Nehemia 9:35 - Chuukese Bible

³⁵ Pwal lupwen ra nemenem lon mwür o pwapwaäsini ekewe feiöch ra angei senuk me lon ewe fanü mi watte o pwülüöch ka ngeniir, ir resap kul seni ar kewe föför mi ngau o angang ngonuk.

Nehemia 9:35 Iomraidhean Croise

Nehemia 9:25

Iwe, ra liapeni telinimw mi pöchökül tittir me fanü mi mürina o imweni ekewe imw mi ur ren mettoch mi mürina. Ra eäni ekewe chönüttu o tanipini ekewe tanipin wain me olif, pwal chomong sokopaten irä mi ua. Ra mongö o möt, ra pwal kitinupula. Ra fokun pwapwa ren ekewe mettoch mi mürina ka lifang ngeniir.

Nehemia 9:34

Äm kewe king me samol, äm kewe souasor me äm kewe lewo resap apwönüetä om kewe allük ika afäli om kewe pwüüng me om kewe kapasen fön ka ngeniir.

Aisea 63:7

Iwe, üpwe apworausa usun än ewe Samol mi Lapalap tong me ümöümöch, üpwe mwareiti an föför ngenikich, üpwe pwal pworaus usun an kirikiröch mi lapalap a eäni ngeni chon Israel lon an tong me ümöümöch mi somwola.

Jeremaia 5:19

Iwe, lupwen ekewe aramas repwe ais, ‘Pwota ewe Samol mi Lapalap ach we Kot a föri ngenikich ekei mettoch meinisin?’, mürin en Jeremaia kopwe üreniir, ‘Usun oua likitala Kot o angang ngeni pwal ekoch koten ekis me lon fanüemi, iei usun ämi oupwe angang ngeni chon ekis me lon eu fanü sap fanüemi.’

Isikiel 5:6

Nge Jerusalem a ü ngeni ai kewe allük me pwüüng lap seni ekewe mwü mi nom ünükün. A pöütala ai kewe allük o aleasolap ngeni ai kewe pwüüng.

Tuteronomi 28:47

Iwe, ewe Samol mi Lapalap ämi we Kot a afeiöchükemi ren chomong feiöch, nge ämi ousap angang ngeni fän meseik me pwapwan lelukemi.

Tuteronomi 28:48

Iei mine ewe Samol mi Lapalap epwe tinato remi chon oputemi, pwe oupwe angang ngeniir fän echik me kaka, fän selela me osupwangen mettoch meinisin. Iwe, Kot epwe anomu won üemi efoch waas seni mächä tori epwe arosakemiila.

Tuteronomi 31:21

Nge lupwen chomong feiengau me riaföü repwe toriir, ei köl epwe ü ngeniir usun eman chon pwärätä pwe mwirimwirir kana resap fokun manlükala. Pun mwen ai emwenirela lon ewe fanü üa pwon fän akapel pwe üpwe ngeniir, üa fen silei ar ekiek ra ekiekietä.”