Biblia Todo Logo
Bìoball air-loidhne

- Sanasan -




Osea 1:7 - Chuukese Bible

7 Nge üpwe echeni ekewe chon Juta. Ngang ewe Samol mi Lapalap ar we Kot üpwe amanaueer, nge sap ren pisekin maun, ren föün esefich ika ketilas, ren oris ika chon wawa oris.”

Faic an caibideil Dèan lethbhreac




Osea 1:7
26 Iomraidhean Croise  

Mürin, Aisea a üreni ewe king Hiskia, “Ei epwe eu asisil ngonuk: Lon ei ier oupwe mongö mine a püsin mär, lon aruuen ier oupwe mongö mine a pwük seni waran, nge lon aülüngatin ier oupwe püsin fofot o kinikin, oupwe pwal tanipini irän wain o mongö seni uan.


Üpwe epeti ei telinimw seni feiengau, üpwe amanaua fän püsin itei, pwal pokiten ewe pwon üa eäni ngeni nei we chon angang Tafit.”


Iwe, lon ewe chök pwinin eman nöün ewe Samol mi Lapalap chon läng a feila o niela ipükü walik me limungeröü mwän lon ewe lenien sounfiun Asiria. Nge lupwen ekewe lusun ra pwätä lesosorusich, a chök wor somä ekis meinisin.


Iwe, lupwen ekewe chon Siria ra feitiu pwe repwe maun, Elisa a iotek, “Ai Samol mi Lapalap, üa tüngor ngonuk pwe kopwe achuna ekei aramas.” Iei mine ewe Samol mi Lapalap a achuneer, usun Elisa a tüngor lon an iotek.


Eman king esap manau ren watten an mwichen sounfiu, nge eman sounfiu esap ngasala ren an pöchökül mi lapalap.


Nge en ka amanauakem seni ekewe chon ü ngenikem o akufu chokewe mi oputakem.


Nge Moses a üreni ekewe aramas, “Ousap niuokus, oupwe üpos o nengeni usun än ewe Samol mi Lapalap amanauakemi ikenai. Pun ekewe re Isip oua küneer ikenai, ousap chüen künasefäliir.


Lon ena rän ewe Samol mi Lapalap a amanaua chon Israel seni ekewe re Isip. Iwe, ekewe chon Israel ra küna somän ekewe re Isip arosetin ewe leni.


Ellet, Kot ai Chon Amanau. Üa lükü, nge üsap niuokus. Kot ewe Samol mi Lapalap a ngeniei pöchökül me manaman. Ewer, i ai Chon Amanau.”


Nge ewe Samol mi Lapalap a witiwiti chök an epwe kirikiröch ngenikemi, a pwal molotä pwe epwe ümöümöch ngenikemi. Pun ewe Samol mi Lapalap eman Kot mi unusen pwüng. Feiöchün chokewe meinisin ra anomu ar apilükülük won.


Iwe, a apasa, “Kosap nei chök chon angang mi wisen achufengeni chon ekewe ainangen Israel o aliwinato chokewe mi chüen manau me leir. Nge üpwe pwal föri pwe kopwe eu saram fän iten chon ekewe mwü, pwe chon fanüfan meinisin repwe küna manau.”


Iei mine ewe Samol mi Lapalap epwe püsin ngenikemi eu asisil. Nengeni, eman föpwül epwe pwopwo o nöüni eman ät, nge epwe aita ngeni Emanuel .


Ir ra ürenikemi, ‘Oupwe kul seni ämi kewe lapalap mi ngau me ämi kewe föför mi ngau, pwe oupwe sopwela le nonom lon ewe fanü ewe Samol mi Lapalap a ngenikemi me ämi kewe lewo pwe oupwe fanüeni tori feilfeilachök.


Ousap fel ngeni pwal ekoch kot ika angang ngeniir, ousap pwal asonga Kot ren ämi fel ngeni ekewe uluulun anümwäl oua föri. Mürin esap afeiengauakemi.’


mürin üpwe tongeni pöütala ekewe mwirimwirin Jakop me Tafit nei chon angang. Üsap pwal filätä eman me lein mwirimwirin Tafit epwe nemeni ekewe mwirimwirin Apraham, Isaak me Jakop. Nge ngang üpwe aliwini ekewe chon oola o eäni ümöümöch ngeniir.”


Iwe, lupwen ewe nengin itan Esechen a mwü seni oup, Komer a pwal pwopwo o nöüni eman ät.


Iwe, ewe Samol mi Lapalap a apasa, “Chon Israel ra pwelifeiliei fän chofana me atuputup, nge chon Juta ra ü ngeniei, ngang ewe Kot mi Pin o allükülük.


Mürin, ewe chon läng a üreniei, “Iei alon ewe Samol mi Lapalap ngeni Serupapel: Esap fis om angang ren pöchökül, esap pwal fis ren manaman, nge epwe fis ren Ngüni. Ngang ewe Samol mi Unusen Manaman üa kapas.


Nge chokei meinisin mi nom ikei repwe silei pwe ewe Samol mi Lapalap a amanaua nöün aramas sap ren ketilas me siles. Pun ewe maun än ewe Samol mi Lapalap, nge i epwe atolongakemi meinisin fän nemeniem.”


Lean sinn:

Sanasan


Sanasan