Nehemia 9:33 - Chuukese Bible

³³ Nge en ka pwüng won meinisin mine ka föri ngenikem. En ka allükülük ngenikem, nge äm aia tipis ngonuk.

Nehemia 9:33 Iomraidhean Croise

Keneses 18:25

Ese tufich om kopwe föri ina usun, pwe kopwe niela ekewe chon pwüng fiti chon pwüngingau, pwe chon pwüng repwe chök wewe ngeni chon pwüngingau. Ese tufich om kopwe föri ina usun. Ifa usun, ewe Souapwüngün unusen fanüfan esap eäni apwüng fän pwüng?”

Esra 9:15

Ai Samol mi Lapalap Koten Israel, en ka pwüng, nge ka mwüt ngenikem pwe aia chüen manau. Äm aia pwärätä äm tipis ngonuk. Esap tufich ngenikem pwe aipwe feito fän mesom.”

Nehemia 9:34

Äm kewe king me samol, äm kewe souasor me äm kewe lewo resap apwönüetä om kewe allük ika afäli om kewe pwüüng me om kewe kapasen fön ka ngeniir.

Nehemia 9:8

Ka küna pwe a allükülük ngonuk, ka föri eu pwon ngeni pwe kopwe ngeni mwirimwirin kana ewe fanüen chon Kaanan, chon Hit, chon Amor, chon Peris, chon Jepus me chon Kirkas, pwe repwe fanüeni. En ka apwönüetä om we pwon, pun ka pwüng.

Hiop 33:27

Iwe, epwe feito fän mesen aramas o pwärätä, ‘Üa tipis o tok seni mine a pwüng, nge Kot esap liwini ngeniei.

Hiop 34:23

Kot esap afata eu fansoun inet aramas repwe feito fän mesan pwe epwe eäni kapwüng ngeniir.

Kölfel 106:6

Äm aia tipis usun chök äm kewe lewo. Äm aia föri föför mi ngau o apwönüetä föför esepwüng.

Kölfel 119:137

Ai Samol mi Lapalap, en ka pwüng, nge om kewe kapwüng ra pwüng.

Kölfel 145:17

Ewe Samol mi Lapalap a pwüng lon meinisin mine a föri o kirikiröch lon an kewe föför meinisin.

Ekistos 32:31

Mürin, Moses a liwinsefälitä ren ewe Samol mi Lapalap o üreni, “Üa lolilen, pun ekei aramas ra föri eu tipis mi lapalap. Ra föri kot fän iter seni kolt.

Jeremaia 12:1

Ai Samol mi Lapalap, lupwen üa uwato ai osukosuk fän mesom, a pwä pwe en ka pwüng. Nge iei üa mochen pwe sipwe kakapasfengen won pwüngün kapwüng. Pwota ekewe aramasangau ra pisekisekila? Pwota chokewe meinisin resap allükülük ra fefeitä?

Jeremaia 44:3

pokiten ekewe föför mi ngau ekewe aramas ra föriir. Ra asongaei ren ar keni apach mi pwokus, pwal ren ar fel ngeni pwal ekoch kot, ir me ämi pwal ämi kewe lewo ousap fel ngeniir me mwan.

Kölün kechü 1:18

Ewe Samol mi Lapalap a pwüng, nge ngang üa aleasolap ngeni an kapas. Oupwe aüseling, ämi chon ekewe mwü meinisin, oupwe nenengeni ai riaföü. Nei kewe föpwül me nei kewe alüal ra oola.

Isikiel 11:12

Mürin ämi oupwe silei pwe ngang ewe Samol mi Lapalap. Pun ousap apwönüetä ai kewe allük, ousap pwal aleasochisi ai kewe pwüüng, nge oua tümwünü allükün ekewe mwü mi nom ünükümi.”