Osea 10:2 - Chuukese Bible

² Leluker a atuputup. Iei repwe angei liwinin ar tipis. Ewe Samol mi Lapalap epwe ataetiu ar kewe rongen asor o ataela ar kewe ür mi pin.

Osea 10:2 Iomraidhean Croise

1. King 18:21

Nge Elias a ütä fän mesen ekewe aramas meinisin o üra, “Ifa ükükün fansoun ämi oupwe tipemwaramwar won ruu ekiek? Are ewe Samol mi Lapalap i Kot, oupwe fel ngeni, nge are ewe anü Paal i Kot, oupwe chök fel ngeni.” Iwe, ekewe aramas resap pälüeni ngeni och kapas.

Ekistos 23:24

Nge ämi ousap chapetiu ngeni ar kewe kot are fel ngeniir, ousap pwal apirü föförür. Iwe, oupwe fokun aturala ar kewe uluulun anümwäl o atatakisi ekewe ür ra fel ngeni.

Än Salomon Fos 11:18

Eman aramasangau a angei winnen an angang nge esor iammürin, nge eman mi föri föför mi pwüng epwe angei liwinin mi nonomola.

Aisea 44:18

Iwe, ekei aramas resap silei och, resap pwal wewe ren, pun Kot a achuna meser pwe resap tongeni küna, a pwal apüngü letiper pwe resap tongeni wewe.

Jeremaia 43:13

Iwe, epwe amökkü ekewe ürefau mi pin mi nom Heliopolis lon Isip, epwe pwal kenala än ekewe koten Isip kewe imwenfel.’”

Isikiel 14:5

Üpwe föri ei, pwe üpwe elliapasefäli letipen ekewe chon Israel mi likitieila pokiten ar uluulun anümwäl.’

Osea 12:11

Nge ekewe aramas ra fel ngeni uluulun anümwäl me lon Kiliat, iei mine repwe fokun mäla. Ra eäni asor ätemwänin kow lon Kilkal, iei mine ar kewe rongen asor repwe wiliti ioien fau lon eu mälämäl mi tu.”

Osea 13:16

Ekewe aramasen Samaria repwe angei liwinin ar kewe tipis, pun ra ü ngeniei. Repwe mäla lon maun, nöür kewe semirit repwe tatakis, nge ekewe fefin mi pwopwo epwe tiletil luker.”

Osea 3:4

Iei usun chon Israel repwe nonom fansoun langatam, nge esap wor ar king ika nöür samol, resap asor, esap pwal wor ar ür mi pin, ar uluulun anümwäl me ar uluulun anün leimw.

Osea 7:8

Chon Israel ra nofit lein chon ekewe mwü. Ra wewe ngeni echö nokop esap wilik.

Lifitikos 26:30

Üpwe atai ämi kewe lenien fel won ekewe leni tekia o pökükisietiu ämi kewe rongen asoren ötüöt. Üpwe pwal moneetä inisin ämi kewe somä won ämi kewe uluulun anümwäl mi tatakis. Iwe, üpwe fokun oputakemi.

Mika 5:13

Üpwe ataela ämi kewe uluulun anümwäl o pöküetiu ämi kewe ür mi pin pwe ousap chüen fel ngeni angangen pöümi kewe.

Sefanaia 1:5

Üpwe ärala chokewe mi fel ngeni akkar me maram me ekewe fü me won ekewe imw. Üpwe pwal ärala chokewe mi fel ngeniei o eäni itei lon ar pwon fän akapel, nge ra pwal eäni iten ewe kot Milkom lon ar pwon fän akapel.

Sekaraia 13:2

Iei alon ewe Samol mi Unusen Manaman, “Lon ena fansoun üpwe ärala iten ekewe uluulun anümwäl seni ewe fanü, pwe esap chüen wor eman epwe chechemeniir. Üpwe pwal asüela ekewe soufos me ekewe ngün mi limengau seni ewe fanü.

Mateus 6:24

“Esap wor eman a tongeni angang ngeni ruoman samol. Pun epwe oput eman, nge epwe echeni ewe eman, ika epwe tipeni eman, nge epwe turunufasei ewe eman. Ousap tongeni angangepök ngeni Kot me wöün fanüfan.

Lukas 16:13

“Esap wor eman chon angang a tongeni angang ngeni ruoman samol. Pun epwe oput eman, nge epwe echeni pwal ewe eman, ika epwe tipeni eman, nge epwe turunufasei pwal ewe eman. Ousap tongeni angangepök ngeni Kot me wöün fanüfan.”

James 1:8

pun i eman aramas mi tipekinikin, a wiliwilikis lon an föför meinisin.

James 4:4

Ämi aramas mi kirikiringau! Ousap silei pwe chiechi ngeni fanüfan wewen fiu ngeni Kot? Iö a mochen chiechi ngeni fanüfan, i ewe aramas mi fiu ngeni Kot.

1. Johannes 2:15

Ousap echeni fanüfan are mettochun lon fanüfan. Pun are oua echeni fanüfan, ousap echeni ewe Sam.

1. Samuel 5:4

Nge lupwen ra pwal pwätä lesosorusichin sorotän ewe rän, ra küna pwe ar we uluulun anü Takon a chapala lepwül mwen än ewe Samol mi Lapalap we pworofel. Iwe, möküran me pöün me ruofoch ra pöküla o nom won amwüchün fän ewe asamalap, inisin chök a nom.