Osea 11:3 - Chuukese Bible

³ Nge ngang ätewe mi aiti chon Israel fetal. Üa ekiir o amwöchüür lepei. Nge ir resap mefi pwe ngang üa tümwünüür.

Osea 11:3 Iomraidhean Croise

Kölfel 107:20

A tinala an kapas o apöchöküleer, a amanaueer seni mäla.

Ekistos 15:26

o apasa, “Are oupwe likiitü le aüselinga mweliei ngang ewe Samol mi Lapalap ämi we Kot o föri mine a pwüng me fän mesei, are oupwe aleasochis ngeni ai kewe allük o apwönüetä ai kewe pwüüng meinisin, üsap uwato womi eu lein ekewe samau üa uwato won chon Isip, pun ngang ewe Samol mi Lapalap ämi sousafei.”

Ekistos 19:4

‘Oua fen küna mine üa föri ngeni chon Isip, pwal usun üa uweekemi usun eman ikel a uwei nöün won pöükässin o uweekemiito rei.

Ekistos 23:25

Are oupwe fel ngeniei ngang ewe Samol mi Lapalap ämi we Kot, üpwe afeiöchü enemi mongö me ünümemi koluk, üpwe pwal angei senikemi sokun samau.

Aisea 1:2

Iei alon ewe Samol mi Lapalap, “Oupwe rongorong, läng me fanüfan, mine üa apasa: Üa foleni nau kana, nge ra ü ngeniei.

Aisea 30:26

Iwe, tinen maram epwe wattela usun chök tinen akkar, nge tinen akkar epwe wattela fän fisu usun chök saramen fisu rän, lupwen ewe Samol mi Lapalap epwe filiti kinasen nöün aramas o amoola metekir a püsin ngeniir.

Aisea 46:3

Iwe, ewe Samol mi Lapalap a apasa, “Oupwe rongorong, ämi mwirimwirin Jakop, ämi chon Israel meinisin mi chüen manau. Üa amwöchükemi o tümwünükemi seni ämi uputiu.

Aisea 63:9

Püsin i a amanaueer, sap eman chon läng. Ren an chen me tong ngeniir a angaseer, a ekiretä o mwäreer lon ekewe fansoun lom.

Jeremaia 30:17

Iwe, ngang üpwe apöchökülakemi o amoela kinasemi, inamwo ika chon oputakemi ra aita ngenikemi chon pöütüla o apasa, ‘Esap wor eman a chüngü Sion.’ Ngang ewe Samol mi Lapalap üa kapas.”

Jeremaia 8:22

Ifa usun, esap wor och säfei lon Kiliat? Ifa usun, esap wor eman sousäfei ikenan? Pwota nei aramas resap chikarsefäl?

Osea 14:4

Iwe, ewe Samol mi Lapalap a üra, “Üpwe aliwinato nei aramas o tongeer seni unusen letipei, pun üsap chüen song ngeniir.

Osea 2:8

Iwe, esap mochen mefi pwe ngang ätewe mi ngeni ewe wiich, ewe wain me ewe apüra seni föün olif, üa pwal ngeni chomong silifer me kolt. Nge i a aea ekei mettoch le fel ngeni ewe anü Paal.

Osea 7:1

Iwe, ewe Samol mi Lapalap a apasa, “Iteiten fansoun, lupwen üa mochen apöchöküla nei kewe aramasen Israel o afefeitäsefäliir, üa chök küna ar föföringau me tipis. Pun ra föri föförün atuputup lefileer, ra ataelong imw o solä, ra pwal angei pisekin aramas fän pöchökül me won ekewe al.

Osea 7:15

Üa alisiir o apöchöküleer, nge ir ra chök rawangawaei.

Föför 13:18

Lon ükükün faik ier Kot a alisiir me lon fanüapö, inamwo ika ra lükümach ngeni.

Tuteronomi 1:31

Lon ewe fanüapö oua pwal küna usun ewe Samol mi Lapalap a emwenikemi lon ekewe al meinisin tori ei leni, usun eman mwän a eki nöün.’

Tuteronomi 33:27

Ewe Kot mi nom lon fansoun esemüch om lenien op, a iseni fomw pöün mi nom tori feilfeilachök. Iwe, a asüela chon oputom me mwom o ürenuk pwe kopwe aroserela meinisin.

Tuteronomi 8:2

Oupwe chechemeni usun än ewe Samol mi Lapalap ämi we Kot emwenikemiila lon ewe fanüapö lon ekewe faik ier ra la. A awarato weires womi pwe epwe atekisonakemi o sotunikemi, pwe epwe silei met mi nom lon lelukemi, ika oupwe aleasochisi an kewe allük ika ousap.