Nehemia 9:2 - Chuukese Bible

² Iwe, ekewe chon Israel ra aimwürela seni ekewe chon ekis meinisin, ra ütä o pwärätä ar kewe tipis me än ar kewe lewo föföringau.

Nehemia 9:2 Iomraidhean Croise

1. King 8:47

nge are ra memef lon leluker o ekieksefäl me lon ewe fanü ia ra oola ie, are ra tüngor ngonuk me lon fanüen chon liapeniir o apasa, ‘Äm aia tipis o föri föför esepwüng me ngau,’

Esra 10:11

Iei oupwe pwärätä ämi tipis ngeni ewe Samol mi Lapalap än ämi kewe lewo we Kot o föri letipan. Oupwe imwü seni ekewe aramas lon ei fanü, pwal seni pwülüemi kewe ekewe fin ekis.”

Esra 6:21

Iwe, ekewe aramasen Israel mi liwinto seni ar oola ra ochei ekewe mönün Pasofer, pwal meinisin mi chu ngeniir, ir chokewe mi aimwürela seni än aramasen ewe fanü kewe föför mi ngau, pwe repwe fel ngeni ewe Samol mi Lapalap ewe Koten Israel.

Esra 9:1

Mürin ekei mettoch ra fis, ekewe souemwen ra feito o üreniei, “Ekewe aramasen Israel, ekewe souasor me ekewe mwän seni ewe ainangen Lefi resap aimwürela seni aramasen ekewe fanü ünüküür, seni ekewe chon Kanaan, chon Hit, chon Peris, chon Jepus, chon Amon, chon Moap, chon Isip me chon Amor. Ra chök föri ekewe föför mi anioput ir ra föri.

Esra 9:15

Ai Samol mi Lapalap Koten Israel, en ka pwüng, nge ka mwüt ngenikem pwe aia chüen manau. Äm aia pwärätä äm tipis ngonuk. Esap tufich ngenikem pwe aipwe feito fän mesom.”

Esra 9:2

Pun ra angei ekoch me lein nöür föpwül o pwülüeniir, ra pwal apwüpwülüeer ngeni nöür mwän. Iei usun ekewe aramas mi pin ra afitiarfengen me aramasen ekewe fanü. Nge ei lapalap mi ngau ekewe nöüwis me ekewe samol ra akom le föri.”

Nehemia 1:6

Kose mochen kopwe nenengeniei o aüselinga ai iotek ngang noum ei chon angang üa eäni ngonuk lerän me lepwin fän iten ekewe aramasen Israel noum kewe chon angang. Üa pwärätä pwe äm aramasen Israel aia tipis ngonuk. Pwal ngang me chon leimwen semei, äm aia tipis.

Nehemia 10:28

Iwe, äm aramasen Israel, ekewe souasor, ekewe mwän seni ewe ainangen Lefi, ekewe chon mamasa asamalapen imwenfel, ekewe chon köl, ekewe chon angang ngeni imwenfel, pwal meinisin mi aimwürela seni aramasen ekewe fanü pokiten ar aleasochisi än Kot we allük fiti pwülüem, nöüm mwän me fefin, meinisin mi tongeni silei o weweiti ewe pwon,

Nehemia 10:29

aia chufengen me äm kewe souemwen le pwon fän akapel. Aia pwon fän akapel pwe aipwe apwönüetä än Kot we allük Moses nöün Kot we chon angang a ngenikem, aipwe pwal aleasochisi än ewe Samol mi Lapalap äm we Samol kewe allük me pwüüng meinisin. Nge iö kana ra atai ei pwon repwe anümamau.

Nehemia 13:3

Lupwen ekewe aramasen Israel ra rongorong ei allük, ra aimwüela seni ar we mwich chokewe meinisin ir mwirimwirin chon ekis.

Nehemia 13:30

Iei usun üa limeti ekewe aramas seni föförün ekewe chon ekis meinisin o akota wisen ekewe souasor me wisen ekewe mwän seni ewe ainangen Lefi, eman me eman ngeni an angang.

Kölfel 144:11

Kopwe amanauaei seni ekewe chon oputaei mi mochen afeiengauaei, kopwe angasaei seni fän nemenien ekewe chon ekis, seni chokewe mi chök kapas chofana, ra mwo nge aitietä pöüifichir lon ar akapelmwäl.

Kölfel 144:7

Kopwe aitietiu poum seni pekitä, kopwe amanauaei seni ekewe koluk mi alolol o angasaei seni fän nemenien ekewe chon ekis,

Än Salomon Fos 28:13

Eman aramas mi aopala an tipis esap fefeitä lon manauan, nge eman mi pwärätä o likitala, Kot epwe ümöümöch ngeni.

Aisea 2:6

Ai Kot, ka pöütala noum aramas, ekewe mwirimwirin Jakop. Pun ra chök föri angangen pwee, örunien ekewe fanüen ötiu, ra pwal föri angangen souasisil usun ekewe chon Filistia o chiechi ngeni ekewe chon lükün.

Jeremaia 14:20

Äm Samol mi Lapalap, äm aia tipis ngonuk. Aia pwärätä äm föföringau me än äm kewe lewo föföringau.

Jeremaia 3:13

Oupwe chök pwärätä ämi tipis, pwe oua ü ngeniei ngang ewe Samol mi Lapalap ämi we Kot. Oupwe pwärätä pwe oua chiechi ngeni ekewe koten ekis fän ekewe irä mi mwuresires, ousap pwal aleasochisi ai kapas. Ngang ewe Samol mi Lapalap üa kapas.

Taniel 9:20

Iwe, üa chök sopwela le iotek o pwärätä ai tipis me tipisin aramasei chon Israel, üa pwal tüngormau ngeni ai Kot ewe Samol mi Lapalap fän iten imwan mi pin epwe kaüsefäl.

Osea 5:7

Iwe, ra kirikiringau ngeni ewe Samol mi Lapalap, a wor nöür, nge sap nöün Kot ir. Iei eman chon kata epwe afeiengaueer o ataela fanüer.