei a siwil, ai tong a pwichikar o nüküchar.

Osea 2:5

Iner we a kirikiringau, a nöüniir fän an föri föför mi ässäw, pun a apasa, “Üpwe tapwela mürin nei kewe kamwet mi ngeniei enei mongö me ünümei koluk, ai ülen man me mangaku mi pwechepwech, ai apüra seni föün olif me wain.”

Osea 4:11

Wainin lom me wain mi fö ra angeala mirit.

Osea 7:5

Lon ränin än ewe king kametip ekewe samol ra puchula ren pwichin ewe wain. Iwe, ewe king a tipeeu ngeni ekewe chon turunufas.

Amos 2:8

Ra konola ünükün iteiten rongen asor lon mangaku ra angei seni chon wöüngau pwe asisilen ar liwinimang. Ra ünümi wain lon imwen ar we kot, ekewe wain ra angei seni chokewe mi liwinimang ngeniir.

Amos 6:6

Oua ün wain lon sepi o epitikemi lö mi fokun pwokus, nge ousap letipeta pwe Israel a tala.

Mika 7:7

Nge ngang üpwe neta ngeni ewe Samol mi Lapalap. Üpwe ösüküsükü Kot ai we Chon Amanau. Ai Kot epwe aüselingaei.

Sekaraia 1:16

Iei mine üa liwinla Jerusalem pwe üpwe pwäri ai tong ngeni. Imwei epwe kaüsefäl lon, pwal Jerusalem epwe kaüksefäl,’ iei alon ewe Samol mi Unusen Manaman.

Mateus 26:50

Jesus a pölüeni, “Pwii, kopwe chök föri mine ka ekiekin föri.” Mürin ra sä ngeni, ra turufi Jesus o amwöchü.

1. Korint 10:21

Ousap tongeni ün seni än ach Samol kap pwal ün seni än ekewe anün rochopwak kap. Ousap pwal tongeni mongö seni än ach Samol chepel, nge pwal mongö seni än ekewe anün rochopwak chepel.

1. Korint 10:7

sisap pwal fel ngeni uluulun anümwäl usun ekoch me leir ra föri. Pun iei usun a mak lon ekewe Toropwe mi Pin, “Ekewe aramas ra mottiu pwe repwe momongö o ükün, mürin ra ütä o urumwotongau.”

1. Petrus 4:3

Pun lon ewe fansoun a la a naf fansoun ämi föri mine ekewe chon lükün lamalam ra pwapwa le föri. Oua föri föförün lisowu, mocheisou, ünüpuch, mongömong, mwichen ün sakau me angangen fel ngeni anümwäl mi anioput.

Soukapwüng 10:16

Mürin, ra pöütala ar kewe koten ekis mi nom rer o angang ngeni ewe Samol mi Lapalap. Iwe, Kot a chüngüw ekewe chon Israel lon ar riaföü.

Soukapwüng 9:27

Iwe, ekewe aramas ra feila lon ar kewe tanipin wain o kini ekewe föün irän wain, ra pwal üchü ekewe föün o föri eu kametip. Iwe, ra feila lon imwen ar kot, ra mongö o ün, ra pwal eäni kapasen turunufas usun Apimelek.