Osea 13:3 - Chuukese Bible

³ Iei mine repwe müttir morola usun toputopun lesosor ika amurenipwin. Repwe pwal wewe ngeni pön wiich asepwäl a ässala seni ewe lenien wichiwich umwun wiich, ika usun ötüöt mi ötüwu seni eu asammwacho.

Osea 13:3 Iomraidhean Croise

Hiop 21:18

Ifa usun, ra wewe ngeni fetilipwas mi ässila ren asepwäl, ika ngeni ekewe pön wiich mi ässila ren mölümöl?

Hiop 30:15

Eniweniw a pwölüeila, ai iteüöch a sü seniei usun asepwäl a ässala mettoch, wöüi a feil seniei usun eu kuchu.

Kölfel 1:4

Nge ekewe aramasangau resap iei usun. Pun ra wewe ngeni pipi asepwäl a ässala.

Kölfel 68:2

Usun asepwäl a ässala ötüötün ekkei, iei usun epwe ässirela. Usun kiris a telila ren ekkei, iei usun ekewe aramasangau repwe rosola me fän mesen Kot.

Aisea 17:13

Chon ekewe mwü ra wörüwör usun üngüngün chomong koluk, nge Kot a apwüngüür pwe ra süla toau. Ra usun chök pön wiich won ekewe chuk asepwäl a ässirela, pwal usun chök pipi ra ässitä ren mölümöl.

Taniel 2:35

Mürin, ewe mächä, ewe pwül, ewe piras, ewe silifer me ewe kolt ra mökküla meinisin, pwe ra wewe ngeni pön wiich lon lenien wichiwich umwun wiich lupwen fansoun leres. Iwe, asepwäl a ässirela pwe resap chüen nom. Nge ewe fau mi amökkü ewe uluulun aramas a wiliti eu chukutekia o amasoua unusen fanüfan.

Osea 6:4

Nge ewe Samol mi Lapalap a apasa, “Met üpwe föri ngenikemi, Israel me Juta? Ämi tong a usun chök eu kuchun lesosor, usun chök ewe amurenipwin a müttir morola lesosorusich.

Sefanaia 2:2

me mwen eman epwe asükemiila usun asepwäl a ässala pön wiich, me mwen epwe wareitikemi än ewe Samol mi Lapalap song mi fokun watte, pwal mwen epwe torikemi ränin än ewe Samol mi Lapalap lingeringer.

Sekaraia 8:12

Aramas repwe amwora pwükil fän kinamwe. Epwe wor uän ewe irän wain, masouen lon pwül epwe märöch, nge läng epwe apüngätiu amurenipwin. Üpwe awora ekei feiöch meinisin ngeni ekei aramas mi chüen manau, pwe repwe eäniir.