Osea 2:1 - Chuukese Bible

¹ Iwe, ämi aramas, oupwe aita ngeni pwimi kewe, “Ämi nöün Kot aramas,” nge oupwe aita ngeni fefinemi kewe, “Ämi oua küna chenimi me ren Kot.”

Osea 2:1 Iomraidhean Croise

Keneses 22:17

ngang üpwe fokun afeiöchuk, üpwe pwal achomongala mwirimwirum kana pwe repwe usun chök chomongun ekewe fün läng, pwal usun pien aroset. Iwe, mwirimwirum kana repwe nemeni fanüen ekewe chon oputeer.

Jeremaia 31:33

Nge iei ewe pwon mi fö üpwe föri ngeni chon Israel lon ekana rän: Üpwe atolonga ai kewe allük lor o makeretiu lon leluker. Iwe, üpwe ar Kot, nge ir repwe nei aramas kana.

Jeremaia 32:38

Iwe, ir repwe nei aramas, nge ngang üpwe ar Kot.

Jeremaia 51:5

Ngang Kot ewe Samol mi Unusen Manaman, üsap pöütala chon Israel me chon Juta, inamwo ika ra tipis ngeniei, ngang ewe mi Pin me lon Israel.”

Isikiel 11:20

Mürin repwe apwönüetä ai kewe allük o aleasochisi ai kewe pwüüng. Iwe, ir repwe nei aramas kana, nge ngang üpwe ar Kot.

Isikiel 36:11

Iwe, üpwe achomonga aramas me man won ewe fanü, oupwe oupwukemiitiu o chomongola. Üpwe asoi leniemi ren aramas usun lon ekewe fansoun lom, nge üpwe alapala feiöchümi seni me mwan. Mürin oupwe silei pwe ngang ewe Samol mi Lapalap.

Isikiel 36:28

Oupwe nonom lon ewe fanü üa ngeni ämi kewe lewo. Iwe, oupwe nei aramas, nge ngang üpwe ämi Kot.

Isikiel 37:27

Iwe, üpwe imweimw lefiler, ngang üpwe ar Kot, nge ir repwe nei aramas kana.

Osea 2:2

Nei, oupwe tüngormau ngeni inemi, inamwo ika i esap chüen pwülüeniei, nge ngang üsap chüen pwülüan. Oupwe tüngormau ngeni, pwe epwe ükütiu le föri föförün eman fin lisowu o emwen seni an kirikiringau.

Osea 2:23

Üpwe fotukätiu nei aramas lon ewe fanü o efefeitäär. Üpwe pwäri ai chen ngeni chokewe mi iteni ‘Esechen’ o üreni chokewe mi iteni ‘Sap nei aramas’ pwe ir ‘Nei aramas’, nge ir repwe üra, ‘En äm we Kot!’”

Sekaraia 13:9

Nge ewe eu leulüngatin mi chüen manau üpwe atolongeer lon ewe ekkeiin riaföü, pwe üpwe limetiir usun eman a limeti silifer lon ekkei, üpwe sotuniir usun eman a sotuni kolt won ekkei. Mürin repwe kökköri itei, nge ngang üpwe pälüeniir. Üpwe apasa, ‘Ämi nei aramas,’ nge ir repwe apasa, ‘Ewe Samol mi Lapalap i ach we Kot.’”

2. Korint 4:1

Iwe, pokiten än Kot tong a atolongakem lon ei angang, iei mine aisap apilükingau.

1. Timoty 1:13

Inamwo ika me lom üa kapasingau usun i, üa ariaföüü o turunufaseei. Nge Kot a eäni tong ngeniei, pun esap mwo wor ai lükülük, iei mine üsap silei mine üa föri.

1. Petrus 2:10

Me lom ousap nöün Kot aramas, nge ikenai oua nöün. Me lom ousap angei än Kot ümöümöch, nge ikenai oua angei an ümöümöch.