Nehemia 9:4 - Chuukese Bible

⁴ Mi wor eu leni mi ekis tekia fän iten ekewe mwän seni ewe ainangen Lefi, ia Jesua, Pani, Katmiel, Sepania, Puni, Serepia, Pani me Chenani ra ütä ie. Ra leüömong le iotek ngeni ewe Samol mi Lapalap ar we Kot.

Nehemia 9:4 Iomraidhean Croise

2. Kronika 20:19

Iwe, ekewe mwän seni ewe ainangen Lefi seni än Kohat me än Kora kewe cho ra ütä o kölün mwareiti ewe Samol mi Lapalap ewe Koten Israel fän leüömong.

Nehemia 12:8

Ikkei ir ekewe mwän seni ewe ainangen Lefi: Jesua, Pinui, Katmiel, Serepia, Juta me Matania, nge Matania fiti märärin kewe ra wisen chietä ekewe kölün kilisou.

Nehemia 3:17

Ikkei iten ekewe mwän seni ewe ainangen Lefi mi senisefälietä ekoch kinikinin ewe tit: Rehum nöün Pani we mwän a senisefälietä ewe kinikin ünükün senien Nehemia. Nge Hasapia ewe sounemenemen esopun ewe fanü Keila, a senisefälietä ewe kinikin ünükün fän iten aramasen fanüan.

Nehemia 8:4

Nge Esra a ütä won eu lenien afalafal mi för seni irä, ra föri fän iten ei popun. Iwe, Matitia, Sema, Anaia, Uria, Hilkia me Maseia ra ü ünükün me lepelifichin. Nge Petaia, Misael, Malkia, Hasum, Haspatana, Sekaria me Mesulam ra ü ünükün me lepelimöngün.

Nehemia 8:7

Mürin, ekewe aramas ra ütä lon en me lenian, nge ekewe mwän seni ewe ainangen Lefi iter Jesua, Pani, Serepia, Jamin, Akup, Sapetai, Hotia, Maseia, Kelita, Asaria, Josapat, Hanan me Pelaia ra awewei ngeniir ewe allük.

Nehemia 9:5

Mürin, ekewe mwän seni ewe ainangen Lefi Jesua, Katmiel, Pani Hasapneia, Serepia, Hotia, Sepania me Petaia ra apasa, “Oupwe ütä o mwareiti ewe Samol mi Lapalap ämi we Kot tori feilfeilachök. Oupwe mwareiti itan mi ling, a tekia seni ekewe feiöch meinisin me mine aramas ra mwareiti.”

Kölfel 130:1

Ai Samol mi Lapalap, üa siö ngonuk seni lon ekewe leni mi alolol.

Kölfel 3:4

Üa leüömong le siö ngeni ewe Samol mi Lapalap, nge i a pälüeniei seni chukun mi pin.

Kölfel 77:1

Üa siö ngeni Kot fän leüömong, üa siö ngeni Kot fän leüömong pwe epwe aüselingaei.

Kölün kechü 3:8

Üa resin leüömong le siö ngeni Kot pwe epwe alisiei, nge esap aüselinga ai iotek.

Johannes 11:43

Mürin an apasa ekei kapas, a kökkö fän mwelian mi leüömong, “Lasarus, kopwe towu!”

Föför 7:60

Mürin a fotopwäsuketiu o kökkö fän leüömong, “Ai Samol, kopwe amusala ei tipis ra föri ngeniei.” Mürin an apasa ei a mäla.