Nehemia 9:20 - Chuukese Bible

²⁰ Ka lifang ngeniir Ngünum mi mürina, pwe epwe öüröüreer, ka pwal amongö ngeniir om mana o aünü ngeniir koluk.

Nehemia 9:20 Iomraidhean Croise

Nehemia 9:30

Chomong ier ka mosonotam ngeniir, ka ngeni noum kewe soufos Ngünum pwe repwe tongeni fönöör, nge resap mochen aüselinga. Iei mine ka atolongeer fän nemenien ekoch mwü.

Kölfel 105:41

A asangafeseni ewe achau pwe koluk a puwu seni, a pulong lon ewe fanüapö usun eu chapupu.

Kölfel 143:10

Kopwe aiti ngeniei usun ai üpwe föri letipom, pun en ai Kot. Ngünum mi mürina epwe emweniei won efoch al mi sosonöch.

Ekistos 16:15

Iwe, lupwen aramasen Israel ra küna, ra kapasfengen lefiler, “Met ei?” Pun resap silei met ewe. Nge Moses a üreniir, “Iei ewe mongö ewe Samol mi Lapalap a fangoto remi pwe oupwe mongö.

Ekistos 16:35

Iwe, ekewe aramasen Israel ra mongö ewe mana lon ükükün faik ier tori ra tikeri fanü mi so. Ra mongö ewe mana tori ra ipwelong lon kiännin ewe fanü Kanaan.

Ekistos 16:4

Mürin, ewe Samol mi Lapalap a üreni Moses, “Üpwe apüngätiu mongö remi seni läng. Iwe, ekewe aramas repwe towu iteiten rän o ioni ükükün mongön eu chök rän, pwe üpwe sotuniir ika repwe apwönüetä ai allük ika resap.

Ekistos 17:3

Nge ekewe aramas ra fokun kakan koluk, pwe ra lal ngeni Moses o apasa, “Pwota ka emwenikeemiwu seni Isip? Ifa usun, kopwe niikem me nöüm pwal nöüm pwiin man ren om emwenikeemito lon ei leni ese wor koluk lon?”

Ekistos 17:6

Ngang üpwe ütä o sounuk won ewe achau mi nom lepekin ewe chuk Horep. Kopwe wichi ewe achau pwe koluk epwe puwu seni, pwe ekewe aramas repwe tongeni ün.” Iwe, Moses a föri iei usun fän mesen ekewe souakomwen Israel.

Aisea 48:21

Lupwen a emwenala nöün aramas lon fanüapö, resap kaka, a apupuala koluk fän iter seni ewe achau. A amökkü ewe achau pwe ewe koluk a puwu seni.

Aisea 49:10

Resap echik are kaka, nge pwichikaren lon fanüapö me akkar resap pwichitiir, pun ätewe mi tongeer epwe emwenirela ngeni puächen koluk.

Akai 2:5

Lupwen oua towu seni lon Isip, üa fen pwon ngenikemi pwe üpwe etikemi. Ngüni a nonom lefilemi, iei mine ousap niuokus.”

Numperis 11:17

Ngang üpwe feitiu o kapas ngonuk ikenan. Iwe, üpwe angei och manamanen ewe ngün mi nom womw o isetä wor. Repwe etuk le mwärelong fän weiresin tümwünün ekewe aramas pwe kosap akaleäman le mwärelong fan.

Johannes 4:10

Iwe, Jesus a pölüeni, “Are kopwe chök silei än Kot lifang, pwal ätewe mi tüngor ngonuk ünüman koluk, kopwe fen tüngor ngeni, nge i epwe ngonuk ewe kolukun manau.”

Johannes 4:14

nge iö a ün seni ewe koluk ngang üpwe ngeni, esap chüen kakasefäl. Ewe koluk üpwe ngeni epwe wiliti eu lenien puächen kolukun manau leutun mi atoto manau esemüch.”

Nöün Paulus Toropwe ngeni ekewe Souläng lon Rom 15:30

Ämi pwii kana, üa pese ngenikemi fän iten ach Samol Jesus Kraist pwal fän iten ewe tong ewe Ngünmifel a fangeto, pwe oupwe etiei lon ämi tiliken le iotek ngeni Kot fänäsengesi.

1. Korint 10:3

Ir meinisin ra mongö eu chök mongön ngün

Efisos 5:9

pun ewe saram a atoto eu räs mi watte ren sokun föför mürina, föförün pwüng me let.

Josua 5:12

Iwe, seni lesosorun ewe rän ra mongö seni mine a mär lon ewe fanü, esap chüen wor enen ekewe aramasen Israel mana. Nge ra mongö seni uän irän ewe fanü Kanaan lon ewe ier.

2. Petrus 1:21

Pun esap wor och kapasen osuni a feito seni letipen aramas, nge ekewe aramas ra nom fän nemenien ewe Ngünmifel ra apasatä ewe kapas a feito seni Kot.