Nehemia 9:38 - Chuukese Bible

³⁸ Pokiten ekei mettoch mi fis, äm ekewe chon Israel aia föri eu pwon mi nükünük o makeetiu kapasan, nge äm kewe samol, nöüm kewe mwän seni ewe ainangen Lefi me nöüm souasor ra saini iter won o impwangei.

Nehemia 9:38 Iomraidhean Croise

2. King 23:3

Nge ewe king a ütä lon lenian ren ewe ür o eäni eu pwon me fän mesen ewe Samol mi Lapalap, pwe epwe aleasochis ngeni ewe Samol mi Lapalap o apwönüetä an kewe allük me pwüüng ren unusen lelukan me unusen ngünün. Epwe pwal föri pwüngün kapasen ewe pwon mi mak lon ei puk. Iwe, ekewe aramas meinisin ra tipeeu pwe repwe eti le apwönüetä ewe pwon.

2. Kronika 23:16

Iwe, ewe souasor Jehoiata a föri eu pwon lefilen i me ekewe aramas meinisin pwal ewe king, pwe ir repwe nöün ewe Samol mi Lapalap aramas.

2. Kronika 29:10

Iwe, iei ekiekin lelukei, pwe üpwe föri eu pwon ngeni ewe Samol mi Lapalap ewe Koten Israel, pwe esap chüen song ngenikich.

2. Kronika 34:31

Nge ewe king a ütä lon lenian ren ewe ür o eäni eu pwon me fän mesen ewe Samol mi Lapalap, pwe epwe aleasochis ngeni ewe Samol mi Lapalap o apwönüetä an kewe allük me pwüüng ren unusen lelukan me unusen ngünün. Epwe pwal föri pwüngün kapasen ewe pwon mi mak lon ei puk.

Esra 10:3

Iei mine aipwe föri eu pwon ngeni äm we Kot pwe aipwe pöütala pwülüem kei fin ekis me nöür kewe, usun en äm samol ka öüröüra ngenikem me chokewe mi niuokusiti än äm we Kot kewe allük. Äm aipwe föri usun mine a mak lon än Kot kewe allük.

Nehemia 10:1

Iwe, ikkei iten chokewe mi saini iter: Ewe kepina Nehemia nöün Hakalia we mwän me Setekia.

Nehemia 10:29

aia chufengen me äm kewe souemwen le pwon fän akapel. Aia pwon fän akapel pwe aipwe apwönüetä än Kot we allük Moses nöün Kot we chon angang a ngenikem, aipwe pwal aleasochisi än ewe Samol mi Lapalap äm we Samol kewe allük me pwüüng meinisin. Nge iö kana ra atai ei pwon repwe anümamau.

Aisea 44:5

Iwe, eman epwe apasa, ‘Ngang nöün ewe Samol mi Lapalap,’ eman epwe püsin aita ngeni pwe i mwirimwirin Jakop, nge pwal eman epwe makei won pöün ‘Ngang nöün ewe Samol mi Lapalap’ o püsin achuolong lon ewe mwichen chon Israel.”

Mateus 27:66

Iei mine ra feila o pwauni won ewe fau, ra pwal likitätiu ekewe sounfiu pwe repwe mamasa.