Osea 2:3 - Chuukese Bible

³ Nge ika esap ükütiu, üpwe aseleloi o föri pwe epwe usun chök an selela lon ränin an uputiu. Üpwe föri pwe neminewe epwe wewe ngeni eu fanüapö me eu fanü mi pwas, iwe, epwe mäla ren an kaka.

Osea 2:3 Iomraidhean Croise

Ekistos 17:3

Nge ekewe aramas ra fokun kakan koluk, pwe ra lal ngeni Moses o apasa, “Pwota ka emwenikeemiwu seni Isip? Ifa usun, kopwe niikem me nöüm pwal nöüm pwiin man ren om emwenikeemito lon ei leni ese wor koluk lon?”

Aisea 33:9

Ewe fanü a aiolol o pwasapwas, ewe wöllapen Lepanon a pwasala. Ewe lemolun Saron mi pwülüöch a usun chök eu fanüapö, nge ekewe irä won Pasan me Karmel ra amworala chör.

Aisea 47:3

pwe aramas repwe küna om selela, nge kopwe fokun säw ren. Ngang üpwe ngonuk chappen om föföringau, nge esap wor eman a tongeni pineiei.”

Aisea 64:10

Om kewe telinimw mi pin ra wiliti eu fanüapö. Iwe, Jerusalem a wiliti eu lenien tatakis o pön.

Jeremaia 12:10

Chomong chon mas ra atai ai tanipin wain, ra purätiu fanüei. Ra föri pwe fanüei mi mürina a wiliti eu fanüapö.

Jeremaia 13:22

Nge are ka ekieki lon lelukom, “Pwota ekei feiengau ra toriei?” Pokiten watten om tipis, a fis pwe aramas ra kamwei senuk ufom o achomanauok.

Jeremaia 13:26

Püsin i epwe särifätä ufom pwe asäwum epwe pwäpwäla.

Jeremaia 14:3

Ekewe aramas tekia ra akünööla nöür chon angang pwe repwe üfüf koluk. Ra feila ren ekewe chönüttu, nge resap künakün koluk. Ra liwinsefäl fän ar kewe pör mi pöön. Ra pwölüela mökürer ren ar apilükingau me rükö.

Jeremaia 17:6

A wewe ngeni efoch iräkis lon fanüapö. Esap fokun tori och feiöch. Epwe nom lon ekewe leni mi pwasapwas me lon ewe fanüapö, lon eu fanü mi wor salt lon, eu fanü esap so.

Jeremaia 2:31

Ämi aramasen Israel, oupwe aüselinga aloi. Ifa usun, üa wewe ngeni eu fanüapö me remi, ika eu fanüen rochopwak me feiengau? Pwota ämi nei aramas oua apasa, ‘Äm aipwe chök föri letipem, aisap chüen liwinsefälito reöm.’

Jeremaia 2:6

Resap ekiekiei, nge ngang üa fen amanaueer seni ewe fanü Isip o emwenirela lon ewe fanüapö. Ei fanüapö eu fanü mi pön o pwokurokur, eu fanü esap püngütiu üt won, a chök wor feiengau lon, eu fanü esap wor eman a nom ie, esap pwal wor eman a mochen pwerela won.

Jeremaia 22:6

Pun iei alon ewe Samol mi Lapalap fänäsengesin imwen ewe kingen Juta, ‘En ka mürina usun ewe fanü Kiliat me rei, ika usun ungen ewe chuk Lepanon, nge üpwe fokun föri pwe kopwe wiliti eu fanüapö, ika eu telinimw esap so.

Jeremaia 4:26

Üa küna pwe ewe fanü mi mürina a wiliti eu fanüapö, nge ekewe telinimwen lon ra tatakisila pokiten än ewe Samol mi Lapalap song mi fokun watte.

Jeremaia 51:43

Ekewe telinimw ra wiliti och minen eniweniw, ra wiliti eu leni mi pwas o pön, eu leni ia esap wor eman aramas a nom ie, esap pwal wor eman a pwerela lon.

Jeremaia 51:5

Ngang Kot ewe Samol mi Unusen Manaman, üsap pöütala chon Israel me chon Juta, inamwo ika ra tipis ngeniei, ngang ewe mi Pin me lon Israel.”

Isikiel 16:22

Nge lon om kewe föför mi anioput me om lisowu meinisin kosap chechemeni lekükünum, lupwen ka fokun selela o fares lon chaom.”

Isikiel 19:13

Nge iei ewe irän wain a fotetiu lon fanüapö lon eu pwül mi pwas.

Osea 13:15

Inamwo ika Israel epwe mämäritä usun ekewe wowo, üpwe tinato eu asepwälin ötiu, epwe enito seni ewe fanüapö. Epwe amorätä an kewe puächen koluk me an kewe chönüttu. Aramas repwe angei fän pöchökül an kewe pisek aüchea meinisin seni an we lenien iseis.

Osea 2:10

Iei üpwe aseleloi me fän mesen nöün kewe kamwet, nge esap wor eman me leir epwe tongeni amanaua seni lepei.

Pwärätä 17:16

Nge ekewe engol mächä ka küna, pwal ewe manmwacho repwe oput ewe fin lisowu. Repwe angei seni mettochun meinisin o likiti neminewe lon an selela. Repwe ochei fitukan o kenala ren ekkei.

Soukapwüng 15:18

Mürin, Samson a fokun kaka, a kökköri ewe Samol mi Lapalap o apasa, “Ka föri ei angangen ngasala mi lapalap rei ngang noum ei chon angang. Nge ifa usun, üpwe mäla iei ren ai kaka o tolong lepöün chokewe resap sirkomsais?”