Nehemia 9:6 - Chuukese Bible

⁶ Mürin, ekewe aramasen Israel ra eäni ei iotek, “En Kot, en chök ewe Samol mi Lapalap. Ka föri läng, ekewe sässärin läng mi fokun tekia, pwal mettochun lon meinisin. Ka föri fanüfan me meinisin mine a nom won, ekewe matau me masouen lor meinisin. En ka pwal ngeniir meinisin ar manau. Iwe, ekewe chon läng meinisin ra fel ngonuk.

Nehemia 9:6 Iomraidhean Croise

Keneses 1:1

Lepopun Kot a föri läng me fanüfan.

Keneses 1:9

Mürin, Kot a pwal apasa, “Lölön pekitiu repwe chufengen lon lenier pwe epwe pwä lenien pwasapwas.” Iwe, a pwal fis.

Keneses 2:1

Iei usun Kot a awesala läng me fanüfan me meinisin mine a wor lor.

Keneses 32:2

Nge lupwen Jakop a küneer, a apasa, “Ikei nöün Kot kewe mwichen sounfiu.” Iei mine a aita ngeni ewe leni Mahanaim .

1. King 22:19

Mikaia a sopwela le kapas, “Iei kopwe aüselinga alon ewe Samol mi Lapalap: Üa küna ewe Samol mi Lapalap pwe a mot won an lenien motun king, nge unusen ewe mwichen chon läng ra ütä ünükün.

1. King 8:27

Nge ifa usun en, äm Kot, kopwe wesewesen tongeni imweimw won fanüfan? Nengeni, kosap kuch lon läng pwal lon ewe läng mi unusen tekia. Ifa usun, kopwe tongeni kuch lon ei imwenfel üa aüetä?

2. King 19:15

Hiskia a iotek ngeni ewe Samol mi Lapalap o üra, “Ai Samol mi Lapalap ewe Koten Israel, ka mot won ewe lenien motun king asen ekewe kerop. En chök ewe Koten ekewe mwü meinisin won fanüfan, ka pwal föri läng me fanüfan.

2. King 19:19

Nge iei, ai Kot Samol mi Lapalap, üa tüngor ngonuk, kopwe amanauakem seni Sanherip, pwe chon ekewe mwün fanüfan meinisin repwe silei pwe en chök Kot ewe Samol mi Lapalap.”

Nehemia 9:5

Mürin, ekewe mwän seni ewe ainangen Lefi Jesua, Katmiel, Pani Hasapneia, Serepia, Hotia, Sepania me Petaia ra apasa, “Oupwe ütä o mwareiti ewe Samol mi Lapalap ämi we Kot tori feilfeilachök. Oupwe mwareiti itan mi ling, a tekia seni ekewe feiöch meinisin me mine aramas ra mwareiti.”

Kölfel 102:25

Me lomlom en ka föri longolongun fanüfan, nge ekewe läng förien poum kana.

Kölfel 103:21

Oupwe mwareiti ewe Samol mi Lapalap, ämi chon an kewe mwich meinisin lon läng, ämi nöün kewe chon angang mi föri letipan.

Kölfel 115:15

Amwo oupwe feiöch me ren ewe Samol mi Lapalap, ewe mi föri läng me fanüfan.

Kölfel 124:8

Alilisich a feito seni ewe Samol mi Lapalap, ewe mi föri läng me fanüfan.

Kölfel 146:6

ewe mi föri läng me fanüfan, pwal ewe matau me meinisin mine a nom lor. Ewe Samol mi Lapalap a allükülük tori feilfeilachök,

Kölfel 24:10

Iö ei king mi ling? Ewe Samol mi Unusen Manaman, i ewe king mi ling.

Kölfel 33:6

Ewe Samol mi Lapalap a afisi ekewe läng ren an kapas, nge akkar, maram me fü kana ra fisitä ren mine a apasa.

Kölfel 36:6

Om pwüng a tekia usun chök ekewe chuk, nge om kapwüng a usun chök matau mi alolol. Ai Samol mi Lapalap, ka tümwünü aramas me man.

Kölfel 86:10

Pun en ka tekia, ka föri mettoch mi amwarar, en echök Kot.

