Nehemia 9:26 - Chuukese Bible

²⁶ Iei mwo nge noum kewe aramas ra chök lükümach o ü ngonuk, ra pöütala om allük lükisökürür o niela noum kewe soufos mi fönöör pwe repwe kulsefälituk, ra pwal fokun turunufaseek.

Nehemia 9:26 Iomraidhean Croise

1. King 14:9

En ka föri mine a ngau lap seni chokewe meinisin ra akom mwom. Ka föri fän itom pwal ekoch kot me uluulun anü seni piras, ka pwal kulu sökürum ngeniei. Ren ei ka asongaei.

1. King 18:13

Ifa usun, esap wor eman a ürenuk en ai samol mine üa föri, lupwen Isipel a popuetä le niela nöün ewe Samol mi Lapalap kewe soufos? Ifa usun, kosap rong pwe üa aopala ipükü mwän me lein nöün ewe Samol mi Lapalap kewe soufos, akalime lon eu föimw, üa pwal amongöniir pilawa o aünüür koluk?

1. King 18:4

Pun lupwen Isipel a popuetä le niela nöün ewe Samol mi Lapalap kewe soufos, Opatia a angei ipükü soufos o aopala akalime lon eu föimw, a amongöniir pilawa o aünüür koluk.)

1. King 19:10

Elias a üra, “Üa fokun tiliken le angang ngonuk, ai Samol mi Lapalap ewe Kot mi Unusen Manaman. Nge ekewe armasen Israel ra atai om we pwon, ra ataela om kewe rongen asor o niela noum kewe soufos meinisin ren ketilas. Ngang echök üa chüen manau. Nge ra pwal ekiekin nieila.”

2. King 21:10

Iei usun mine ekewe soufos nöün ewe Samol mi Lapalap kewe chon angang ra apasa fän alon,

2. King 21:11

“Manasa ewe kingen Juta a föri ekei föför mi fokun anioput. A föri sokun föför mi ngau lap seni mine ekewe chon Amor ra föri me mwan, o emweni chon Juta ngeni tipis ren an kewe uluulun anümwäl.

2. Kronika 36:16

Nge ir ra chök sopwela le turunufasei nöün Kot kewe chon künö, ra oput an kapas o ämängaua nöün kewe soufos, tori ewe Samol mi Lapalap a aworato an lingeringer won nöün aramas, nge esap chüen wor eman a tongeni sü seni.

Nehemia 9:18

lupwen ra mwo nge föri fän iter uluulun eman nienifön kow seni mächä o üra, ‘Iei i äm we Kot mi emwenikeemiwu seni Isip,’ pwal lupwen ra fokun turunufaseek.

Nehemia 9:29

Ka fönöör pwe repwe aleasochis ngeni om kewe allük. Nge ir ra chök lamalamtekia o aleasolap ngeniir. Iwe, ra tipis ren ar puri om kewe pwüüng, are eman epwe fen apwönüretä, epwe manau ren. Iwe, ra ülöförea o tipepöchökül, nge resap mochen aleasochis.

Nehemia 9:30

Chomong ier ka mosonotam ngeniir, ka ngeni noum kewe soufos Ngünum pwe repwe tongeni fönöör, nge resap mochen aüselinga. Iei mine ka atolongeer fän nemenien ekoch mwü.

Kölfel 50:17

Pun ka oput ai amirituk o pöütala ai kewe kapas.

Jeremaia 16:11

mürin kopwe üreniir, ‘Iei alon ewe Samol mi Lapalap: Ei a fis pokiten ämi kewe lewo ra likitieila, pwe repwe angang ngeni pwal ekoch kot o fel ngeniir. Ra likitieila, nge resap aleasochisi ai kewe allük.

Jeremaia 2:30

Esor lomoten ai apwüngükemi, pun ousap mirit ren. Usun eman laion mi kütta ochan, iei usun ämi oua niela nöümi kewe soufos.

Jeremaia 2:7

Ngang üa emwenirelong lon eu fanü mi fokun res, pwe repwe pwapwa le mongö uan o pwapwaiti ekewe mettoch mi mürina lon. Nge lupwen ra tolong lon, ra alimengaua fanüei o föri pwe fanüei epwe anioput.

Jeremaia 32:23

Nge lupwen ra tolong lon ei fanü o fanüeni, resap aleasochis ngonuk ika föri pwüngün om allük. Resap fokun föri och usun mine ka allük ngeniir pwe repwe föri. Iei mine ka awarato wor ekei feiengau meinisin.

Jeremaia 42:19

Iwe, ewe Samol mi Lapalap a ürenikemi, ämi chokewe mi chüen manau me lon Juta, pwe ousap feila Isip. Oupwe fokun silei pwe ngang üa fönöökemi ikenai,

Kölün kechü 3:42

“Äm aia tipis o ü ngonuk, nge en kosap amusala äm tipis.

Isikiel 20:21

Nge nöür kewe ra pwal lükümach o ü ngeniei. Resap fokun alesochisi ai kewe allük, resap pwal apwönüetä ai kewe pwüüng aramas ra wisen aleasochisiir pwe repwe manau ren. Iwe, ra pwal apiningaua pinin ai kewe ränin sapat. Iei popun üa ekiekin awarato ai lingeringer wor o amüchü ai song ngeniir lon ewe fanüapö.

Mateus 21:35

Iwe, ekewe chon mälämäl ra turufi nöün kewe chon angang. Ra wichi eman, ra niela pwal eman o monei fau ngeni pwal eman.

Föför 7:52

Ifa usun, mi wor eman soufos ämi kewe lewo resap ariaföüü? Ra niela nöün Kot kewe chon künö, chokewe ra arongato me lom usun waren nöün Kot we Chon Angang mi pwüng. Iwe, iei ämi oua afangamä i o niela.

Tuteronomi 32:14

Kot a aünü ngeniir milik seni ekewe pwiin kow me sip. A aochocha ngeniir kirisin ekewe nienifön sip me ekewe ätemwänin sip, pwal fituken kow me ätemwänin kuuch seni Pasan, a pwal amongöü ngeniir föün wiich mi fokun mürina. Iwe, a aünü ngeniir wain seni chönün föün irän wain.

Tuteronomi 32:15

Nge Jesurun a kitinupula o rochongau, a kitinupula, a wattela o misimis. Mürin a likitala Kot ewe mi föri, a turunufasei ewe Achau an Chon Amanau.

Soukapwüng 10:6

Iwe, ekewe aramasen Israel ra pwal förisefäli mine a ngau me fän mesen ewe Samol mi Lapalap, pwe ra angang ngeni ekewe anü Paal me Astarot, ngeni ekewe koten Siria me Siton, ekewe koten Moap me än chon Amon pwal än chon Filistia kewe kot. Ra likitala ewe Samol mi Lapalap o ükütiu le angang ngeni.