Osea 2:4 - Chuukese Bible

⁴ Üsap pwal tongei nöün kana, pun ir nöün eman fin lisowu.

Osea 2:4 Iomraidhean Croise

Osea 1:6

Iwe, Komer a pwopwosefäl o nöüni eman nengin. Mürin, ewe Samol mi Lapalap a üreni Osea, “Kopwe aita ngeni ewe nengin ‘Esechen’. Pun ngang üsap chüen echeni ekewe chon Israel ika amusala ar kewe tipis.

Osea 1:2

Iwe, lupwen ewe Samol mi Lapalap a popuetä le fos ngeni Osea fän iten chon Israel, a üreni, “Kopwe feila o angei eman fin lisowu pwe pwülüom, epwe pwal nöünöü me womw, nge nöün kana repwe kirikiringau usun chök i. Pun iei usun aramasen ei fanü ra föri angangen lisowu ren ar likitieila ngang ewe Samol mi Lapalap.”

Isikiel 8:18

Iei mine üpwe apwüngüür fän ai song. Üsap achikeer, üsap pwal eäni tong ngeniir. Inamwo are repwe kechü ngeniei fän leüömong lon ar iotek, üsap fokun aüselingeer.”

Jeremaia 13:14

Mürin üpwe atatakisifengeniir eman ngeni eman, ekewe sam ngeni nöür kewe, usun eman a amökkü eu pör ngeni pwal eu. Üsap tongeer ika achikeer, üsap eäni ümöümöch ngeniir, nge üpwe aroserela.”

James 2:13

Pun Kot esap eäni tong ngeni eman aramas esap eäni tong, lupwen a apwüngü. Pun tong a win lon kapwüng.

Nöün Paulus Toropwe ngeni ekewe Souläng lon Rom 11:22

Iei mine oupwe ekieki usun än Kot kirikiröch me an pöchökül. A fokun pöchökül ngeni chokewe mi turutiu, nge a kirikiröch ngeni ämi. Are oua sopwela le föri mine a mürina, epwe sopwela le kirikiröch ngenikemi, nge are ousap föri iei usun, pwal ämi oupwe kuputiu.

Nöün Paulus Toropwe ngeni ekewe Souläng lon Rom 9:18

Iei usun Kot a ümöümöch ngeni iö a mochen ümöümöch ngeni, nge a pwal aülöföreai eman i a mochen aülöföreai.

Johannes 8:41

Ämi oua föri mine sememi a föri.” Iwe, ra pölüeni, “Äm aisap upun leroch, äm aia semeni eman chök Sam, iei i Kot.”

Sekaraia 1:12

Mürin, nöün ewe Samol mi Lapalap we chon läng a üra, ‘Ai Samol mi Unusen Manaman, inet kopwe eäni ümöümöch ngeni Jerusalem me ekewe telinimwen Juta, pun ka song ngeniir lon ekei fik ier?’

Isikiel 9:10

Iei mine üsap achikeer, üsap pwal tongeer, nge üpwe liwini ngeniir ükükün liwinin ar kewe föför meinisin.”

Jeremaia 16:5

Kosap tolong lon imwen chon letipeta, kosap feila rer pwe kopwe kechü o achipeer, pun ngang üa angei seni ekei aramas ai kinamwe, ai tong ellet me ai ümöümöch.

Aisea 57:3

Oupwe etto, ämi nöün eman sourong fefin, ämi nöün ekewe mwän mi lisowu me ekewe fefin mi amömö insir fän iten angangen lisowu.

Aisea 27:11

Ekewe aramas ra wewe ngeni palen ekewe irä mi pwas, ra kuputiu. Iwe, fefin repwe feito o rusifengeniir pwe repwe eäniir amüch. Pun ir eu mwichen aramas resap mirit. Iei mine Kot ewe mi föriir esap tongeäsiniir, esap pwal ümöümöch ngeniir.

2. King 9:22

Nge lupwen Joram a küna Jehu, a aisini, “Ifa usun, Jehu, ka feito fän kinamwe?” Jehu a pälüeni, “Ifa usun, a tongeni fis kinamwe, are Isipel inom we a chök föföri ekewe angangen anümwäl me angangen roong?”

Isikiel 23:25

Iwe, ngang üpwe song ngonuk, nge ir repwe amüchü ar lingeringerituk. Repwe pökü pwötum me selingom, nge chokewe mi chüen manau repwe mäla ren ketilas. Repwe angei senuk noum kewe mwän me fefin, nge chokewe mi chüen manau repwe karala ren ekkei.

Osea 5:7

Iwe, ra kirikiringau ngeni ewe Samol mi Lapalap, a wor nöür, nge sap nöün Kot ir. Iei eman chon kata epwe afeiengaueer o ataela fanüer.

Aisea 50:1

Iei alon ewe Samol mi Lapalap, “Ifan ewe toropwen mwüfesen üa pöütala inemi ren? Üa amömökemiila ngeni iö pokiten ai liwinimang ngeni? Nengeni, oua püsin amömökemiila pokiten ämi kewe tipis, nge pokiten ämi kewe pupungau inemi a mwü.