Aisea 37:16

“Ai Samol mi Unusen Manaman, en ewe Koten Israel, ka mot won eu lenien motun king asen ekewe Kerop. En chök Koten ekewe mwü meinisin won fanüfan, ka pwal föri läng me fanüfan.

Aisea 37:20

Nge iei, ai Kot, Samol mi Lapalap, kopwe amanauakem seni Sanherip, pwe chon ekewe mwün fanüfan meinisin repwe silei pwe en chök Kot ewe Samol mi Lapalap.”

Aisea 43:10

Iwe, ewe Samol mi Lapalap a apasa, “Ämi chon Israel, ämi nei chon pwärätä pwal nei chon angang. Üa afilikemi pwe oupwe sileei o lüküei, oupwe pwal weweiti pwe ngang chök Kot. Esap wor eman Kot mi fis mwei, esap pwal wor eman epwe fis me müri.

Aisea 44:6

Iei alon ewe Samol mi Lapalap, ewe Kingen Israel me an Chon Amanau, ewe Samol mi Unusen Manaman, “Ngang chök Kot ewe Aemanün me Amüchülan, esap wor eman Kot lüki.

Aisea 44:8

Nei aramas, ousap fokun niuokus. Ifa usun, üsap aiti ngenikemi seni me lomlom tori ikenai o pwärätä ngenikemi meinisin mine epwe fis? Ämi nei chon pwärätä. Ifa usun, a wor eman Kot lüki? Apwi, esap fokun wor eu Achau lüki. Üsap silei eu.

Aisea 45:12

Ngang üa föri fanüfan, üa pwal föri aramasen won. Iwe, ren ai manaman üa ameresala läng, üa pwal nemeni akkar, maram me fü kana.

Jeremaia 32:17

‘Ai Kot Samol mi Lapalap! En ewe mi föri läng me fanüfan ren om manaman mi watte pwal ren poum mi pöchökül. Esap wor och mine a weires ngonuk.

Isikiel 20:11

Üa ngeniir ai kewe allük o aiti ngeniir ai kewe pwüüng, pwe chokewe mi aleasochisiir repwe manau.

Sona 1:9

Sona a pälüeniir, “Ngang eman re Ipru. Üa fel ngeni ewe Samol mi Lapalap, ewe Koten läng mi föri matau me fanü.”

Johannes 10:30

Ngang me Semei eman chök.”

Föför 4:24

Iwe, lupwen ekewe chon lükü ra rong ei pworaus, ir meinisin ra tipeeufengen le iotek ngeni Kot: “Äm Samol, en ka föri läng me fanüfan me matau o meinisin mine a nom lor!

Tuteronomi 10:14

Ewe läng mi fokun tekia pwal fanüfan me masouan meinisin än ewe Samol mi Lapalap ämi we Kot.

Tuteronomi 32:39

Iei oupwe mefi pwe fokun ngang chök ewe Kot, esap wor eman kot ünüki. Ngang üa niela, üa pwal amanaua, üa akinasa, üa pwal amoela. Esap wor eman a tongeni ettiwu me lepei.

Tuteronomi 6:4

Kopwe aüseling Israel: Ewe Samol mi Lapalap ach Kot i chök ewe Samol mi Lapalap.

Ipru 1:3

A lingeni lingen Kot o wesewesen lapalapeni lapalapen Kot. A anükünüköchü mettoch meinisin ren an kapas mi manaman. Mürin an awesala amusamusen än chon fanüfan tipis, a mottiu lepelifichin Kot lon läng, i ewe mi manaman seni meinisin.

Ipru 1:6

Nge lupwen Kot ekärän tinato Nöün mwänichi lon ei fanüfan, a apasa, “Nöün Kot kewe chon läng meinisin repwe fokun fel ngeni.”

Pwärätä 14:7

A apasa ren mwelian mi leüömong, “Oupwe asamolu Kot o mwareiti an tekia! Pun a war ewe fansoun pwe epwe apwüngü chon fanüfan. Oupwe fel ngeni ewe mi föri läng me fanüfan, matau me ekewe lenien puächen koluk!”

Pwärätä 4:11

“Ach Samol me ach Kot, en ka fich ngeni om kopwe angei ling me iteüöch me manaman. Pun ka föri mettoch meinisin, nge ren letipom ra fis o manau.”