Nehemia 9:37 - Chuukese Bible

³⁷ Iwe, uän ewe fanü mi watte a tori ekewe king, en ka awiseer pwe repwe nemenikem pokiten aia tipis. Ra pwal nemeni inisim me nöüm kewe man usun ar mochen, nge äm aia nom lon riaföü watte.”

Nehemia 9:37 Iomraidhean Croise

Esra 4:13

Iei aia mochen asile ngonuk, en äm king, pwe ika ei telinimw epwe kaüsefäl o tittin kewe repwe wesila, ekewe aramas resap chüen mönätiu ar kewe sokopaten takises, nge än ewe king moni tolong epwe kisikisila.

Esra 6:8

Nge üa pwal föri eu allük usun mine oupwe föri ngeni ekei souakomwen chon Juta fän iten kaüsefälin ei imwen Kot. Ewe liwin epwe unus ngeni ekei mwän. Epwe towu seni än ewe king lenien iseis moni seni takisesin ewe fanü lotoun ewe chanpupu Oifrat, pwe ewe angang esap kaüla.

Esra 7:24

Üa pwal asile ngenikemi pwe esap wor eman a tongeni angei ekewe sokopaten takises seni ekewe souasor, seni chon ewe ainangen Lefi, ekewe chon köl, ekewe chon mamasa asamalapen imwenfel, ekewe chon angang ngeni ewe imwenfel ika pwal seni ekewe ekoch chon angang ngeni ei imwen Kot.

Nehemia 5:8

Üa üreniir, “Ükükün äm tongeni äm aia mönisefäli pwim kewe chon Juta mi püsin amömörela ngeni chon ekewe mwü. Nge ämi oua fen ariani pwimi kewe, pwe repwe püsin amömörela ngenikemi.” Iwe, ekewe aramas tekia ra fanafanala, pun resap tongeni pälüeni och.

Kölün kechü 5:5

Ra achouu ngenikem och wosochou o appakem fän wok. Aia malülü, nge resap mwüt ngenikem pwe aipwe asösö.

Lifitikos 26:17

Üpwe ü ngenikemi, nge oupwe kuf ren chon oputakemi. Chokewe mi oputakemi repwe nemenikemi. Iwe, ämi oupwe sü, ngei esap wor eman a tapwerikemi.

Johannes 8:33

Iwe, ra pölüeni, “Äm aia mwirimwirin Apraham, esap fokun wor eman a nöünikem amanau. Met wewen om apasa, ‘Ämi oupwe ngasala?’”

Tuteronomi 28:33

Chon eu mwü ousap sileer me mwan repwe mongö uän fanüemi me uän ämi angang meinisin. Iwe, repwe chök ariaföüükemi o atatakisikemi fansoun meinisin,

Tuteronomi 28:39

Oupwe fotuki irän wain o angang ngeniir, nge ousap ioni föür ika ünümi chönün uar, pun muun repwe chök eni.

Tuteronomi 28:48

Iei mine ewe Samol mi Lapalap epwe tinato remi chon oputemi, pwe oupwe angang ngeniir fän echik me kaka, fän selela me osupwangen mettoch meinisin. Iwe, Kot epwe anomu won üemi efoch waas seni mächä tori epwe arosakemiila.

Tuteronomi 28:51

Iwe, repwe ochei nienifön nöümi pwiin kow o eni uän ämi pwül, nge ämi oupwe mäla ren echik. Resap pwal likiti fän itemi wiich, wain ika apüra, nienifön nöümi pwiin kow ika nöümi pwiin sip, tori ra arosakemiila.