Nehemia 9:19 - Chuukese Bible

¹⁹ Pokiten ka fokun ümöümöch, kosap likitirela lon ewe fanüapö. Ewe ürekuchu mi emweniir won ewe al esap sü seniir lerän, nge ewe üreekkei, a asarama ewe al repwe fetal won, esap sü seniir lepwin.

Nehemia 9:19 Iomraidhean Croise

Nehemia 9:12

Iwe, ka emweniir lerän ren eu ürekuchu, nge lepwin ka emweniir ren eu üreekkei, pwe epwe saram ewe al repwe fetal won.

Nehemia 9:27

Iei mine ka asechirelong lepöün chon oputeer mi ariaföüür. Iwe, lon fansoun ar riaföü ra siö ngonuk, nge en ka aüselingeer seni läng. Lon om ümöümöch mi lapalap ka ngeniir souemwen mi angaseer seni lepöün chon oputeer.

Nehemia 9:31

Iei mwo nge lon om ümöümöch mi lapalap kosap likitirela ika aroserela. Pun en eman Kot mi kirikiröch o ümöümöch.

Kölfel 106:45

A chechemeni an pwon fän äsengesiir, lon an tong ellet mi lapalap a liamamala ren mine a föri ngeniir.

Kölfel 136:16

A emweni nöün kewe aramas lon ewe fanüapö, an tong ellet a nonom tori feilfeilachök.

Ekistos 40:36

Lon unusen ar sai, iteiten fansoun, lupwen ewe kuchu a witä seni won ewe imwenfel seni mangaku, ekewe aramasen Israel ra sopwela ar sai.

Ekistos 40:38

Pun lon unusen ar sai kuchun ewe Samol mi Lapalap a nom won ewe imwenfel seni mangaku lerän, nge lepwin ekkei a nom lon ewe kuchu. Ei a fis me fän mesen ekewe chon Israel meinisin.

Aisea 44:21

Iwe, ewe Samol mi Lapalap a apasa, “Israel, kopwe chechemeni ekei mettoch, kopwe chechemeni pwe en nei chon angang. Ngang üa afisuk pwe kopwe nei chon angang, ngang üsap manlükukala.

Kölün kechü 3:22

Än ewe Samol mi Lapalap tong ellet esap fokun ükütiu, an ümöümöch esap fokun wesila.

Isikiel 20:14

Nge üsap föri, pun üa ekiekin tümwünü iteüöchi, pwe itei esap küna turunufas me lein chon ekewe mwü mi küna usun ai emwenawu chon Israel seni Isip.

Isikiel 20:17

Nge üa fokun eäni tong ngeniir, pwe üsap afeiengaueer o aroserela meinisin me lon ewe fanüapö.

Isikiel 20:22

Nge üsap föri, pun üa ekiekin tümwünü iteüöchi, pwe itei esap küna turunufas me lein chon ekewe mwü mi küna usun ai emwenawu chon Israel seni Isip.

Taniel 9:18

Äm Kot, kose mochen kopwe aüselingakem, kopwe anelai mesom o nenengeni leniem mi tatakis me ewe telinimw a iteni itom. Pun äm aisap eäni äm iotekin tüngor pokiten äm pwüng, nge pokiten watten om ümöümöch me om tong ngenikem.

Taniel 9:9

En chök äm Samol me äm Kot ka eäni tong, ka pwal amusala tipis. Nge äm aia ü ngonuk,

Malakai 3:6

“Ngang ewe Samol mi Lapalap, üsap tongeni siwil, iei mine ämi mwirimwirin Jakop ousap mochola.

Numperis 14:14

Repwe asile ngeni chon ei fanü ei pworaus. Ir ra fen rongorong pwe en ai Samol mi Lapalap ka nom lein ekei aramas, pun en ka newenewen ngeniir, pwal om kuchu a ütä wor, nge en ka akomw mwer lon eu ürekuchu lerän me eu üreekkei lepwin.

Tuteronomi 8:2

Oupwe chechemeni usun än ewe Samol mi Lapalap ämi we Kot emwenikemiila lon ewe fanüapö lon ekewe faik ier ra la. A awarato weires womi pwe epwe atekisonakemi o sotunikemi, pwe epwe silei met mi nom lon lelukemi, ika oupwe aleasochisi an kewe allük ika ousap.

1. Samuel 12:22

Ewe Samol mi Lapalap esap pöütikemiila pokiten itan mi tekia, pun a efich pwe ämi oupwe nöün aramas.