Nehemia 9:30 - Chuukese Bible

³⁰ Chomong ier ka mosonotam ngeniir, ka ngeni noum kewe soufos Ngünum pwe repwe tongeni fönöör, nge resap mochen aüselinga. Iei mine ka atolongeer fän nemenien ekoch mwü.

Nehemia 9:30 Iomraidhean Croise

2. King 18:11

Ewe kingen Asiria a uweela ekewe chon Israel ngeni Asiria o anomu ekoch lon ewe telinimw Hala, ekoch lon Kosan arun ewe chapupu Hapor, pwal ekoch lon ekewe telinimwen chon Metia.

2. King 21:10

Iei usun mine ekewe soufos nöün ewe Samol mi Lapalap kewe chon angang ra apasa fän alon,

2. Kronika 24:19

Inamwo än ewe Samol mi Lapalap tinala soufos leir, pwe repwe fönöör o aliwinisefäliir ngeni i, nge ekewe aramas resap mochen aüselingeer.

Esra 9:10

Nge iei en äm Kot, met aipwe apasa ren ei lapalap mi fis? Pun äm aia aleasolap ngeni om kewe allük,

Nehemia 9:20

Ka lifang ngeniir Ngünum mi mürina, pwe epwe öüröüreer, ka pwal amongö ngeniir om mana o aünü ngeniir koluk.

Nehemia 9:26

Iei mwo nge noum kewe aramas ra chök lükümach o ü ngonuk, ra pöütala om allük lükisökürür o niela noum kewe soufos mi fönöör pwe repwe kulsefälituk, ra pwal fokun turunufaseek.

Nehemia 9:29

Ka fönöör pwe repwe aleasochis ngeni om kewe allük. Nge ir ra chök lamalamtekia o aleasolap ngeniir. Iwe, ra tipis ren ar puri om kewe pwüüng, are eman epwe fen apwönüretä, epwe manau ren. Iwe, ra ülöförea o tipepöchökül, nge resap mochen aleasochis.

Kölfel 86:15

Nge en, ai Samol, eman Kot mi ümöümöch o kirikiröch, ka songomang o wöün tong ellet me allükülük.

Kölfel 95:10

Lon ükükün faik ier üa song ngeni ei täppin aramas o üra, “Ir eu mwichen aramas mi tokola leluker. Resap fokun mochen aleasochisi ai kewe allük.”

Aisea 28:10

Pun a chök eliwini ngenikich eu itechikin kapas pwal eu itechikin kapas, eu ititin fos pwal eu ititin fos, eu lesen pwal eu lesen.”

Aisea 42:24

Iö a asechala Israel lepöün chon solä? Ifa usun, sap ewe Samol mi Lapalap? I ewe Kot ra tipis ngeni, resap mochen föri letipan o aleasochisi an kewe allük!

Aisea 48:9

Iwe, fän püsin itei üa engila lon ai song, fän iten ai iteüöch üa amwöchü senuk ai song, pwe üsap afeiengauok.

Aisea 63:10

Nge ir ra chök ü ngeni Kot o achouala Ngünün mi pin. Iei mine a wiliti eman chon oputer, a pwal püsin fiu ngeniir.

Jeremaia 25:4

Ämi ousap mochen aüseling ika aü selingemi pwe oupwe rongorong, inamwo ika ewe Samol mi Lapalap a tinikisiela remi nöün kewe chon angang ekewe soufos.

Jeremaia 44:22

Ewe Samol mi Lapalap esap chüen tongeni engila fän ämi kewe föför mi ngau me anioput. Iei mine fanüemi a wiliti eu fanü mi ta o pön, a anümamau, nge esap chüen so, usun a fis ikenai.

Jeremaia 44:4

Üa soun tinala remi nei kewe chon angang ekewe soufos meinisin mi ürenikemi, pwe ousap föri ekei föför mi fokun ngau üa oput.

Jeremaia 44:5

Nge ämi ousap mochen aüselinga ika afäli ai kapas. Ousap kul seni ämi föföringau, ousap pwal ükütiu le keni apach mi pwokus ngeni pwal ekoch kot.

Jeremaia 7:25

Seni ewe rän ämi kewe lewo ra towu seni Isip tori ikenai üa chök titinala remi nei chon angang ekewe soufos meinisin.

Kölün kechü 2:17

Ewe Samol mi Lapalap a föri mine a ekiekietä, a afisätä an kapasen apwüng a piin apasa me lomlom. A kata, nge esap eäni tong. A awinna chon oputom o apwapwaar ren om feiengau.

Taniel 9:6

Äm aisap aüselinga alon ekewe soufos noum kewe chon angang, ra kapas fän itom ngeni äm kewe king me samol, pwal ngeni äm kewe lewo me aramasen ewe fanü meinisin.

Sekaraia 7:12

Ra apöchöküla leluker pwe a pöchökül usun fau, pwe resap rongorong ekewe allük me ekewe kapas, ngang üa tini ngeni Ngüni, nge ekewe soufosun lom ra asile ngeni ekewe aramas. Iei popun ngang ewe Samol mi Unusen Manaman üa fokun lingeringeritiir.

Sekaraia 7:13

Lupwen üa kapas, ir resap mochen rongorong, iei mine lupwen ir repwe iotek, ngang üsap mochen rongorong.

Numperis 11:26

Nge mi wor ruoman mwän iter Eltat me Metat ra alealaong lein ekewe fik ra chök nom lon ewe ia ra nonom ie, nge resap feila ren ewe imwenfel seni mangaku. Iwe, ewe ngün a feito wor pwe ra pwal osuni me ewe ia ra nonom ie.

Föför 13:18

Lon ükükün faik ier Kot a alisiir me lon fanüapö, inamwo ika ra lükümach ngeni.

Föför 28:25

Iei mine ra feila lon ar tipefesen lefiler mürin än Paulus apasatä ei eu mettoch: “A pwüng mine ewe Ngünmifel a kapas ren ewe soufos Aisea ngeni ach kewe lewo!

Föför 7:51

Iwe, Stefanus a sopwela le kapas ngeniir, “Ämi aramas mi tipeförea! Letipemi ra usun chök chokewe resap lükü Kot, oua rongomang ngeni kapasen Kot! Ämi oua usun chök ämi kewe lewo: Pwal ämi oua ü ngeni Ngünmifel fansoun meinisin.

Nöün Paulus Toropwe ngeni ekewe Souläng lon Rom 2:4

Eli ka turunufasei an kirikiröch mi fokun lapalap, an songomang me tongotam! Kosap mefi pwe än Kot kirikiröch a mochen emwenuk ngeni ekieksefäl?

1. Petrus 1:11

Ra küttafichi inet fansoun me lapalapen an epwe feito. Iei ewe fansoun ewe Ngünün Kraist mi nom lor a itini lupwen ra kapas usun ekewe riaföü Kraist epwe tolong lon, pwal usun ewe ling epwe tori me mürin.

2. Petrus 1:21

Pun esap wor och kapasen osuni a feito seni letipen aramas, nge ekewe aramas ra nom fän nemenien ewe Ngünmifel ra apasatä ewe kapas a feito seni Kot.

2. Petrus 3:9

Ewe Samol esap mang le apwönüetä an pwon usun ekoch ra ekieki, pwe a mosonotam ngenikemi, pun esap mochen pwe eman epwe pöütmwälila, nge a fen mochen pwe meinisin repwe ekieksefäl.