Nehemia 9:5 - Chuukese Bible

⁵ Mürin, ekewe mwän seni ewe ainangen Lefi Jesua, Katmiel, Pani Hasapneia, Serepia, Hotia, Sepania me Petaia ra apasa, “Oupwe ütä o mwareiti ewe Samol mi Lapalap ämi we Kot tori feilfeilachök. Oupwe mwareiti itan mi ling, a tekia seni ekewe feiöch meinisin me mine aramas ra mwareiti.”

Nehemia 9:5 Iomraidhean Croise

1. King 8:14

Iwe, ekewe aramasen Israel meinisin ra ütä, nge ewe king a kulu ngeniir o afeiöchüür.

1. King 8:15

Mürin a apasa, “Üpwe mwareiti ewe Samol mi Lapalap, ewe Koten Israel, mi apwönüetä mine a eäni pwon ngeni Tafit semei we, lupwen a üra,

1. King 8:22

Mürin, Salomon a ütä mwen än ewe Samol mi Lapalap we rongen asor me fän mesen unusen ewe mwichen chon Israel. Iwe, a aitietä pöün läng

1. King 8:27

Nge ifa usun en, äm Kot, kopwe wesewesen tongeni imweimw won fanüfan? Nengeni, kosap kuch lon läng pwal lon ewe läng mi unusen tekia. Ifa usun, kopwe tongeni kuch lon ei imwenfel üa aüetä?

1. Kronika 16:36

Oupwe mwareiti ewe Samol mi Lapalap ewe Koten Israel seni fansoun esepop tori fansoun esemüch.” Mürin, ekewe aramas ra apasa, “Amen”, o mwareiti ewe Samol mi Lapalap.

1. Kronika 29:11

Ai Samol mi Lapalap, en ewe mi tekia me manaman me ling me pwora me iteföüla. Pun meinisin mine a nom lon läng pwal won fanüfan om. Ai Samol mi Lapalap, om chök ewe mwü, en ka tekia o nemeni meinisin.

1. Kronika 29:13

Iei äm aia kilisou ngonuk, äm Kot, aia pwal mwareiti itom mi ling.

1. Kronika 29:20

Mürin, Tafit a üreni ewe mwichen aramas meinisin, “Oupwe mwareiti ewe Samol mi Lapalap ämi we Kot.” Iwe, unusen ewe mwichen aramas ra mwareiti ewe Samol mi Lapalap än ar kewe lewo we Kot, ra rotiu o fel ngeni ewe Samol mi Lapalap, ra pwal asamolu ewe king.

2. Kronika 20:13

Iwe, ekewe re Juta meinisin, pwülüer me nöür kewe ra ütä me fän mesen ewe Samol mi Lapalap.

2. Kronika 20:19

Iwe, ekewe mwän seni ewe ainangen Lefi seni än Kohat me än Kora kewe cho ra ütä o kölün mwareiti ewe Samol mi Lapalap ewe Koten Israel fän leüömong.

Esra 3:11

Iwe, ra kölün mwareiti ewe Samol mi Lapalap o kilisou ngeni, “Ewe Samol mi Lapalap a kirikiröch, an tong ellet ngeni chon Israel a nonom tori feilfeilachök.” Iwe, ekewe aramas ra leüömong le kökkö, lupwen ra mwareiti ewe Samol mi Lapalap, pun a fis longolongun ewe imwenfel.

Nehemia 9:4

Mi wor eu leni mi ekis tekia fän iten ekewe mwän seni ewe ainangen Lefi, ia Jesua, Pani, Katmiel, Sepania, Puni, Serepia, Pani me Chenani ra ütä ie. Ra leüömong le iotek ngeni ewe Samol mi Lapalap ar we Kot.

Nehemia 9:6

Mürin, ekewe aramasen Israel ra eäni ei iotek, “En Kot, en chök ewe Samol mi Lapalap. Ka föri läng, ekewe sässärin läng mi fokun tekia, pwal mettochun lon meinisin. Ka föri fanüfan me meinisin mine a nom won, ekewe matau me masouen lor meinisin. En ka pwal ngeniir meinisin ar manau. Iwe, ekewe chon läng meinisin ra fel ngonuk.

Hiop 1:21

Iwe, a apasa, “Üa selela lupwen üa towu seni letipen inei, üpwe pwal selelasefäl lupwen ai üpwe towu seni fanüfan. Ewe Samol mi Lapalap a fangoto, ewe Samol mi Lapalap a angeesefäli, üpwe mwareiti ewe Samol mi Lapalap.”

Kölfel 106:2

Iö a tongeni apworausa än ewe Samol mi Lapalap föför mi manaman? Iö a tongeni anafa an mwareiti i?

Kölfel 134:1

Oupwe feito, oupwe mwareiti ewe Samol mi Lapalap, ämi nöün chon angang meinisin, ämi mi angang ngeni lon imwan lepwin.

Kölfel 145:2

Iteiten rän üpwe mwareituk o alinga itom tori feilfeilachök.

Kölfel 145:5

Repwe kapas usun lingen om tekia, nge ngang üpwe ekinlonei usun amwararen om kewe föför.

Kölfel 146:2

Üpwe mwareiti ewe Samol mi Lapalap lon unusen manauei. Üpwe kölün mwareiti ai Kot lupwen fansoun ai manau.

Kölfel 16:2

Üa kapas ngeni ewe Samol mi Lapalap, “En chök ai Samol. Esap wor ai feiöch lükün en.”

Kölfel 66:2

oupwe kölü lingen itan o fokun mwareiti i.

Kölfel 99:3

Aramas meinisin repwe mwareiti itan mi tekia o eniwokus. Kot a pin.

Ekistos 15:11

Ai Samol mi Lapalap, iö a wewe ngonuk lein ekewe kot? Iö a wewe ngonuk lon om pin mi tekia, pwal lon om föför mi ling o eniwokus me lon om föri manaman?

Ekistos 15:6

Ai Samol mi Lapalap, pöüifichum a lingela lon an manaman. Ai Samol mi Lapalap, pöüifichum a atatakisi chon oputok.

Taniel 2:20

Iwe, a apasa, “Üpwe mwareiti Kot tori feilfeilachök, pun i a eäni tipachem me manaman.

Mateus 11:25

Iwe, lon ena fansoun Jesus a apasa, “Semei, en Samolun läng me fanüfan, üa kilisou ngonuk, pun ka amonomona ekei mettoch seni ekewe mi tipachem me silelap, nge ka pwärala ngeni ekewe tipate.

2. Korint 4:6

Pun Kot, ewe mi apasa, “Saram epwe tinewu seni lon rochopwak”, i chök ewe Kot mi asarama letipem o ngenikem ewe saram, pwe aipwe silei usun än Kot we ling mi pwä won mesen Kraist.

Tuteronomi 28:58

Iwe, are ousap tümwünüöchü le föri ekei allük meinisin mi mak lon ei puk, are ousap pwal meniniti iten ewe Samol mi Lapalap ämi we Kot, ewe it mi ling o eniweniw,

1. Petrus 1:3

Ousipwe mwareiti Kot ewe Semen ach Samol Jesus Kraist! Pun lon an tong mi lapalap a aupusefälikich ren än Jesus Kraist manausefäl seni mäla. Ei a aurakich ren eu apilükülük mi manau,

Soukapwüng 13:18

Nöün ewe Samol mi Lapalap we chon läng a pälüeni, “Pwota ka ais itei? Pun itei a men amwarar.”