Nehemia 9:17 - Chuukese Bible

¹⁷ Resap fokun mochen aleasochis ngonuk, resap pwal ekieki ekewe manaman ka föri lefiler. Nge ra chök tipepöchökül o filätä eman souemwen, epwe aliwinirela Isip pwe aramas repwe nöüniir amanau. Nge en eman Kot mi amusala tipis, ka kirikiröch o ümöümöch, ka pwal songomang o wöün tong ellet. Iei mine kosap likitirela,

Nehemia 9:17 Iomraidhean Croise

1. King 6:13

Iwe, üpwe imweimw lon ei imwenfel ka aüetä lein nei kewe aramasen Israel, nge üsap likitirela.”

1. King 8:57

Ewe Samol mi Lapalap ach Kot epwe etikich usun a eti ach kewe lewo. Amwo esap likitikichela ika pöütikichela.

2. Kronika 36:13

A pwal ü ngeni ewe king Nepukatnesar mi pesei ngeni an epwe eäni pwon fän akapel iten Kot pwe epwe allükülük. A chök tipepöchökül o tipeförea, nge esap kul ngeni ewe Samol mi Lapalap ewe Koten Israel.

Esra 9:9

Iei mwo än aramas nöünikem amanau, nge en äm Kot kosap likitikeemila lon äm riaföü. Ka föri pwe ekewe kingen Persia ra eäni kirikiröch ngenikem, pwe ra mwüt ngenikem pwe aipwe manau o aüsefälietä imwomw we imwenfel mi tala, ra pwal mwüt ngenikem pwe aipwe nom lon Juta me Jerusalem fän kinamwe.

Nehemia 9:31

Iei mwo nge lon om ümöümöch mi lapalap kosap likitirela ika aroserela. Pun en eman Kot mi kirikiröch o ümöümöch.

Kölfel 106:13

Nge chon Israel ra müttir manlükala an kewe föför, resap awiti an öüröür.

Kölfel 106:7

Lupwen äm kewe lewo ra nom lon Isip, resap ekieki än Kot kewe föför mi amwarar, resap pwal chechemeni an tong ellet mi lapalap, nge ra ü ngeni Ewe mi Unusen Tekia me arun ewe Setipar.

Kölfel 130:4

Nge en ka amusala äm tipis, pwe aipwe niuokusituk.

Kölfel 78:10

Resap tümwünü än Kot pwon, resap pwal mochen aleasochisi an kewe allük.

Kölfel 78:11

Ra manlükala mine a föri, ekewe manaman a pwäri ngeniir.

Kölfel 78:38

Nge Kot a tongeer, a amusala ar tipis, esap pwal aroserela, Fän chomong a amwöchü an song, nge esap amüchawu an lingeringer ngeniir.

Kölfel 86:15

Nge en, ai Samol, eman Kot mi ümöümöch o kirikiröch, ka songomang o wöün tong ellet me allükülük.

Kölfel 86:5

Pun en, ai Samol, ka kirikiröch o amusala tipis, om tong ellet a somwosom ngeni meinisin mi iotek ngonuk.

Ekistos 32:9

Üa küna ekei aramas pwe ir aramas mi tipepöchökül o ülöförea.

Än Salomon Fos 1:24

Üa fen körikemi, nge ousap mochen aüseling, üa äkänipökemi, nge ousap afäli.

Jeremaia 18:15

Nge nei aramas ra fen manlükieila. Ra keni apach mi pwokus ngeni ekewe uluulun anümwäl. Ra chepetek lon ar kewe al, pun resap chüen fetal won ekewe alen lom, nge ra rikila ngeni pwal ekoch al lükün ewe alelap.

Jeremaia 19:15

“Iei alon ewe Samol mi Unusen Manaman ewe Koten Israel: Üpwe awarato won ei telinimw, pwal won ekewe telinimw ünükün ekewe feiengau meinisin üa fen apwüngala fän iter, pun chon ekei telinimw ra ülöförea, resap mochen aüselinga ai kewe kapas.”

Jeremaia 7:26

Nge esap wor eman a aüselingaei ika aü selingan. Oua chök tipepöchökül o föri mine a ngau lap seni ämi kewe lewo.

Isikiel 5:6

Nge Jerusalem a ü ngeni ai kewe allük me pwüüng lap seni ekewe mwü mi nom ünükün. A pöütala ai kewe allük o aleasolap ngeni ai kewe pwüüng.

Taniel 9:9

En chök äm Samol me äm Kot ka eäni tong, ka pwal amusala tipis. Nge äm aia ü ngonuk,

Sowel 2:13

Ousap chök kamwei üfemi, nge oupwe letipeta lon lelukemi.” Oupwe kul ngeni ewe Samol mi Lapalap ämi we Kot, pun a eäni kirikiröch me chen. A songomang o tongotam, a pwal siwili an ekiekin afeiengaua aramas.

Lifitikos 26:44

Nge inamwo are ra nom lon fanüen chon oputer, üsap likitirela, üsap pwal oputeer. Iei mine üsap fokun aroserela o atai ai pwon ngeniir. Pun ngang ewe Samol mi Lapalap ar we Kot.

Nahum 1:3

Ewe Samol mi Lapalap a mang le song, nge a fokun manaman, esap likitala an epwe apwüngü ewe chon tipis. Ia ewe Samol mi Lapalap a fetal ie, a fis mölümöl, nge ekewe kuchu pipisüsün fän pechen.

Numperis 14:11

Iwe, ewe Samol mi Lapalap a üreni Moses, “Ifa ükükün fansoun än ekei aramas turunufaseei? Ifa ükükün fansoun ar resap mochen lüküei, inamwo ika ra fen küna ekewe manaman üa föri lefiler?

Numperis 14:41

Nge Moses a üreniir, “Pwota oua chök sopwela le purätiu än ewe Samol mi Lapalap allük? Ämi ousap win.

Numperis 16:14

Kosap fokun emwenikeemilong lon eu fanü mi pwülüöch o fanüeräs, kosap pwal ngenikem fanü me tanipin wain pwe aipwe fanüeni. Ifa usun, kopwe pwal atupu ekei aramas? Äm aisap feila.”

Föför 7:39

Nge ach kewe lewo resap fokun mochen aleasochisi. Ra oputa i o lon letiper ra mochen liwinsefäliti Isip.

Nöün Paulus Toropwe ngeni ekewe Souläng lon Rom 9:15

Pun a apasa ngeni Moses, “Üpwe ümöümöch ngeni iö üa mochen ümöümöch ngeni. Üpwe pwal eäni tong ngeni iö üa mochen eäni tong ngeni.”

Ipru 12:25

Iwe, oupwe tümwünüfichi pwe ousap oput ätewe mi kapas. Chokewe mi oput ätewe mi aronga än Kot kapas won fanüfan, resap tongeni sü seni liwiningauen ar tipis. Are epwe iei usun, epwe ifan me watten ewe liwiningau sipwe küna, are sia kul seni ewe mi kapas seni läng.

1. Samuel 12:22

Ewe Samol mi Lapalap esap pöütikemiila pokiten itan mi tekia, pun a efich pwe ämi oupwe nöün aramas.