Nehemia 9:16 - Chuukese Bible

¹⁶ Nge äm kewe lewo ra lamalamtekia o tipepöchökül, resap aleasochisi om kewe allük.

Nehemia 9:16 Iomraidhean Croise

2. King 17:14

Nge ekewe chon Israel resap aleasochis, pwe ra tipeförea, usun ar kewe lewo, ir chokewe resap lükü ewe Samol mi Lapalap ar we Kot.

2. Kronika 29:6

Pun ach kewe lewo ra tipis o föri mine a ngau me fän mesen ewe Samol mi Lapalap ach we Kot. Ra likitala Kot o akulu sökürür ngeni imwen ewe Samol mi Lapalap.

2. Kronika 30:8

Iei ousap tipeförea usun ämi kewe lewo, nge oupwe aleasochis ngeni ewe Samol mi Lapalap o feito ren imwan mi pin, i a apini tori feilfeilachök. Oupwe angang ngeni ewe Samol mi Lapalap ämi we Kot, pwe esap chüen song ngenikemi.

2. Kronika 36:13

A pwal ü ngeni ewe king Nepukatnesar mi pesei ngeni an epwe eäni pwon fän akapel iten Kot pwe epwe allükülük. A chök tipepöchökül o tipeförea, nge esap kul ngeni ewe Samol mi Lapalap ewe Koten Israel.

Nehemia 9:10

Ka föri asisil me manaman o afeiengaua Farao me nöün kewe nöüwis meinisin, pwal aramasen fanüan meinisin, pun ka silei pwe ra ariaföüü äm kewe lewo fän lamalamtekia. Ren ei föför itom a iteföüla tori ikenai.

Nehemia 9:29

Ka fönöör pwe repwe aleasochis ngeni om kewe allük. Nge ir ra chök lamalamtekia o aleasolap ngeniir. Iwe, ra tipis ren ar puri om kewe pwüüng, are eman epwe fen apwönüretä, epwe manau ren. Iwe, ra ülöförea o tipepöchökül, nge resap mochen aleasochis.

Kölfel 106:6

Äm aia tipis usun chök äm kewe lewo. Äm aia föri föför mi ngau o apwönüetä föför esepwüng.

Kölfel 81:8

Ämi nei aramas, oupwe rongorong ngeni ai kapasen fön. Ämi chon Israel, amwo oupwe aüselingaei.

Ekistos 15:26

o apasa, “Are oupwe likiitü le aüselinga mweliei ngang ewe Samol mi Lapalap ämi we Kot o föri mine a pwüng me fän mesei, are oupwe aleasochis ngeni ai kewe allük o apwönüetä ai kewe pwüüng meinisin, üsap uwato womi eu lein ekewe samau üa uwato won chon Isip, pun ngang ewe Samol mi Lapalap ämi sousafei.”

Ekistos 32:9

Üa küna ekei aramas pwe ir aramas mi tipepöchökül o ülöförea.

Än Salomon Fos 29:1

Eman mi angei apwüng fän chomong, nge a chök tipeförea, epwe müttir fisikai an feiengau, nge esap chüen chikarsefäl.

Aisea 48:18

Amwo kopwe aüselinga ai kewe allük! Mürin om kinamwe epwe wewe ngeni eu chanpupu, nge om pwüng epwe wewe ngeni nomongun lematau.

Aisea 48:4

Pokiten üa silei pwe en ka tipeförea, pwe lükün üom a pöchökül usun mächä, nge chamwom a usun chök piras,

Aisea 63:10

Nge ir ra chök ü ngeni Kot o achouala Ngünün mi pin. Iei mine a wiliti eman chon oputer, a pwal püsin fiu ngeniir.

Jeremaia 19:15

“Iei alon ewe Samol mi Unusen Manaman ewe Koten Israel: Üpwe awarato won ei telinimw, pwal won ekewe telinimw ünükün ekewe feiengau meinisin üa fen apwüngala fän iter, pun chon ekei telinimw ra ülöförea, resap mochen aüselinga ai kewe kapas.”

Jeremaia 2:31

Ämi aramasen Israel, oupwe aüselinga aloi. Ifa usun, üa wewe ngeni eu fanüapö me remi, ika eu fanüen rochopwak me feiengau? Pwota ämi nei aramas oua apasa, ‘Äm aipwe chök föri letipem, aisap chüen liwinsefälito reöm.’

Jeremaia 7:26

Nge esap wor eman a aüselingaei ika aü selingan. Oua chök tipepöchökül o föri mine a ngau lap seni ämi kewe lewo.

Isikiel 5:6

Nge Jerusalem a ü ngeni ai kewe allük me pwüüng lap seni ekewe mwü mi nom ünükün. A pöütala ai kewe allük o aleasolap ngeni ai kewe pwüüng.

Föför 7:51

Iwe, Stefanus a sopwela le kapas ngeniir, “Ämi aramas mi tipeförea! Letipemi ra usun chök chokewe resap lükü Kot, oua rongomang ngeni kapasen Kot! Ämi oua usun chök ämi kewe lewo: Pwal ämi oua ü ngeni Ngünmifel fansoun meinisin.

Nöün Paulus Toropwe ngeni ekewe Souläng lon Rom 2:5

Nge lelukom a tipepöchökül o ülöförea. Iei mine ka püsin alapala om liwiningau lon ewe rän lupwen Kot epwe pwärala an song me an apwüngüwen.

Tuteronomi 31:27

Pun üa silei ämi lükümach o tipepöchökül. Nengeni, ikenai, lupwen üa chüen manau ngenikemi, oua lükümach ngeni ewe Samol mi Lapalap. Nge epwe fen ifa usun mürin ai mäla?

Tuteronomi 32:15

Nge Jesurun a kitinupula o rochongau, a kitinupula, a wattela o misimis. Mürin a likitala Kot ewe mi föri, a turunufasei ewe Achau an Chon Amanau.

Tuteronomi 5:29

Amwo leluker epwe iei chök usun iteiten fansoun, pwe repwe meninitiei o aleasochisi ai kewe allük meinisin, pwe repwe feiöch me mwirimwirir tori feilfeilachök.

Tuteronomi 9:13

Iwe, ewe Samol mi Lapalap a pwal üreniei, ‘Üa nengeni ekei aramas o küna pwe ir eu mwichen aramas mi tipeförea.

Tuteronomi 9:27

Kopwe chechemeni noum kewe chon angang Apraham, Isaak me Jakop. Kosap nenengeni än ekewe aramas tipeförea ika ar föföringau ika ar tipis.

Tuteronomi 9:6

Iei mine oupwe silei pwe ewe Samol mi Lapalap esap ngenikemi ewe fanü mi mürina pwe oupwe fanüeni pokiten ämi pwüng, pun ämi eu mwichen aramas mi tipeförea.”

Ipru 3:13

Nge oupwe fokun alilisfengen lefilemi iteiten rän lon ei ükükün fansoun mi iteni “Ikenai”, pwe esap wor eman epwe tup lon tipis o tipepöchökül lon letipan.

Ipru 3:15

Iei usun met a mak lon ekewe Toropwe mi Pin, “Ikenai are oua rong mwelien Kot, ousap apöchöküla lelukemi usun ämi kewe lewo, lupwen ra pöchökül le ü ngeni Kot.”