Nehemia 9:27 - Chuukese Bible

²⁷ Iei mine ka asechirelong lepöün chon oputeer mi ariaföüür. Iwe, lon fansoun ar riaföü ra siö ngonuk, nge en ka aüselingeer seni läng. Lon om ümöümöch mi lapalap ka ngeniir souemwen mi angaseer seni lepöün chon oputeer.

Nehemia 9:27 Iomraidhean Croise

2. King 13:5

Iwe, ewe Samol mi Lapalap a fang ngeni chon Israel eman chon amanau mi angaserela seni ekewe chon Siria. Iei mine ekewe aramasen Israel ra nonom lon lenier fän kinamwe usun me lom.

2. King 14:27

Nge sap tipen ewe Samol mi Lapalap pwe epwe arosala chon Israel seni won fanüfan. Iei mine a amanaueer ren Jeropoam nöün Jehoas we mwän.

2. King 17:20

Iei mine ewe Samol mi Lapalap a pöütala ekewe chon Israel meinisin, a ariaföüür o asechirelong lepöün chon solä, tori a asürela seni fän mesan.

2. King 17:39

nge oupwe chök fel ngeniei ngang ewe Samol mi Lapalap ämi we Kot. Iwe, ngang üpwe angasakemi seni chon oputakemi meinisin.”

2. Kronika 36:17

Iwe, Kot a tinala ren ekewe chon Juta ewe kingen Papilon, pwe epwe maun ngeniir. Ätei a niela nöür alüal ren ketilas me lon ar imwenfel, nge esap tongei alüal ika föpwül, chinlap mwän ika chon apwangapwang. Kot a atolongeer meinisin fän nemenien Nepukatnesar.

Nehemia 9:19

Pokiten ka fokun ümöümöch, kosap likitirela lon ewe fanüapö. Ewe ürekuchu mi emweniir won ewe al esap sü seniir lerän, nge ewe üreekkei, a asarama ewe al repwe fetal won, esap sü seniir lepwin.

Kölfel 136:24

o chimanükich seni chon oputach, an tong ellet a nonom tori feilfeilachök.

Lifitikos 26:17

Üpwe ü ngenikemi, nge oupwe kuf ren chon oputakemi. Chokewe mi oputakemi repwe nemenikemi. Iwe, ämi oupwe sü, ngei esap wor eman a tapwerikemi.

Opataia 1:21

Iwe, ekewe chon pwora seni Jerusalem repwe maun ngeni Etom o nemeni. Nge püsin ewe Samol mi Lapalap epwe king.”

Soukapwüng 2:18

Iwe, iteiten fansoun, lupwen ewe Samol mi Lapalap a filätä soukapwüng fän iter, a eti ewe soukapwüng o amanaua ekewe aramas seni chon oputeer lon ükükün ränin manauen ewe soukapwüng. Pun ewe Samol mi Lapalap a tongeäsiniir pokiten ar riaföü ren chokewe mi ariaföüür o aweiresiir.