Osea 1:10 - Chuukese Bible

¹⁰ Nge iteiten ekewe chon Israel repwe wewe ngeni ekewe föün pien aroset esap tongeni aükük ika lea. Iwe, iei Kot a üreniir, “Ämi ousap nei aramas.” Nge epwe war ewe fansoun epwe üreniir, “Ämi nöün Kot ewe mi Manau.”

Osea 1:10 Iomraidhean Croise

Keneses 13:16

Üpwe achomonga mwirimwirum kana usun pien aroset. Iwe, are eman a tongeni aleani pien aroset, epwe pwal tongeni aleani mwirimwirum.

Keneses 22:17

ngang üpwe fokun afeiöchuk, üpwe pwal achomongala mwirimwirum kana pwe repwe usun chök chomongun ekewe fün läng, pwal usun pien aroset. Iwe, mwirimwirum kana repwe nemeni fanüen ekewe chon oputeer.

Keneses 32:12

Nge en ka pwon ngeniei pwe kopwe atoto feiöch woi o achomonga mwirimwiri usun pien aroset pwe esap wor eman a tongeni aleaniir pokiten chomonguur.”

2. Samuel 7:24

Iwe, ka filätä ekewe aramasen Israel, pwe repwe noum tori feilfeilachök. Nge en, ai Samol mi Lapalap, ka wiliti ar Kot.

Aisea 43:6

Iwe, üpwe apasa ngeni efeng, ‘Kopwe aliwinireto,’ üpwe pwal apasa ngeni ör, ‘Kosap amwöchüür.’ Oupwe aliwinato nei kewe alüal seni ekewe fanü mi toau, pwal nei kewe föpwül seni lesopun fanüfan.

Aisea 48:19

Iwe, noum kewe repwe wewe ngeni pien aroset, nge mwirimwirum kana repwe chomong usun chomongun föün pi. Iwe, iter esap fokun mola ika talüla seni fän mesei.”

Aisea 63:16

Nge en Semelapem, inamwo are Apraham esap silekem, ika Jakop esap ekieki usum. Äm Samol mi Lapalap, en semelapem, en äm Chon Amanau, iei itom seni chök lomlom.

Aisea 64:8

Äm Samol mi Lapalap, en Semelapem. Äm ai usun chök pwül, nge en ka usun chök ewe chon föri sepi. Äm meinisin förien poum.

Aisea 65:1

Iwe, ewe Samol mi Lapalap a apasa, “Üa pwäriei ngeni chokewe resap ais usi, nge chokewe resap küttaei ra künaei. Üa apasa ngeni chon eu mwü resap köri itei, ‘Ngang iei, ngang iei.’

Aisea 66:20

Iwe, repwe uwato pwimi kewe seni mwün fanüfan meinisin, pwe eu lifang ngeniei. Repwe uweereto won chuki mi pin lon Jerusalem won oris me woken, won lenien keki, pwal won aas me kamel, usun chon Israel ra uwato ar asoren mongö lon sepi mi limöch lon imwei mi pin.

Jeremaia 33:22

Usun ekewe fün läng resap tongeni lea, pwal usun ekewe föün pien aroset resap tongeni aükük, iei usun üpwe achomonga ekewe mwirimwirin Tafit nei chon angang me ekewe souasor seni ewe ainangen Lefi mi angang ngeniei.”

Taniel 6:26

Üa apwüngala eu allük, pwe aramas meinisin mi nom fän nemeniei repwe niueiti o meniniti än Taniel we Kot. Pun i ewe Kot mi Manau a nom tori feilfeilachök, mwün esap tala, an nemenem esap pwal müchüla.

Osea 1:9

Mürin, ewe Samol mi Lapalap a üreni Osea, “Kopwe aita ngeni ewe ät ‘Sap Nei Aramas’. Pun ämi chon Israel ousap nei aramas, nge ngang üsap ämi Kot.”

Osea 2:23

Üpwe fotukätiu nei aramas lon ewe fanü o efefeitäär. Üpwe pwäri ai chen ngeni chokewe mi iteni ‘Esechen’ o üreni chokewe mi iteni ‘Sap nei aramas’ pwe ir ‘Nei aramas’, nge ir repwe üra, ‘En äm we Kot!’”

Johannes 1:12

Nge iö kana ra etiwa o lükü i a ngeniir manaman pwe repwe wiliti nöün Kot.

Nöün Paulus Toropwe ngeni ekewe Souläng lon Rom 8:19

Förien Kot kewe meinisin ra fokun ösüküsükü pwe Kot epwe pwärala nöün kana.

2. Korint 6:18

Ngang üpwe sememi, Nge ämi oupwe nei mwän me nei fefin, iei alon ewe Samol mi Unusen Manaman.”

Ipru 11:12

Inamwo ika Apraham a usun chök eman mi mäla, seni ei chök eman mwän a wor chomong mwirimwirin usun chomongun ekewe fü, pwal usun chomongun ekewe pien aroset.